علاء الدین خلجی

علاء الدین خلجی
معلومات شخصیت
پیدائش	سنہ 1266ء   دہلی
وفات	4 جنوری 1316ء (49–50 سال)  دہلی
وجہ وفات	ورم
مدفن	دہلی
زوجہ	ملکہ جہاں
اولاد	قطب الدین مبارک شاہ ،  شہاب الدین خلجی
خاندان	خلجی خاندان
مناصب
سلطان
برسر عہدہ 19 جولا‎ئی 1296  – 4 جنوری 1316
عملی زندگی
پیشہ	سیاست دان ،  سلطان

علا الدین خلجی کا پیدائشی نام علی گرشاسپ خلجی تھا اور وہ ہندوستان میں خلجی خاندان کے دوسرے سلطان تھے۔ وہ خلجی خاندان کے سب سے طاقتور سلطان تھے۔

علا الدین خلجی کے زمانے میں منگولوں کے حملے کا شدید خطرہ تھا اور اس وجہ سے علا الدین خلجی کو ایک بڑی فوج کی اشد ضرورت تھی۔ فوجی اخراجات کو قابو میں رکھنے کے لیے اس نے بازار میں ہر چیز کی قیمت مقرر کر دی اور اور اس پر سختی سے عمل کروایا۔ اس زمانے کے روپے کو تنکہ کہتے تھے اور وزن کے اعتبار سے ایک تنکہ ایک روپے کے بالکل برابر ہوتا تھا یعنی 96 رتی کا ہوتا تھا۔ ایک تنکہ تانبے کے بنے 50 جتال کے برابر ہوتا تھا۔ روزمرہ استعمال کی چیزیں سستی ہونے سے لوگ خوش حال ہو گئے اور علا الدین خلجی کے مرنے کے بعد بھی عرصہ تک اس کے عہد کو یاد کیا کرتے تھے۔ علا الدین خلجی نے دلال (middle man) کا کردار بالکل ختم کر دیا تھا اور ذخیرہ اندوزی کی سخت ترین سزا مقرر کی تھی۔ جاسوسی کاایک ایسا نظام مرتب کیا تھا کہ بادشاہ کو منڈی کی خبریں براہ راست پہنچائی جاتی تھیں۔

شے	قیمت
گندم	ڈیڑھ روپے میں دس من
جو	ایک روپیے میں ساڑھے بارہ من
چنا	ایک روپے میں دس من
چاول	ایک روپے میں دس من
ماش	ایک روپے میں دس من
دالیں	ایک روپے میں دس من
چینی	ایک روپے میں 38.5سیر
گڑ	ایک روپے میں 166 سیر
گھی/مکھن	ایک روپے میں 125 سیر
تل	ایک روپے میں 150 سیر
عمدہ سوتی کپڑا	ایک روپے میں 20 گز
کھدر کپڑا	ایک روپے میں 40 گز
چادر	ایک روپے میں پانچ
بہترین گھوڑا	100 سے 120 روپے تک
درمیانی گھوڑا	80 سے 90 روپے تک
عام گھوڑا	65 سے 70 روپے تک
گھوڑے کا بچہ	10 سے 25 روپے تک
عمدہ بیل	4 سے 5 روپے تک
گائے گوشت کے لیے	1.5 سے 2 روپے تک
دودھ دینے والی گائے	3 سے 4 روپے
بھینسا گوشت کے لیے	5 سے 6 روپے
بھینس دودھ دینے والی	10 سے 12 روپے
بکری	روپے میں چار سے پانچ تک
کنیز۔ کام کرنے والی	5 سے 12 روپے
خوش شکل کنیز	20 سے 40 روپے
غلام لڑکا	20 سے 30 روپے

نگار خانہ

• 
• 
• 
• 
  چاندی سے بنا سکہ تنکا
• 

مزید دیکھیے

• تاریخ سہارن پور
• پدما وت
• وزن کی متروک اکائیاں (پاکستان)