زینب بنت خزیمہ

زینب بنت خزیمہ
معلومات شخصیت
پیدائش	سنہ 595ء   مکہ
وفات	سنہ 625ء (29–30 سال)  مدینہ منورہ
مدفن	جنت البقیع
شریک حیات	محمد بن عبداللہ (625–625) عبیدہ ابن حارث (–624)
والدہ	ہند بنت عوف بن زہیر
بہن/بھائی	سلمیٰ بنت عمیس ،  میمونہ بنت حارث ،  لبابہ بنت حارث ،  اسماء بنت عمیس

حضرت زینب بنت خزیمہ رضی اللہ عنہا (عربی: زينب بنت خزيمة، ام المساکین، مساکین کی ماں) حضرت محمد صلی اللہ علیہ و آلہ وسلم کی ازواج میں سے پانچویں زوجہ تھیں۔ جو چند ماہ زوجہ رہیں اور پھر وفات پا گئیں۔ آپ کے بعد آپ کی اخیافی ہمشیرہ زوجہ نبی بنیں۔

نام ونسب

زینب بنت خزیمہ بن عبد اللہ بن عمر بن عبد مناف بن ہلال بن عامر بن صعصہ ہیں آپ کی وفات کے بعد نبی اکرم نے آپ کی بہن میمونہ بنت حارث سے شادی فرمائی۔ ان دونوں کی والدہ ہند بنت عوف تھیں۔

مؤمنین کی والدہ ام المؤمنین امہات المؤمنین - (ازواج مطہرات)

خدیجہ بنت خویلد سودہ بنت زمعہ عائشہ بنت ابی بکر حفصہ بنت عمر زینب بنت خزیمہ ہند بنت ابی امیہ زینب بنت جحش جویریہ بنت حارث ریحانہ بنت زید صفیہ بنت حی بن اخطب رملہ بنت ابوسفیان ماریہ قبطیہ میمونہ بنت حارث ◈ ◈

زندگی

آپ کے والد کا نام خزیمہ تھا۔ ام المساکین کنیت تھی۔ فقراء اور مساکین کے ساتھ فیاضی کرتی تھیں۔ اس لیے اس کنیت سے مشہور ہوگئیں۔

ازدواجی زندگی

جن کے پہلے نکاح میں اختلاف ہے، بعض نے لکھا ہے کہ: پہلے عبد اللہ بن جَحْش صسے نکاح ہوا تھا، جب وہ غزوۂ اُحُد میں شہید ہوئے تو حضورﷺ نے نکاح کیا، اوربعض نے لکھا کہ: اِن کاپہلانکاح طُفیل بن حارث ص سے ہوا تھا، اُن کے طلاق دینے کے بعداُن کے بھائی عُبَیدۃُ بنُ الْحارِث ص سے ہوا جوبدر میں شہید ہوئے تو اس کے بعد آنحضرت صلی اللہ علیہ و آلہ و سلم سے 400 درہم مہر پر نکاح ہوا ہجرت کے اِکتیس مہینے بعدرمضان 3ھ؁ میں ہوا۔آٹھ مہینے حضورﷺ کے نکاح میں رہِیں اور ربیع الآخر 4ھ؁ میں انتقال فرمایا۔ حضورﷺ کی بیویوں میں حضرت خدیجہ رَضِيَ اللہُ عَنْہَا اور حضرت زینب رَضِيَ اللہُ عَنْہَا ؛دوہی بیبیاں ایسی ہیں جن کاوِصال حضورﷺ کے سامنے ہوا، باقی نَو حضورﷺ کے وِصال کے وقت زندہ تھیں جن کابعد میں انتقال ہوا۔حضرت زینب رَضِيَ اللہُ عَنْہَا بڑی سخی تھیں،اِسی وجہ سے اِن کانام اسلام سے پہلے بھی ’’اُمُّ المَسَاکِیْن‘‘ (مسکینوں کی ماں)تھا۔ حضرت خدیجہ کے بعد صرف آپ نے رسول کریم کی حیات میں وفات پائی۔

وفات

آنحضور صلی اللہ علیہ و آلہ وسلم سے نکاح کے صرف دو تین ماہ کے بعد ہی ان کا انتقال ہو گیا۔ وفات کے وقت عمر 30 سال تھی رسول اللہ نے نماز جنازہ پڑھائی اور جنت البقیع میں دفن ہوئیں بعض کے نزدیک ان کا انتقال نکاح کے بعد تقریبا دو برس کے عرصہ میں ہوا۔