جھیل میڈ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
جھیل میڈ

جھیل میڈ (انگریزی:Lake Mead) دنیا کی سب سے بڑی مصنوعی جھیل ہے جو ریاستہائے متحدہ امریکہ میں واقع ہے۔ یہ جھیل لاس ویگاس سے 30 میل جنوب مشرق میں نیواڈا اور ایریزونا کی ریاستوں کے درمیان واقع ہے۔ یہ جھیل اس وقت وجود میں آئی جب 1936ء میں دنیا کے موجودہ سب سے بڑے بند ہوور کی تعمیر مکمل ہوئی۔ اس جھیل میں اندازاً 28 اعشاریہ 5 ملین ایکڑ فٹ (35 مکعب کلومیٹر) پانی ہے جو بند کے پیچھے 110 میل (180 کلو میٹر) کے علاقے پر پھیلا ہوا ہے۔

یہ جھیل ایلووڈ میڈ کے نام سے موسوم ہے جو 1924ء سے 1936ء کے دوران اس بند اور جھیل کی تعمیر کے دوران امریکی ادارہ برائے بحالی کے کمشنر تھے۔

اس بند کی تعمیر سے پانی کا جو عظیم ذخیرہ جمع ہوا وہ کئی مقامی آبادیوں کی منتقلی کا باعث بنا جس میں سب سے زیادہ معروف سینٹ تھامس، نیواڈا کی آبادی تھی۔ اس قصبے کے آخری مکین 1938ء میں یہ علاقہ چھوڑ گئے۔ کبھی کبھار جب جھیل میڈ میں پانی کی سطح نیچے ہو جاتی ہے تو اس قصبے کے آثار نظر آتے ہیں۔

متعلقہ مضامین[ترمیم]

جھیل ناصر