کنگ آف بوائز

کنگ آف بوائز
فلم کا پوسٹر
ہدایت کار	کیمی ادیتیبا
تحریر	کیمی ادیتیبا
تاریخ نمائش	20 اکتوبر 2018ء (2018ء-اکتوبر-20)
دورانیہ	169 منٹ
ملک	نائیجیریا
زبان	انگریزی یوروبا Igbo ہوسا
باکس آفس	₦ 245 million

کنگ آف بوائز (انگریزی: King of Boys) 2018ء میں بنی ایک جرائم سیاسی سنسنی خیز فلم ہے جسے کیمی اڈیتیبا نے ڈائریکٹ کیا ہے۔ دی ویڈنگ پارٹی کے بعد کیمی کی یہ دوسری فلم ہے۔ دی ویڈنگ پارٹی کے بعد اس فلم میں کیمی، ایٹومی اور سولا نے ایک بار پھر ایک ساتھ کام کیا ہے۔ اس فلم میں دو ریپر البلس اور ریمیننس کے درمیان میں طاقت کی جنگ کو دکھایا گیا ہے۔ دونوں کی یہ پہلی فلم ہے۔۔ دیگر اداکاروں میں پول سامبو، اوساس اجیبادے، تونی تونس، سانی موزو، دیمولا ادینون اور اکین لیویس ہیں۔

پلاٹ

کہانی ایک تاجرہ الحاجہ اینیولا سلامی کی ہے۔ وہ صدقہ و خیرات خوب کرتی ہیں اور مستقبل میں سیاست میں اپنے قدم جمانا چاہتی ہے۔ جیسے جیسے طاقت حاصل ہوتی ہے وہ دوسروں کو ڈرانا شروع کردیتی ہے۔ سیاست اور طاقت کے عروج پر وہ ایک ایسے مکڑجال میں پھنس جاتی ہے جہاں سے نکلنا اس کے لیے آسان نہیں ہوتا ہے اور اسے کوئی سہارا و مددگار دکھائی نہیں دیتا ہے۔

کردار

• سولا سوبووالے - الحاجہ اینیولا سلامی
• ادیوسا ایتومی - کیمی سلامی
• جیدے کوسوکو - الحاج سلامی
• اوساس ایغودارو - سادے بیلو
• البلس - اودوگوو ملائے
• تونی تونس - جوان سلامی
• ریمینیس - ماکاناکی

استقبالیہ

اس فلم کو 2018ء کی 10 بہترین فلموں میں شمار کیا جاتا ہے۔ پلس نائیجیریا میں ایومیدے تویو لکھتے ہیں“ اس فلم کو سیاسی سنسنی خیز کا ماسٹر پیس بنانے کی کوشش کی گئی ہے تاہم اس میں کچھ کمی رہ گئی ہے۔ حالانکہ اسکرین ٹائم بہت مختصر ہے، مگر مجرمہ رانی کی زندگی کی کہانی کو بیان کرنے میں یہ فلم کچھ ادھوری سی لگتی ہے۔

باکس آفس

7 ہفتے کے بعد اس فلم نے کل ₦ 200 ملین کمائے جبکہ فلم کی کل کمائی ₦ 245 ملین ہے۔