معلق مقناطیسی ریل

اگر یہ آپ کا مطلوبہ صفحہ نہیں تو دیکھیے، مقناطیسی تعلیق (magnetic levitation)

یاماناشی جاپان میں JR-Maglev کا ایک منظر ، اس قطار نے تیزرفتاری کا سجل عالم (world record) حاصل کیا۔
چند اہم الفاظ
معلق / علق عل عل مقناطیسی ناطیس ناطیس ‏Maglev علناطیس علناطیس قطار levitation علق سے lev magnetic مقناطیس سے mag mag + lev عل + ناطیس Maglev train

قطار علناطیس یا علناطیسی قطار ، ایک ایسی قطار (train) کو کہا جاتا ہے کہ جو مقناطیسی طاقت کے زریعے سے اپنی سراط یا track سے کچھ اوپر اٹھ کر یا یوں کہ لیں کہ معلق (levitate) ہو کر چلتی ہے ، اسے مکمل نام کے طور پر ----- معلق مقناطیسی تنقل ----- بھی کہا جاتا ہے جسکی انگریزی Magnetic levitation transport ہوتی ہے۔ چونکہ اس قسم کے ناقلات (vehicles) پہیوں کے زریعے پٹری پر نہیں بلکہ اپنے نیچے موجود زمین یا سطح سے کچھ اوپر اٹھ کر یا تیرتے ہوئے چلتے ہیں اس لیۓ اس نظام تنقل یا ٹرانسپورٹ میں رگڑ (friction) کی قوت نظریاتی طور پر صفر ہوجاتی ہے اور وہ گاڑی نہایت تیز رفتاری اور نہایت خاموشی سے سفر کرسکتی ہے۔

اختصاری نام

علناطیس اصل میں ایک اختصاری امیختہ (portmanteau) لفظ ہے اور انگریزی میں اسے maglev کے نام سے یاد کیا جاتا ہے۔ maglev کا لفظ دراصل magnetic اور levitation کا مرکب ہے یعنی کہ انگریزی میں maglev ایک امیختہ لفظ ہے اور اسی طرح اردو میں علناطیس بھی ایک امیختہ لفظ ہے جو کہ علق یا معلق سے عل اور مقناطیس سے ناطیس کے اختصاری ابجد کو اخذ کر کے بنایا گیا ہے۔ مزید وضاحت کے لیۓ سامنے خانۂ شکل میں چند اہم الفاظ دیکھیے۔

آسان بیان

جیسا کہ طبیعیاتی اصول اور مقناطیس کی فطرت ہے کہ اس کے یکساں قطب ایک دوسرے کو دفع اور مخالف ایک دوسرے کو کشش کرتے ہیں؛ یہی اصول ہے جس سے فائدہ اٹھا کر چند ممالک قطارات (trains) کی ایک انتہائی جدید ترین اور تیزترین شکل تخلیق کرنے پر تحقیق میں مصروف ہیں اور خاصی حد تک کامیاب بھی ہوچکے ہیں۔ مقناطیس کے برعکس برقناطیس ایسے مقناطیسی میدانِ کشش یا دفع پیدا کرتے ہیں کہ جو عارضی ہوں اور برقی طاقت ہٹا لیۓ جانے پر اپنی مقناطیسیت کھو دیتے ہوں۔
علناطیس قطار میں بھی یہی عارضی (یا برقی مدد سے تضبیط کی جانے والی) برقناطیسیت استعمال کی جاتی ہے۔ پہلا کام علناطیس کو سطح زمین سے اوپر معلق (levitate) کرنا ہوتا ہے اور پھر دوسرا مرحلہ آتا ہے اس معلق علناطیس کو دھکیلنے یا اپنی منزل کی جانب رواں کرنے کا؛ اور یہ دونوں کام ہی مقناطیسی طاقت کی مدد سے کیے جاتے ہیں۔

زمین سے اوپر اٹھانا

علناطیس کو زمین سے (2 - 10 cm) اوپر اٹھانے کے لیۓ پٹریوں پر اور علناطیس کے جسم کے نیچے طاقتور برقناطیس لگاۓ جاتے ہیں جن کے قطب ایک دوسرے سے یکساں ہونے کی وجہ سے ان کے درمیان ایک دفع کی قوت پیدا ہوتی ہے اور چونکہ پٹریاں تو اپنی جگہ پر مضبوط اور مستحکم جڑی ہوتی ہیں لہٰذا نتیجے کے طور پر علناطیس اس دھکیل یا دفع کی قوت کی وجہ سے اوپر اٹھ جاتی ہے یا معلق ہو جاتی ہے۔

منزل کی جانب دھکیلنا

جب ایک بار علناطیس اوپر اٹھ جاۓ تو پھر چونکہ اس کو عام گاڑیوں کو لاحق ، سطحِ حرکت (زمین یا پٹری) کی رگڑ جیسی سفرمخالف قوت سے چھٹکارا حاصل ہو جاتا ہے اور ہوا کی رگڑ کو اس کی ہوائی حرکی (aerodynamic) جسمانی بناوٹ یا ڈھال کی مدد سے کافی کم کردیا گیا ہوتا ہے لہذا مقناطیسی قوت سے اسے آگے یا منزل کی جانب دھکیلنا ممکن ہوتا ہے۔ اس مقصد کے لیۓ وہی برقناطیس کام میں لائے جاتے ہیں جو کہ اس کی پٹریوں پر لگے ہوتے ہیں۔ جب ان میں متبادل جار برقی (electric current) گذارا جاتا ہے تو ایک مرتبہ انکا قطب ، علناطیس کے ڈبوں کے نیچے لگے مقناطیس سے یکساں اور اگلی بار مخالف ہوتا رہتا ہے، برقناطیسی قطبوں کی اس بار بار تبدیلی اور ان کی خاص ترتیب کی وجہ سے جب علناطیس کے آگے لگے مقناطیس اس کو کشش یا کھینچ رہے ہوتے ہیں تو اس وقت پیچھے والے مقناطیس اس کو دفع یا دھکیل رہے ہوتے ہیں اور نتیجہ پوری گاڑی یا علناطیس کا آگے کی جانب سفر کی شکل میں ظاہر ہوتا ہے۔

انتہائی رفتار

چونکہ آج تک ایسے بناۓ جانے والی قریبا تمام اجسام تنقل (transport) ریل گاڑیوں کی مانند ہیں اسی لیے علناطیس اور Maglev کے الفاظ عموما علناطیس قطار کے متبادل کے طور پر ہی استعمال ہوتے ہیں۔ تنقل کا یہ نظام ناقل (vehicle) کو ایک برقناطیسی (electromagnetic) قوت کے زریعے دھکیلتا ہے، اس نظام کی رفتار عام پہیوں والے نظام تنقل کی نسبت زیادہ ہوتی ہے اور امکانی طور پر ایک نفاثی ہوائی جہاز (jet aircraft) کی رفتار کے قریب قریب پہنچنے کی صلاحیت رکھتی ہے۔ اب تک سب سے زیادہ تیز رفتار علناطیس کا سجل یا ریکارڈ ، 581 کلومیٹر فی گھنٹے کا ہے جو کہ سن 2003 میں جاپان میں حاصل کیا گیا۔

بیرونی روابط

• بین الاقوامی تختِ علناطیس ( the international maglev board )