میاں خاندان، باغبانپورہ

شالامار باغ، لاہور

میاں خاندان باغبانپورہ، لاہور کا اعزازی و مشہور خاندان ہے۔

تاریخ

میاں خاندان آرائیں قوم سے تعلق رکھتے ہیں جن کے بڑوں نے پندروی صدی عیسوی میں قدیم لاہور شہر کے وسط میں اسحاق پور کے نام سے ایک بستی آباد کی۔ بنیادی طور پر یہ لوگ زمیسدار تھے اور اس وسیع علاقے کو کاشتکاری کی غرض سے ہی آباد کیا۔ 1641ء میں جب مغل شہنشاہ شاہ جہاں نے لاہور کے قریب شالامار باغ تعمیر کرنے کا حکم دیا تو ماہرتعمیرات نے باغ کی تعمیر کیلئے اسحاق پور کا انتخاب کیا۔ شہنشاہ شاہ جہاں نے اس وقت خاندان کے سربراہ میں محمد یوسف عرف مہر مہنگا کو زمین کے بدلے منہ مانگی قیمت ادا کرنا چاہی تو محمد یوسف نے باغ کیلئے درکار زمین بادشاہ کو بلامعوزہ بطور تحفہ ہی پیش کر دی۔ شاہجہاں اس قدر فراغ دلی سے بے حد متاثر ہوا اور اسی خاندان کو شالامار باغ کا ناظم مقرر کرتے ہوے باغبانپورہ کی جاگیر بھی عطا کر دی۔ بعد ازا اس خاندان کی دیانتداری سے متاثر ہوتے ہوے شہنشاہ شاہجہاں نے ایک شاہی فرمان کے ذریعے 'میاں' کا وراثتی خطاب بھی عطا کیا جو آج تک اس خاندان کے ناموں سے منسلک ہے۔ میاں خاندان زراعت اور صنعت کے اعتبار سے شہرت رکھتا ہے۔ اس کے علاوہ خاندان کے اکثر لوگ فوج اور اعلی سرکاری عہدوں پر بھی فایز رہے اور یہ سلسلہ آج تک جاری ہے۔ انگریزوں کے ہندستان پر حکومت قائم کرنے پر یہ خاندان ان چند اولین خاندانوں میں شامل تھا جنہوں نے بدلتے حالات کو مدنظر رکھتے ہوئے اگلی نسل کو اعلی تعلیم کیلئے انگلستان بھیجا۔ اس فیصلے کے نتیجے میں اس خاندان نے ہندستان کے پہلے مسلم چیف جسٹس میاں شاہدین، جسٹس میاں سر شفیع، میاں سر محمد شاہنواز، بیگم جہاں آرا شاہنواز، میاں افتخارالدین اور پاکستان کے پہلے چیف جسٹس میاں سر عبدلرشید جیسے نامور رہنما پیدا کئے۔ میاں خاندان باغبانپورہ اور شالامار باغ، لاہور کے درمیانی علاقہ میں آباد رہا پر اب زیادہ تر نئی نسل لاہور شہر کے جدید علاقوں میں منتقل ہو چکے ہیں۔ 1962ء میں جنرل ایوب خان کے مارشل لا کے نفاذ کے بعد شالامار باغ کا نظام حکومت وقت نے میاں خاندان سے لے کر محکمہ آثار قدیمہ کو منتقل کر دیا۔ اِس خاندان کے بیشتر افراد باغبانپورہ کے خاندانی قبرستان میں مدفون ہیں۔

میاں خاندان کی مشہور شخصیات

• میاں محمد یوسف عرف مہر منگا، شالامار باغ، لاہور کا مشہور زمیندار۔مغل شہنشاہ شاہ جہاں کی جانب سے خطاب میاں عطاء ہوا۔
• نواب میاں فاضل بخش ولد میاں محمد یوسف، شہنشاہ اورنگزیب نے آپ کو نواب مقرر کیا۔
• میاں قادر بخش نادر (1800ء)، انجینئر، طبیب، دانشور، شاعر، ادیب۔
• جسٹس میاں شاہ دین (1868ء–1918ء)، برٹش راج کے پہلے مسلمان منصف اعظم، شاعر اور ادیب۔
• جسٹس سر میاں محمد شفیع (1869ء-1932ء)، بیرسٹر، جج، سیاست دان، بانی مسلم لیگ پنجاب۔
• میاں بشیر احمد ولد میاں شاہدین؛ شاعر، ادیب، سیاست دان، سفیر۔
• میاں سر محمد شاہنواز (1869ء–1932ء)، رکن وائسراے ایگزیکٹو کونسل۔
• میاں عبدلحمید خان صاحب؛ کشمیر میں اقسقال کے اعہدہ پر فائز رہے۔
• بیگم امیرانساء (1879ء-1959ء)، سیاست دان، سماجی کارکن، بانی انجمن خواتین اسلام 1908۔
• جسٹس میاں عبدالرشید (1889ء–1981ء)، پہلے منصف اعظم پاکستان (1949ء–1954ء)
• میاں افتخارالدین (1907ء–1962ء)، سیاست دان، بانی روزنامہ امروز اور پاکستان ٹائمز۔
• بیگم جہاں آراء شاہنواز (1896ء–1979ء)، نامور سیاست دان، سماجی کارکن، ادیب۔
• ممتاز شاہنواز (1912ء–1948ء)، سیاست دان، ادیب۔
• نسیم جہاں بیگم دختر میاں شاہنواز

مزید دیکھیے

• لاہور
• تاریخ پنجاب
• میاں (خاندانی نام)
• باغبانپورہ