زرنش خان

زرنش خان
معلومات شخصیت
پیدائش	16 اگست 1996ء (28 سال)  پاکستان
شہریت	پاکستان
عملی زندگی
پیشہ	ادکارہ
	IMDB پر صفحہ

زرنش خان کا شمار پاکستان ٹی وی انڈسٹری میں ایک ابھرتی ہوئی فنکارہ کا ہے۔ انہوں نے شوبز زندگی کا آغاز ماڈلنگ اور فوٹو شوٹ سے کیا۔ پہلی ٹی وی سوپ سیریل 2014ءمیں " محبت اب نہیں ہوگی" کے نام سے کی۔

ذاتی زندگی

زرنش خان لاہور میں پیدا ہوئی مگر چند سال بعد اسلام آباد چلی گئیں اور ان کی ابتدائی تعلیم و زندگی اسلام آباد میں گزری۔ فقط سترہ سال کی عمر میں ان کی شادی ہو گئی اور وہ پاکستان سے دبئی منتقل ہو گئیں۔ اپنے شوہر کی حوصلہ افزائی سے انہوں نے شوبز کی دنیا میں قدم رکھا اور اب ایک مقبول اداکارہ کے طور پر اپنا لوہا منوا چکی ہیں۔

پیشہ ورانہ زندگی

2014  میں اپنی پہلی ڈراما سیریل کے بعد اسی سال ایک اور  ڈراما سیریل "ڈھول بجنے لگا" کیا جو پہلے ڈرامے کے مقابلے میں زیادہ مقبول ہوا۔  اس کے بعد تیسرے ڈراما سیریل "سسرال میرا"  کیا جس پر  انہیں ہم ٹی وی کی طرف سے بہترین اداکارہ کے ایوارڈ سے نوازا گیا۔ اس ڈرامے میں  اب تک بہت سے ہی مشہور اور ٹی وی اداکار کے ساتھ کام کر چکے ہیں جن میں عمران اسلم، علی عباس بہروز سبزواری، مدیحہ حسین زیدی شامل ہیں۔ ان کے مشہور ڈراما سیریز میں خدا نہ کرے، اے زندگی، صحرا میں سفر، لاج، عشق زہے نصیب شامل ہیں۔

ٹیلی فلم

زرنش نے مندرجہ ذیل ٹیلی فلموں میں کام کیا:

• ایک اور ایک گیارہ  (2015 میں )
• جانے سے پہلے (2016 میں )
• دل میں بجی گھنٹی (2016 میں)
• یہ عشق نہیں آسان (2017 میں)

بیرونی روابط

• انٹرنیٹ مووی ڈیٹابیس (IMDb) پر زرنش خان