ڈہلیا

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
ڈہلیا کا پھول

ڈہلیا (Dahlia) بڑے، کئی رنگوں اور نمونوں اور خوبصورت پھولوں والے سدا بہار جھاڑی دار پودے کا نام ہے۔ اس میں پھول دسمبر سے لے کر اگست تک کھلتے رہتے ہیں اور ایک پھول کئی دن کھلا رہتا ہے۔

اس پھول کا اصل وطن میکسیکو ہے۔ ہسپانوی مہم جوؤں نے 15 ویں صدی ميں اسے میکسیکو کے پہاڑی علاقوں میں دیکھا۔ میکسیکو کا یہ قومی پھول ہے۔ 1872 میں ایک پودا میکسیکو سے نیدرلینڈ پہنچا اس پودے سے ہی اسکی باقی اقسام بنائی گئیں۔ انگریز اسے برصغیر لے آئے۔

اس پودے کا نام ڈہلیا 18 ویں صدی کے سویڈش ماہر نباتات اینڈرز ڈاہل کے نام پر رکھا گیا۔

اپنے تیز اور حیران کن رنگوں کی وجہ سے یہ پھولوں کے شوقین لوگوں کا پسندیدہ پودا ہے۔ ڈہلیا کا پودا 1 فٹ (30 سینٹی میٹر) سے لے کر 8 فٹ (240 سینٹی میٹر) تک اونچا ہوسکتا ہے اور اسکے پھول کا قطر 2 انچ (5 سینٹی میٹر) سے لے کر 1 فٹ (30 سینٹی میٹر) تک ہو سکتا ہے۔

ڈہلیا کی 20000 اقسام (Cultivars) اور 30 انواع (Species) ہیں۔

سردیوں میں اسے کورے سے بچانا چاہیۓ اور اسے دھوپ میں رہنا چاہیۓ۔ اگست میں اسکی ٹہنیوں سے نۓ پودے بناۓ جاتے ہیں۔

ایوان تصویر[ترمیم]

مزید تصاویر[ترمیم]

بیرونی روابط[ترمیم]