سیلفی کے باعث حادثات اور اموات

اس فہرست میں اُن تمام حادثات اور اموات کا ذکر ہے جو سیلفی لیتے ہوئے یا لینے کی وجہ سے رونما ہوئے۔ روزنامہ ٹیلی گراف نے لکھا کہ سنہ 2015ء میں سیلفی لیتے ہوئے اتنے لوگ ہلاک ہوئے، جتنے شارک کے حملوں میں ہلاک نہیں ہوئے۔

2015ء

اکتوبر

• برشلونہ میں ٹرین کی چھت پر سیلفی لیتے ہوئے 14 سالہ کرنٹ لگنے سے ہلاک

دسمبر

• ریلوے ملازم کا 2 سالہ بیٹا راولپنڈی، پاکستان میں چلتی ٹرین کے سامنے سیلفی لینے کی کوشش میں ہلاک ہو گیا۔

2016ء

جنوری

• منیلا میں 19 سالہ طالبہ 20 منزلہ اپارٹمنٹ بلڈنگ کی چھت سے سیلفی لیتے ہوئے گر گئی۔ اس کی ساتھی طالبہ کے مطابق وہ اپنی تصاویر سے مطمئن نہیں تھی، جس کی وجہ سے اس نے اوپر چڑھ کر تصویر لینے کے فیصلہ کیا۔
• 20 سالہ ابھیشک گپتا جموں و کشمیر میں ریاسی قلعہ پر سے سیلفی لیتے ہوئے گر کر مر گیا۔
• ترنم نام کی 20سالہ لڑکی باندرا بینڈ سٹینڈ ممبئی میں ڈوب کر ہلاک ہو گئی۔ کہا جا رہا ہے کہ وہ اونچی لہروں میں بہہ گئی۔ وہ اپنی دوستوں کے ساتھ ایک چٹان پر کھڑی تصویریں لے رہی تھی کہ پانی کی سطح بلند ہوئی اور وہ ڈوب گئی۔ جس چٹان پر وہ تصویر لے رہی تھی وہ پانی سے 50فٹ دور تھی مگر پانی کی سطح ایک ہی دم بلند ہونا شروع ہو گئی، جس کا انھوں نے نوٹس نہیں لیا

فروری

• چینائی میں 16سالہ لڑکا مسافر ٹرین کے سامنے سیلفی لیتے ہوئے ہلاک ہو گیا۔
• ناسک میں Waldevi Dam میں ایک شخص سیلفی لیتے ہوئے ڈیم میں ڈوب گیا۔
• منڈیا انسٹی ٹیوٹ آف میڈیکل سائنس کے 3 طلبہ ہلوانا گاؤں جو بینگا لورو، بھارت سے 180 کلومیٹر دور ہے کی نہر میں ڈوبنے سے ہلاک۔ تینوں سیلفی لینا چاہتے تھے۔
• ارجنٹائن میں ایک ہجوم کے La Plata dolphin کے ساتھ سیلفی لینا اس ڈولفن کی موت کا باعث بن گیا

مئی

• 1 مئی 2016ء کو، بھارت کی ریاست پنجاب میں ایک سکھ لڑکے نے اپنے والد کی پستول سر پر رکھ کر اپنی تصویر بناتے ہوئے گولی چلا دی، جس سے وہ زخمی ہو گیا اور اسپتال داخل کروایا گیا۔ آخری اطلاع کے مطابق اس کی حالت خطرے سے باہر ہے۔