زیوو ولنے

زیوو ولنے
(عبرانی میں: זאב וילנאי)
معلومات شخصیت
پیدائش	12 جون 1900ء  کیشیناو
وفات	21 جنوری 1988ء (88 سال)  یروشلم
شہریت	اسرائیل
عملی زندگی
تعلیمی اسناد	جغرافیہ میں علوم کا ڈاکٹر
پیشہ	جغرافیہ دان،  ماہر تعلیم،  مصنف،  مورخ
پیشہ ورانہ زبان	عبرانی،  انگریزی
اعزازات
اسرائیل پرائز (1982) بیالک انعام (1981)

زیوو ولنے (عبرانی: זאב וילנאי‎، انگریزی: Zev Vilnay) ایک اسرائیلی جغرافیہ دان، مصنف اور لیکچرار تھا۔

ذاتی زندگی

وولف ولنے (بعد میں زیوو ولنے) کشینیف میں پیدا ہوا۔ چھ سال کی عمر میں اپنے والدین کے ہمراہ ہجرت کر کے فلسطین آیا اور وہ حیفا میں پلا بڑھا۔ ہگانا میں ایک فوجی ٹوپو گرافر کے طور پر اور بعد میں اسرائیلی دفاعی افواج میں خدمات انجام دیں۔

ولنے اور اس کی بیوی آستر یروشلیم کے رہائشی تھے۔ اس کا ایک بیٹا متان ایک سیاست دان تھا جو کنیست کا رکن تھا اور چین کا سفیر بننے سے قبل اس نے متعدد وزارتی قلمدان حاصل کیے۔ زیوو ولنے کا سب سے بڑا لڑکا ”اورن ولنے“ ساختیاتی انجینئری میں مہارت رکھتا تھا، اس نے جامعہ بن گوریون میں سول انجینئری کا ایک نیا محکمہ تعمیر کیا تھا۔

مطالعۂ ارض اسرائیل

ولنے اسرائیل میں آؤٹ ڈور پیدل سفر اور ٹورنگ کے میدان میں ایک اہم پیش قدم تھا۔ ولنے اسرائیلی جغرافیہ، نسلی جغرافیہ، تاریخ اور لوک ریت پر بڑے پیمانے پر لیکچر دیتا تھا۔ اس کی ”Guide to Israel۔“ 27 ایڈیشنوں میں شائع ہوئی اور کئی زبانوں میں ترجمہ کی گئی تھی۔

اعزازات

• 1974ء میں زیوو ولنے نے یاکیر یروشلیم (یروشلم کا عمدہ شہری) کا اعزاز وصول کیا۔
• 1981ء میں یہودی فکر کے لیے اسے ابرہام ایون شوشان کے ساتھ بیالک انعام دیا گیا۔
• 1982ء میں ارض اسرائیل سے محبت اور اس کے متعلق معلومات کی وجہ ولنے کو اسرائیل پرائز دیا گیا۔