ترتوگیرو، کوسٹاریکا
ترتوگیرو Tortuguero صوبہ لیمون میں کوسٹا ریکا کے شمالی کیریبین ساحل پر ایک گاؤں ہے۔ یہ ایک چھوٹا سا گاؤں ہے، جہاں صرف کشتی یا ہوائی جہاز کے ذریعے پہنچا جا سکتا ہے اور یہ ماحولیاتی سیاحت کے طور پر بالکل محفوظ ہے۔ آبادی کا تخمینہ 1200 سے 1500 کے لگ بھگ ہے۔ترتوگیرو کا ترجمہ کچھووں کی سرزمین کے طور پر کیا جا سکتا ہے اور اسی کے نام ٹورٹوگیرو نیشنل پارک کا نام رکھا گیا ہے۔ یہ گاؤں ریت کے جزیرے پر واقع ہے، جو دریائے ٹورٹوگیرو کے ذریعے اصل سرزمین سے الگ ہے اور بحیرہ کیریبین سے ملحق ہے۔ ترتوگیرو اپنی بحری نہروں کے لیے مشہور ہے جو نیشنل پارک میں برساتی جنگل سے گزرتی ہے اور اس نے 'وسطی امریکا کا ایمیزون' کا لقب حاصل کیا ہے۔
ترتوگیرو کے آس پاس کے ساحل، سمندری کچھوؤں کی چار اقسام کے لیے افزائش نسل کرنے کی کلیدی جگہیں ہیں، جن میں دو شدید خطرے سے دوچار انواع بھی شامل ہیں۔ نیشنل پارک کیڑے مکوڑوں، رہائشی اور نقل مکانی کرنے والے پرندوں اور ممالیہ جانوروں کے ناقابل یقین حیاتیاتی تنوع کا بھی میزبان ہے، جن میں جیگوار اور بندروں کی چار اقسام شامل ہیں۔ یہاں چار حیاتیاتی اسٹیشن ہیں؛ جان ایچ. فِپس بائیولوجیکل فیلڈ اسٹیشن، کیو پالما بائیولوجیکل ریسرچ اسٹیشن، اے ایس وی او اسٹیشن اور جالووا بائیولوجیکل اسٹیشن، جو گاؤں کے آس پاس کے علاقے سے کام کرتے ہیں، تاکہ فوری طور پر، مقامی ماحولیات کی تحقیق اور تحفظ اور خاص طور پر کچھوؤں کے تحفظ پر توجہ دے سکیں۔ یہاں کا سمندر بہت زیادہ مدوجزر اور تیز دھاروں کی وجہ سے تیرنے کے لیے خطرناک ہے۔[1]
نہریں اور کشتی رانی[ترمیم]
کچھ نہریں لکڑی کے تاجروں نے سنہ 1940ء کی دہائی کے آس پاس بنائی تھیں۔[2] ان کو بعد میں انجینئر روجیلیو پارڈو جوچس کے خیالات سے بہتر بنایا گیا، جن کے نام سے نہریں اپنے موجودہ نام کی مرہون منت ہیں۔[3] یہ اصلاحات سنہ 1970ء کی دہائی میں کی گئیں۔ آج نہریں کئی جھیلوں، دریاؤں اور ندیوں کو آپس میں جوڑتی ہیں اور لیمون شہر کے قریب موئن سے کشتی رانی کی اجازت دیتی ہیں۔ کشتی کی نقل و حمل شمال میں لا پاوونا یا جنوب میں موئن کے راستے دستیاب ہے۔