ویکیپیڈیا:منتخب مضمون کا معیار

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
مختصرراہ:
منتخب معیار

منتخب مضمون سے مُراد ایک ایسا مضمون ہے جو کہ ہر لحاظ سے بہترین ہو۔ جس میں نہ صرف مضمون سے متعلق تمام تر مواد جامع و مفصل انداز میں حوالہ جات کی مدد سے تحریر کئے جائیں بلکہ اس کے لکھنے کا انداز پیشہ وارانہ انداز اور متن مضمون سے ارتکاز کا حامل ہو۔وکی پیڈیا کے قوائد و ضوابط کے مطابق ایک منتخب مضمون میں درج ذیل خوبیاں ہونی چاہیئں:

  1. مضمون میں۔۔:
    • (الف):تحریر:تحریرمیں تسلسل اور اختصار ملحوظِ خاطر رہے اور مضمون پیشہ ورانہ صفات سے ہم آہنگ ہو۔
    • (ب):مفصل:کسی بھی قسم کی اہم معلومات یا واقعات کی کمی یا نفی نہ ہو۔
    • (ج):درست حقائق: پیش کردہ تمام حقائق قابلِ تصدیق ہوں، جس کے لئے قابلِ اعتماد حوالہ جات فراہم کئے جائیں، قابلِ اعتماد حوالہ جات سے مُراد یہ ہے کہ وہ کسی متعلقہ و معروف ناشر کی طباعت ہوں اور مضمون میں بیان کئے گئے حقائق و واقعات کی تصدیق میں معاونت کرسکیں، ان کو حوالہ جات کہا جاتا ہے اور اس کے لئے مضمون میں علیحدہ سے ایک قطعہ ہوتا ہے، جس میں تمام حوالہ جات کی فہرست مہیا کی جاتی ہے۔
    • (د):غیر جانبدارانہ: تمام تر مواد، حقائق و واقعات غیر جانبدارانہ و غیر متعصبانہ ہوں۔
    • (ر):مستحکم:اس میں ترمیم و تبدیلی کے لئے تصادم کی صورت و کیفیت نہ ہو اور یہ روز کی بنیادوں اس میں تیزی سے تبدیلیاں ظہور پذیر نہ ہوں ماسوا منتخب مضون کے عمل سے گزرنے کے دوران۔
  2. لکھنے کے انداز کو ملحوظِ خاطر رکھنے کے ساتھ ساتھ درج ذیل باتوں کا خیال رکھیں:
    • (الف)سُرخی۔۔۔آغاز میں کم از کم ایک قطعہ سُرخی کا ہو، جس میں اختصار کے ساتھ مضمون کی بابت خلاصہ پیش کیا جائے تاکہ قاری ذہنی طور پر تیار ہوجائے کہ وہ کیا پڑھنے جا رہا ہے۔
    • (ب)متناسب ڈھانچہ۔۔۔سُرخیوں اور شہ سُرخیوں کا استعمال کرتے وقت حسبِ مراتب ملحوظِ خاطر رہے اور جہاں ضروری ہو، وہاں جدول بھی استعمال کئے جائیں۔ (مزید دکھیں معاونت)
    • (ج)اُصولی حوالہ جات۔۔۔جہاں ضرورت ہو، وہاں حوالہ جات استعمال کئے جائیں اور جہاں حوالہ درکار ہو، وہاں[1]، اس طرح سے حوالہ دیا جائے۔ حوالہ دینے کے لئے دیگر مختلف انداز کے لئے دیکھیں:معاونت
  3. تصاویر:تصاویر و دیگر صوتی سہولیات کا استعمال بھی ممکن ہے تاہم اس کے ساتھ اس کی وضاحت بھی ذیل میں لازمی طور پر دیں۔ تاہم کسی بھی قسم کی تصویر یا دیگر صوتی سہولیات کو استعمال کرنے سے پہلے یہ اطمینان کرلیں کہ وہ تصویر حقوقِ نقل کی خلاف ورزی کے زمرے میں نہ آئے۔
  4. متن:اس کا ارتکاز موضوع پر برقرار رہے اور غیر ضروری تفصیلات میں جانے سے گریز کیا جائے۔

حوالہ جات[ترمیم]

  1. ^ حوالہ جات

مزید دیکھیں[ترمیم]