اولی جانسٹن

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

اولی جانسٹن مشہور فلمساز کمپنی والٹ ڈزنی کے ایک معروف فنکار تھے۔ ان کی فلموں میں سنو وائٹ اور سیون ڈوارفز، پنوچیو اور پیٹر پین شامل ہیں۔ والٹ ڈزنی کے بھتیجے روئے ڈزنی کے مطابق ’اولی فنکاروں کی ایک شاندار نسل سے تعلق رکھتے تھے، وہ ہمارے فن کے بانیوں میں سے تھے۔‘

کرئیر[ترمیم]

اولی جانسٹن نے لاس اینجلس کے کوئینرڈ آرٹ انسٹیٹیوٹ سے تعلیم حاصل کی اور انیس سو پینتیس میں ترقی پذیر ڈزنی سٹوڈیو نے مکیز گارڈنز، پلوٹوز ججمنٹ اور مکیز رائیول جیسے کارٹونوں پر کام کرنے کے لیے ان کی خدمات حاصل کر لیں۔

فلم[ترمیم]

ان کی پہلی فیچر فلم سنو وائٹ اور سیون ڈوارفز تھی جو انیس سو سینتیس میں تیار ہوئی۔ اس کے بعد انہوں نے ڈزنی کی اینیمیٹڈ (خاکوں پر مبنی) فلموں فینٹیسیا، سینڈریلا، لیڈی اینڈ ٹریمپ، سلیپنگ بیوٹی اور جنگل بُک پر کام کیا۔ان کے بنائے گئے مشہور مناظر میں بامبی کی ماں کی شکاری کے ہاتھوں دل دکھا دینے والی ہلاکت کا منظر شامل ہے۔ اولی جانسٹن نے جنوری انیس سو اٹھہتر میں ریٹائرمنٹ لے کر خود کو تحریر و تصنیف، تدریس اور مشاورت کے لیے وقف کر دیا۔

اعزازات[ترمیم]

1999ء میں انہیں ڈزنی لیجنڈ ایوارڈ دیا گیا جبکہ سنہ دو ہزار تین میں اکیڈمی آف موشن پکچر آرٹس اینڈ سائنسز نے ان کے اعزاز میں ایک خصوصی تقریب منعقد کی۔ سال دو ہزار پانچ میں انہیں نیشنل میڈل آف آرٹس سے نوازا گیا، وہ یہ اعزاز حاصل کرنے والے اپنے شعبے کے پہلے فنکار تھے۔ اولی جانسٹس کا انتقال اپریل 2008 کو ریاست واشنگٹن میں ہوا۔