ماؤنٹ اینٹرنگوئی نیشنل پارک
| ماؤنٹ اینٹرنگوئی نیشنل پارک | |
|---|---|
| Parc National Mont Ntringui | |
آئی یو سی این زمرہ دوم (قومی پارک) | |
 جھیل ڈیزیالینزے | |
| مقام | انجووان، اتحاد القمری |
| قریب ترین شہر | متسامودو |
| رقبہ | 7,914 ha (19,560 acre) |
ماؤنٹ اینٹرنگوئی نیشنل پارک کوموروس کے جزیرے انجوان پر واقع ایک قومی پارک ہے۔ یہ جزیرے کے مرکز میں 79.14 مربع کلومیٹر کے رقبے پر محیط ہے۔ یہ پارک سنہ 2010ء میں قائم کیا گیا تھا۔[1]
اس پارک میں ماؤنٹ اینٹرنگوئی، انجوآن کی سب سے اونچی چوٹی، نیز جھیل ڈیزیالینزے، ایک کریٹر جھیل، جو انجوآن کی سب سے بڑی جھیل ہے اور مویا فاریسٹ جو انجوآن کا سب سے بڑا باقی ماندہ جنگل ہے، شامل ہیں۔
اس پارک میں ماؤنٹ اینٹرنگوئی (1595 میٹر)، انجوآن کی سب سے اونچی چوٹی اور ماؤنٹ ترندرینی(1474 میٹر)، دوسری بلند ترین چوٹی، جو ماؤنٹ انٹرنگوئی کے جنوب مشرق میں واقع ہے، دونوں شامل ہیں۔ یہ چوٹیاں انجوآن کی بہت سی مستقل ندیوں اور نالوں کا منبع ہیں، جن کی وجہ سے اکثر ان کے کناروں میں گہری کھائیاں اور درزیں بن گئی ہیں۔ جھیل ڈیزیالینزے ماؤنٹ اینٹرنگوئی کے جنوب مشرقی کنارے پر ایک گڑھے میں 900 میٹر کی بلندی پر واقع ہے اور 2 ہیکٹر کے رقبے پر محیط ہے۔ یہ چھوٹی گریب مچھلی اور انجوآن کی میٹھے پانی کی مچھلیوں کا خاص مقام ہے۔
انجوآن ابتدائی طور پر جنگلات سے گھرا ہوا تھا۔ جزیرے کے بیشتر جنگلات کو صاف کر دیا گیا ہے اور جو بچ گئے ہیں، ان کا وجود، لکڑی کی کٹائی، زراعت اور چراگاہوں کی زمین کے حصول کی وجہ سے دباؤ کا شکار ہے۔ باقی جنگلات زیادہ تر پارک کے اندر ہیں۔ [2] مویا جنگل، پارک کے جنوبی حصے میں ماؤنٹ ٹریندرینی کے جنوب میں، انجوآن پر سب سے بڑا بچا ہوا جنگل ہے، جو تقریباً 500 ہیکٹر کے رقبے پر محیط ہے۔ یہ کئی مقامی جانوروں کا گھر ہے، جن میں دو چمگادڑ کی انواع، لیونگ اسٹونز فلائنگ فاکس اور پٹیروپس سیشیلی وار اور انجوآن کے الو اور نیولا لیمور شامل ہیں۔