اسٹارٹ اپ (ٹی وی سلسلہ)

اسٹارٹ اپ
معروف بہ	StartUp
نوعیت	ڈراما
تخلیق کار	بین کیٹائی
نمایاں اداکار	مارٹن فریمین ایڈم بروڈی ایڈی گتھیگی اوتمارا مریرو جوسیلن ڈونیہیو ایشلے ہنشا
نشر	ریاست ہائے متحدہ
زبان	انگریزی
پروڈکشن ادارہ	کریٹیکل کونٹینٹ ہالی ووڈ گینگ پروڈکشنز اسٹوری مشین
تقسیم کار	سونی پکچرز ٹیلیویژن
نشریات
چینل	کریکل

اسٹارٹ اپ ایک امریکی ٹیلی ویژن ڈراما سلسلہ ہے جو 6 ستمبر 2016ء کو کریکل پر نمائش کے لیے پیش کیا گیا۔ ڈرامے کی کہانی مسروقہ رقم، ٹیکنالوجی اور کرپٹو کرنسی کے گرد گھومتی ہے۔ کہانی کے مرکزی کردار فلوریڈا کے شہر میامی سے تعلق رکھتے ہیں۔

13 جنوری 2017ء کو اس سلسلے کے دوسرے سیزن کے لیے منظوری دی گئی۔

اداکار

• مارٹن فریمین بطور فل راسک، ایف بی آئی ایجنٹ
• ایڈم بروڈی بطور نک ٹالمین
• ایڈی گتھیگی بطور رونلڈ ڈیسی
• اوتمارا مریرو بطور ایزابیل مورالیز/ ایزی
• جوسیلن ڈونیہیو بطور میڈی پیئرس
• ایشلے ہنشا بطور ٹائیلر

کہانی

میامی کے ایک بینکر کو مسروقہ رقم پوشیدہ رکھنے کی ضرورت آن پڑی ہے۔ دوسری طرف ایک ہیشین-امریکی گینگ کا سرغنہ ہے جو قانونی دھارے میں آنا چاہتا ہے۔ کہانی کا تیسرا مرکزی کردار ایک کیوبن-امریکی ہیکر لڑکی ہے جس کے پاس آزاد کرنسی کے حوالے سے ایک انقلابی آئیڈیا ہے۔ تینوں کرداروں کے حالات و واقعات انھیں ایک ساتھ کام کرنے پر مجبور کرتے ہیں اور وہ انجانے میں منظم جرائم کی طرف بڑھتے چلے جاتے ہیں۔

اقساط

پہلا سیزن (2016ء)

شمار.	عنوان	ہدایت کار	مصنف	اصل تاریخ نمائش
1	"ابتدائی رقم (Seed Money)"	بین کیٹائی	بین کیٹائی	6 ستمبر 2016ء (2016ء-09-06)
چار مختلف لوگوں کی زندگیاں بعض واقعات کے باعث ایک دوسرے سے مربوط ہیں۔ کرپٹو کرنسی کے تصور پر مشتمل ’جین کوائن‘ کا آئیڈیا لے کر، ایزی ایک کمپنی میں جاتی ہے جہاں نک ٹالمین سے اس کی ملاقات ہوتی ہے۔ نک کا باپ مسروقہ رقم چھپانے کے لیے اس کی منت سماجت کرتا ہے۔ نک صرف اپنے باپ کی زندگی محفوظ رکھنے کی خاطر اس کی مدد کرنے کی ہامی بھرلیتا ہے اور وہ رقم جین کوائن میں سرمایہ کاری کے لیے ایزی کو دیدیتا ہے۔ اس میں سے کچھ رقم ہیشین-امریکی گینگ سے تعلق رکھنے والے، رونلڈ ڈیسی کی ہے جو نک کے باپ کو غائب پاکر نک تک پہنچ جاتا ہے۔ دوسری طرف ایف بی آئی ایجنٹ، فل راسک بھی اس رقم کے تعاقب میں نک تک جا پہنچتا ہے۔
2	"نچلی منزل (Ground Floor)"	بین کیٹائی	بین کیٹائی	6 ستمبر 2016ء (2016ء-09-06)
رونلڈ کے دھمکیاں دینے پر، نک اور ایزی اس کی رقم واپس کرنے کی کوشش کرتے ہیں۔ ایجنٹ راسک کی نئی ساتھی، میڈی، اینڈی ٹالمین کے تعاقب میں اس کی مدد کرنا شروع کرتی ہے۔ علاقے میں گینگز کے مسائل کے پیشِ نظر، رونلڈ ایزی کی جین کوائن سے متعلق پیشکش بارے میں دوبارہ سوچتا ہے۔
3	"دلیلِ تصور (Proof of Concept)"	لوئیس پرئیٹو	بین ڈوباش	6 ستمبر 2016ء (2016ء-09-06)
ایزی، نک اور رونلڈ مل کر اسٹارٹ اپ کے لیے رقم اکٹھی کرنے کے لیے منصوبے بناتے ہیں۔ رونلڈ اپنے ایک امیر ساتھی سے رابطہ کرتا ہے لیکن ناکامی ہوتی ہے۔ نک ایک دولتمند کاروباری شخص سے بات چیت بڑھاتا ہے۔ اسی دوران اس کا باپ، اسے ایجنٹ راسک کی حقیقت بتادیتا ہے۔
4	"سرمایہ کار فرشتہ (Angel Investor)"	لوئیس پرئیٹو	اسکاٹ گولڈ	6 ستمبر 2016ء (2016ء-09-06)
نک پہلی بار جین کوائن میں سرمایہ کاری کا منصوبہ ایک دولتمند کاروباری شخص کے سامنے پیش کرتا ہے اور اسے بالآخر راضی کرلیتا ہے۔ دوسری طرف راست اور میڈی کا ساتھ ایک حیران کن موڑ لے لیتا ہے جب راسک کی غیر قانونی طریقے سے کام کرنے کی کوشش سامنے آجاتی ہے۔
5	"خریداری (Buyout)"	بین کیٹائی	بین کیٹائی	6 ستمبر 2016ء (2016ء-09-06)
ایک ہیکر، راسک کے مجبور کرنے پر جین کوائن کے اکاؤنٹ سے ساری رقم چراکر راسک کے اکاؤنٹ میں منتقل کردیتا ہے۔ ایزی، نک اور رونلڈ کے لیے یہ خبر کسی دھچکے سے کم نہیں۔ رونلڈ ایک خطرہ مول لینے کی کوشش کرتا ہے۔
6	"تنہا کوشش (Bootstrapped)"	لوئیس پرئیٹو	شیرون لینن اور جوش کوربن	6 ستمبر 2016ء (2016ء-09-06)
7	"تخمین کاری (Valuation)"	لوئیس پرئیٹو	جوش کوربن	6 ستمبر 2016ء (2016ء-09-06)
8	"حسب شرح (Pro Rata)"	بین کیٹائی	جوش کوربن	6 ستمبر 2016ء (2016ء-09-06)
9	"جبری قبضہ (Hostile Takeover)"	بین کیٹائی	اسکاٹ گولڈ، پال لیڈین اور جوش کوربن	6 ستمبر 2016ء (2016ء-09-06)
10	"نو سرمایہ کاری (Recapitalization)"	بین کیٹائی	بین کیٹائی	6 ستمبر 2016ء (2016ء-09-06)

بیرونی روابط

• دفتری ویب سائٹ
• اسٹارٹ اپ آئی ایم ڈی بی پر (انگریزی میں)