قائی قبیلہ

Kayığ قَيِغْ

قائی
محمود کاشغری کے مطابق قائی قبیلہ کی مہر جس میں تیر اور کمان بنا ہوا ہے۔
گنجان آبادی والے علاقے
ترکی
زبانیں
ترکی
مذہب
اسلام
متعلقہ نسلی گروہ
غز

قائی قبیلہ (ترکی: Kayı boyu) ترک قبائل کی ایک بڑی شاخ جو غز ترک کے 24 قبائل میں سے ایک ہے۔ قائی ترکی زبان کا لفظ ہے جس کے معنی ہیں "وہ شخص جس کے پاس قوت و اقتدار ہو"۔ یہ ایک خانہ بدوش اور جنگجو قبیلہ تھا۔

قائی قبیلہ گیارہویں صدی میں وسط ایشیا سے اناطولیہ آیا جہاں اس وقت سلجوقی سلطنت کی حکمرانی تھی۔ اس کے علاوہ قبیلہ کے بعض خاندان چودہویں صدی سے بلقان میں بھی آباد ہیں۔

موجودہ ترکی میں صوبہ بیلیجک (Bilecik) قائی قبیلہ کا مرکز سمجھا جاتا ہے۔ دولت عثمانیہ کے عثمانی سلاطین کا شجرہ نسب اسی قبیلے سے جا ملتا ہے۔

قبیلہ کا نسب

غز (Oğuz) قبیلہ کی دو شاخیں ہیں: پہلی شاخ؛ بوزوق (Bozok) اور دوسری شاخ؛ اوچوق (Üçok) ہے۔

غز کی تین شاخیں اور تھیں جن کے سرداروں کو "بوزوقلار" (Bozoklar) کہا جاتا تھا:

1. شاخ "غون خان" ( Gün Han)‏
2. شاخ "آی خان" (Ay Han)‏
3. شاخ "یلدیز خان" (Yıldız Han

"غون خان" شاخ کے چار قبائل تھے:

1. "قائی قبیلہ" (Kayı) عثمانی خاندان اسی سے تھا۔
2. "بیات" (Bayat)
3. "آلقا اولی" (Alkaevli)
4. "قرۃ اولی" (Karaevli)

سیاسی حالت اور ہجرت

کچھ تاریخی مآخذ اور مجموعہ دستاویزات عثمانی سے معلوم ہوتا کہ یہ قبیلہ گیارہویں صدی میں منگولوں کے حملوں کی وجہ سے اس وقت کے ان کے سردار "گوندوز الپ" کی قیادت میں وسط ایشیا سے ہجرت کر کے اناطولیہ آ گیا تھا. وہاں سلجوقی سلطنت کا اقتدار تھا. مشرقی اناطولیہ میں اخلاط میں خیمہ زن ہوا. اگلے سال اس کے سردار گوندوز الپ کی دریائے دجلہ میں ڈوب کر موت ہو گئی. اس کے بعد ان کا بیٹا سلیمان شاہ قبیلہ کا سردار بنتا ہے. چند سالوں کے بعد دریا پار کرتے ہوئے ہی ان کی بھی موت ہو جاتی ہے. ان کے بعد ان کا بیٹا ارطغرل قبیلہ کا سردار بنتا ہے. جو سلطنت عثمانیہ کے بانی عثمان اول کا باپ تھا. مشرقی اناطولیہ میں قائی قبیلہ کے بہت سے آثار اور قبریں ملتی ہیں.

ارطغرل اپنے خاندان کے ساتھ ارزنجان چلا گیا تھا، جہاں سلاجقہ روم اور خوارزمین کے درمیان جنگ چل رہی تھی. ارطغرل قونیہ کے سلطان علاء الدین کیقباد اول سے جا ملا. سلاجقہ روم کے زوال کے بعد جو ایک مضبوط سلطنت بنی.

معلوم پڑتا ہے کہ یہ خاندان تقریباً سنہ 1229ء میں اخلاط (شہر) سے ہجرت کر کے دریائے دجلہ کو پار کر کے قونیہ گیا تھا۔

پھر سنہ 1299ء میں ارطغرل کے بیٹے عثمان اول نے اناطولیہ میں سلطنت عثمانیہ کی بنیاد رکھی، جو تقریباً 600 سالوں تک سب سے بڑی سلطنت رہی۔

قائی قبیلہ کا شجرہ نسب

قائی قبیلہ کا شعار

اوغوز خان Oğuz Han

غون خان Gün Han

قائی Kayı

ساچیکارا کی اولاد Saçıkaralılar

کورتلو کی اولاد Kurtlu

کیزلکیچ کی اولاد Kızılkeçili

کاراکیچ کی اولاد Karakeçili

آتچیکین کی اولاد Atçekenler (ترکمان)

ساریکیچ کی اولاد Sarıkeçili

ہاجول کی اولاد Haculu

عثمانی خاندان