حصین

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
دماغ: حصین
Hippocampus.png
حصین ؛ دماغ کے میانی صدغی فص میں پایا جاتا ہے۔ مندرجہ بالہ خاکے میں دماغ کی نچلی سطح دکھائی گئی ہے جس میں خاکے کے اوپری جانب فص مقدم اور زیریں جانب فص قذالی ہیں
Hippocampus-mri.jpg
The location of one of the hippocampi is indicated by the crosshairs
NeuroNames hier-164
MeSH Hippocampus
Dorlands/Elsevier h_12/12422843

حصین (hippocampus) ، دماغ کے جانبی بطین (lateral ventricle) کے زیریں قرن (anterior horn) کے فرش پر موجود ، خاکستر مادے کی بنی ہوئی ایک خمدار ساخت کو کہا جاتا ہے جو limbic system کی تشکیل میں اپنا کردار ادا کرتا ہے۔ تشریحء دماغ کے اعتبار سے یہ دماغ مقدم (forebrain) کا حصہ ہے اور صدغی فص (temporal lobe) میں پایا جاتا ہے۔ قلیل مدتی یاداشت اس کے افعال میں شامل ہے۔

وجۂ تسمیہ[ترمیم]

حصین کے لیۓ انگریزی hippocampus کا لفظ اصل میں یونانی سے اخذ کیا گیا ہے نا کہ یہ انگریزی کا اپنا لفظ ہے۔ اس کا مطلب ایک بحری حیوان کا ہوتا ہے جسے --- بحری گھوڑا --- کہتے ہیں اور جسکی انگریزی seahorse آتی ہے اور دماغ کی اس ساخت کے لیۓ یہ لفظ استعمال کرنے کی وجہ یہ ہے کہ اس حصے کی خمدار ساخت ، بحری گھوڑے کی خمدار ساخت سے ملتی جلتی سی معلوم ہوتی ہے۔ قابل توجہ بات یہ ہے کہ یہاں عام انگریزی لفظ seahorse کو چھوڑ کر یونانی سے ماخوذ hippocampus استعمال کیا جاتا ہے۔ اردو میں اسکی وجۂ تسمیہ بھی اسکی شکل کی مماثلت ہی ہے ؛ حصین کا لفظ حصان سے ماخوذ ہے جس کے معنی بحری گھوڑے کے ہوتے ہیں ، حصان میں ح پر زیر ادا کیا جاتا ہے جبکہ حصین میں بناتے وقت اسے پیش سے تبدیل کر دیا جاتا ہے۔ یہ بات بھی قابل ذکر ہے کہ حصان کا لفظ ، عربی میں بحری گھوڑے کے لیۓ مخصوص نہیں ہے بلکہ گھوڑے یا فرس کے لیۓ بھی آجاتا ہے مگر اسکے باوجود اردو میں چونکہ انگریزی میں یونانی سے لیۓ جانے کی طرح یہ لفظ طب کی کتب میں حصان سے حصین بنا کر آیا ہے لہذا یہاں اسی کو اختیار کیا جارہا ہے۔

‘‘http://ur.wikipedia.org/w/index.php?title=حصین&oldid=724686’’ مستعادہ منجانب