نقطہ جوش

جس درجہ حرارت پر کوئ مائع ابلنے لگتا ہے اسے اس مائع کا نقطہ کھولاؤ boiling point کہتے ہیں۔ اس درجہ حرارت پر وہ مائع تیزی سے اپنے بخارات میں تبدیل ہونے لگتا ہے جسے vaporization کہتے ہیں۔ پانی کا نقطہ کھولاؤ ایک سو ڈگری سنٹی گریڈ ہوتا ہے۔ دباؤ کی تبدیلی سے نقطہ کھولاؤ میں بھی تبدیلی آتی ہے۔ اسی طرح کثافتوں کی موجودگی سے بھی نقطہ کھولاؤ میں تبدیلی آتی ہے۔

کوئ مائع اس وقت ابلنے لگتا ہے جب اسکا بخاری دباؤ vapour pressure اسکی سطح پر موجود بیرونی دباؤ کے برابر ہو جاۓ۔ چونکہ پہاڑوں پر ہوا کا دباؤ کم ہوتا ہے اسلیۓ وہاں پانی کم درجہ حرارت پر ابلتا ہے جس کی وجہ سے چاول گوشت وغیرہ دیر سے گلتے ہیں. پریشر کوکر میں دباؤ کی وجہ سے پانی لگ بھگ ایک سو دس ڈگری سنٹی گریڈ پر ابلتا ہے جس کی وجہ سے کھانا جلدی گل جاتا ہے۔ ماونٹ ایورسٹ پر جو دنیا کی بلند ترین چوٹی ہے پانی 69 ڈگری سنٹی گریڈ پر ابلتا ہے۔

سب سے کم نقطہ کھولاؤ ہیلیم کا ہوتا ہے۔ سب سے زیادہ نقطہ کھولاؤ ٹنگسٹن اور Rhenium کا ہوتا ہے جو 5000K سے زیادہ ہوتا ہے۔

درجہ حرارت کے لحاظ سے مختلف مائعات کا بخاری دباؤ

مزید دیکھیۓ

• کریٹیکل ٹمپریچر
• نقطہ انجماد