منوج مانچو

مانچو منوج کمار (تیلگو: మంచు మనోజ్ కుమార్)‏
معلومات شخصیت
پیدائش	(1983-05-20) 20 مئی 1983 چینائی، تمل ناڈو، بھارت
رہائش	حیدرآباد، تلنگانہ، بھارت
شہریت	بھارت
زوجہ	پرنتھی ریڈی (20 مئی 2015ء تا حال)
والدین	موہن بابو، نرملا دیوی
بہن/بھائی	لکشمی منچو
عملی زندگی
پیشہ	اداکار
دور فعالیت	2004ء تا حال
اعزازات
نندی اعزازات
ویب سائٹ
ویب سائٹ	باضابطہ ویب گاہ
	IMDB پر صفحات

مانچو منوج کمار ((تیلگو: మంచు మనోజ్ కుమార్)‏) ایک بھارتی اداکار ہیں، جو تیلگو زبان کی فلموں میں کام کے لیے جانے جاتے ہیں۔ آپ تیلگو اداکار موہن بابو کے بیٹے ہیں جبکہ اداکارہ لکشمی مانچو اور اداکار وشنو مانچو کے بھائی ہیں۔ منوج نے 10 سال کی عمر میں بطور چائلڈ آرٹسٹ فلم میجر چندر کانت (1993ء) میں کام کیا۔ منوج نے اپنے فنی سفر کا آغاز 2004ء کی تیلگو فلم ڈونگا ڈونگڈی سے کیا۔ آپ کو 2010ء کی فلم بنداس میں کام کے لیے نندی خصوصی جوری اعزاز دیا گیا۔

ابتدائی زندگی

مانچو منوج 20 مئی، 1983ء کو اداکار موہن بابو اور مانچو نرملا دیوی کے گھر پیدا ہوئے۔ ان کی بڑی بہن لکشمی مانچو اداکارہ اور بڑے بھائی وشنو مانچو اداکار ہیں۔ انھوں نے جنوب مشرقی اوکلاہوما ریاست یونیورسٹی سے بیچلرز کی ڈگری حاصل کی۔

ذاتی زندگی

مئی 2015ء میں منوج نے اپنی سہیلی پرنتھی ریڈی سے شادی کر لی۔ پرنتھی نے سی پی اے کا کورس امریکا میں کیا۔ پرنتھی، منوج کی بھابھی ورانیکا کی ہم جماعت تھی۔ منوج ابھی چینائی میں رہتے ہیں۔

فنی سفر

چائلڈ آرٹسٹ

منوج نے اپنے بچپن میں بہت سی تیلگو فلموں کردار ادا کیے۔ فلم پونیابھومی نا دیسم میں ان کے کردار کو بہت سہرایا گیا۔ اس فلم میں ان کے والد موہن بابو مرکزی کردار میں تھے۔

2004ء تا حال

انھوں نے اپنے فنی سفر کا آغاز فلم ڈونگا ڈونگڈی (2004ء) سے کیا۔ 2005ء میں، وہ فلم شری میں نظر آئے۔ بعد میں فلم راجو بھائی (2007ء) میں نظر آئے۔ ان کی اگلی فلم نینو میکو تیلوسہ۔۔۔؟ تھی۔ اس فلم نے اوسط درجہ کی کمائی کی۔ 2009ء میں، چندر شیکھر ییلٹی کی ہدایت کردہ فلم پریانم میں نظر آئے۔ 2010ء میں ان کی فلم بنداس جاری ہوئی، یہ فلم کافی کامیاب ہوئی۔ 2010ء ہی میں ان کی اگلی فلم ویدم جاری ہوئی، یہ ایک سب ستاروں کی فلم تھی۔ جس میں منوج کے ساتھ اللو ارجن، انوشکا شرما، منوج باجپائی، دکشا سیٹھ، لیکھا واشنگٹن مرکزی کردار میں تھے۔ اس فلم نے باکس آفس پر اچھی کمائی کی اور شائقین کی طرف سے بھی خاصی پزیرائی ملی۔ انھیں ویدم میں اپنے کردار کے لیے کئی اعزاز ملے۔ 2012ء میں ان کی فلمیں مسٹر نوکیا اور اون کودھاتھرا؟ الکا پدھاتھرا؟ جاری ہوئی۔

مارچ 2013ء میں انھوں نے پانچ فلموں کا اعلان کیا۔ 2013ء میں ان کی فلم پوٹگڈو جاری ہوئی۔ 2014ء میں انھوں نے پنڈاولو پنڈاولو تھمیڈا اور کرنٹ تھیگا میں کام کیا۔ 2016ء میں، فلم شوریا اور اٹیک میں کام کیا۔ 2017ء میں ان کی فلمیں گنٹروڈو اور اوکاڈو مگیلاڈو جاری ہوئیں۔

فلموگرافی

نمبر شمار	سال	فلم	کردار	زبان	حواشی
1	1993ء	میجر چندر کانت		تیلگو	چائلڈ آرٹسٹ
2	1997ء	اڈاولو انا		تیلگو	چائلڈ آرٹسٹ
3	1998ء	کھیدیگرو	راجو	تیلگو	چائلڈ آرٹسٹ
4	2004ء	ڈونگا ڈونگڈی	واسو	تیلگو	سینے ما اعزاز برائے بہترین نووارد اداکار، تھرودا تھرودی کا ری میک
5	2005ء	پولیٹکل راؤڈی	خود	تیلگو	خصوصی ظہور
6	2005ء	شری	شری	تیلگو
7	2007ء	راجو بھائی	راجو بھائی	تیلگو	چتھرم پیسوتھاڈی کا ری میک
8	2008ء	نینو میکو تیلوسہ۔۔۔؟	ادتیہ	تیلگو	تمل میں ینائی تھریما کے عنوان سے ڈب کی گئی
9	2009ء	پریانم	دھرو	تیلگو
10	2010ء	بنداس	اجے	تیلگو	نندی خصوصی جوری اعزاز
11	2010ء	ویدم	وویک چکرورتھی	تیلگو
12	2010ء	جھمنڈی ناڈم	بالو	تیلگو
13	2012ء	مسٹر نوکیا	نوکیا	تیلگو
14	2012ء	اون کودھاتھرا؟ الکا پدھاتھرا؟	منوج	تیلگو
15	2013ء	پوٹگڈو	گوندو	تیلگو
16	2014ء	پنڈاولو پنڈاولو تھمیڈا	اجے	تیلگو
17	2014ء	کرنٹ تھیگا	راجو	تیلگو
18	2015ء	ڈونگٹا	خود	تیلگو	خصوصی ظہور
19	2016ء	شوریا	شوریا	تیلگو
20	2016ء	اٹیک	رادھا کرشنا	تیلگو
21	2017ء	گنٹروڈو		تیلگو
22	2017ء	اوکاڈو مگیلاڈو	سوریا	تیلگو

بیرونی روابط

• انٹرنیٹ مووی ڈیٹابیس (IMDb) پر منوج مانچو
• باضابطہ ویب گاہآرکائیو شدہ بذریعہ manchumanoj.com