تغلق خاندان

تغلق سلطنت
1320–1414
دہلی کا تغلق خاندان
دارالحکومت	دہلی
عمومی زبانیں	فارسی (دفتری, عدالت)
مذہب	اسلام
حکومت	سلطنت
سلطان
• 1321–1325	غیاث الدین تغلق
• 1393–1394	ناصر الدین نصرت شاہ تغلق ناصر الدین محمود شاہ تغلق
تاریخ
•	1320
•	1414
ماقبل مابعد خلجی خاندان خسرو خان سید خاندان

دور حکومت 1320ء سے 1413ء تک

ہندوستان میں خلجی خاندان کے بعد سلطان غیاث الدین تغلق نے دہلی پر تغلق خاندان کی حکومت قائم کی۔ یہ خاندان 1413ء تک حکمران رہا۔ اور اس کے بعد سید خاندان برسراقتدار آیا۔ تغلق خاندان کے دو بادشاہ زیادہ نامور ہوئے ہیں۔ محمد تغلق ایک سخت گیر حاکم تھا۔ متعصب مؤرخوں نے اس کو پاگل کہا ہے مگر یہ درست نہیں ۔ اس نے چند غلط اور ناممکن العمل اقدام ضرور کیے۔ مثلا پایۂ تخت دہلی سے دولت آباد منتقل کیا۔ خراسان اور چین پر ناکام حملہ کیا۔

محمد تغلق کے زمانے میں مشہور عرب سیاح ابن بطوطہ ہندوستان آیا ۔ اور نوبرس یہاں رہا۔ فیروز شاہ تغلق اس خاندان کا سب سے ممتاز بادشاہ گزرا ہے جو بہت دیندار اور منصف مزاج تھا۔ تمام زندگی رفاہ عامہ کے کاموں اور علم کی ترویج و ترقی میں کوشاں رہا۔ بے شمار ہسپتال ، مساجد ، یتیم خانے ، سرائیں اور مدارس قائم کیے۔ بے کاری کو دور کرنے کی خاطر دریاؤں پر پل بندھوا کر ملک میں نہریں کھدوائیں تاکہ زراعت بڑھے۔ اور عوام خوشحال ہوں۔ سخت سزائیں ، منسوخ کردیں۔ فرویز شاہ کے بعد خاندان تغلق کا زوال شروع ہوا۔ اور 1398ء میں امیر تیمور نے رہی سہی طاقت کا خاتمہ کردیا۔ تیمور جاتے وقت خضر خاں کو نائب بنا کر چھوڑ گیا۔ گو آخری بادشاہ محمد تغلق نے جلد ہی دہلی پر دوبارہ قبضہ کر لای۔ لیکن 1413ء میں اس کی وفات کے بعد تغلق خاندان کا بالکل خاتمہ ہوگیا۔ تغلق عہد کی ایک قابل قدر خصوصیت یہ ہے کہ دکنی زبان پر شمالی ہند کی زبان کا مستقل اور نمایاں اثر اسی دور میں ہوا۔

سلاطین تغلق

لقب	نام	دور حکومت
سلطان غیاث الدین تغلق شاہ ‎	غازی ملک	1320 تا 1325ء
سلطان محمد عادل بن تغلق شاہ ‎	ملک فخر الدین	1325ء تا 1351ء
سلطان فیروز شاہ تغلق	ملک فیروز ابن ملک رجب	1351ء تا 1388ء
سلطان غیاث الدین تغلق شاہ دوم	تغلق خان ابن فتح خان ابن فیروز شاہ	1388ء تا 1389ء
سلطان ابو بکر شاہ	ابو بکر خان ابن ظفر خان ابن فتح خان ابن فیروز شاہ	1389ء تا 1390ء
سلطان محمد شاہ	محمد شاہ ابن فیروز شاہ	1390ء تا 1394ء
سلطان علاءالدین سکندر شاہ ‎	ھمایوں خان	1394ء
سلطان ناصر الدین محمود شاہ تغلق ‎	محمود شاہ ابن محمد شاہ	1394 - 1412/1413
سلطان ناصر الدین نصرت شاہ تغلق‎‎	نصرت خان ابن فتح خان ابن فیروز شاہ	1394 – 1398
سید خاندان نے تغلق خاندان کو ہٹا دیاـ

• دہلی سلطنت دو حصوں میں بٹ گیاـ ایک مشرقی حصہ جو کہ سنتری رنگ کے خانے میں واضع کیا گیا ہے اور اس کا دارالحکومت فیروزآباد تھاـ
  • دوسرا مغربی حصہ جو کہ پیلے رنگ کے خانے میں واضع کیا گیا ہے اور اس کا دارالحکومت دہلی تھاـ