خاکی

عسکری وردیوں اور ساز و سامان میں 'خاکی' ایک عام رنگ ہے، خاص طور پر ان علاقوں کے لیے جو ریگستانی یا خشک ہوں، جیسا کہ ان جرمن اور سینیگالی افسران کے پہناوے میں دیکھا جا سکتا ہے۔

خاکی رنگ، پیلے پن کی ہلکی سی آمیزش کے ساتھ تانی رنگ کی ایک ہلکی رنگت ہے۔ جیسا کہ نام سے لگتا ہے یہ خاک کی طرح ہوتا ہے۔ دنیا میں فوجی وردیاں زیادہ تر خاکی رنگ کی ہوتی ہیں۔

پاکستان آرمی کے جنرل راحیل شریف خاکی وردی پہنے ہوئے۔

خاکی رنگ دنیا بھر کی بہت سی افواج میں وردیوں اور ساز و سامان کے لیے استعمال ہوتا رہا ہے، خاص طور پر بنجر یا ریگستانی علاقوں میں، جہاں یہ ریتلی یا گرد آلود زمین کے مطابق بہترین کیموفلاج (روپ دھارنے) کی صلاحیت فراہم کرتا ہے۔ انگریزی میں اسے 1848ء سے ایک رنگ کے نام کے طور پر استعمال کیا جا رہا ہے، جب اسے پہلی بار فوجی وردی کے طور پر متعارف کرایا گیا تھا۔ مغربی فیشن میں، یہ عام شہریوں کے لیے 'اسمارٹ کیژول' (smart casual) پتلونوں کا ایک معیاری رنگ ہے، جنہیں اکثر صرف خاکیز (khakis) بھی کہا جاتا ہے۔

برطانوی انگریزی اور کچھ دیگر دولتِ مشترکہ ممالک میں، لفظ خاکی سبز رنگ کی ایک خاص رنگت کے لیے بھی استعمال ہو سکتا ہے جسے اولیو ڈراب (olive drab) کہا جاتا ہے۔

اشتقاقیات

یہ لفظ اردو سے انگریزی میں داخل ہوا ہے کیونکہ ہندی برطانوی افواج میں فوجی وردی خاکی رنگ کی ہوتی تھی۔اس لیے اس رنگ کا نام اردو سے انگریزی میں مستعار لیا گیا۔

نمونہ

ہلکا خاکی (س ہ ن: 240، 230، 140)

خاکی (س ہ ن: 195، 176، 145)

گہرا خاکی (س ہ ن: 189، 183، 107)

خاکی سبز (س ہ ن: 114، 134، 57)

حوالہ جات