سرکار دوعالم

سرکاردوعالم اردو زبان میں حمداورمدح رسول پر مشتمل شاعری کی غیر منقوط کتاب ہے۔
سرکار دوعالم کتاب منظوم صنعت عاطلہ کی عمدہ کاوش ہے، جوسیدتابش الوری کی تصنیف ہے، اپریل 2004ء میں مجلس ثقافت پاکستان، بہاولپورسے شائع ہوئی ہے، یہ کتاب حمداورمدح رسول پرمشتمل 106 صفحات پرپھیلی ہوئی ہے، 2005ء میں حکومت پنجاب کی طرف سے اسے کتب سیرت کے مقابلے میں انعام اول کامستحق بھی قراردیاگیا، تابش الوری کااصلی نام سید سردار علی ہے، ان کی کتاب سے کچھ نمونے پیش خدمت ہیں

سرورسے دل لہک رہاہے، درودسے روح کھل اٹھی ہے		کسی کی آمدکاسلسلہ ہے، ہوامسلسل مہک رہی ہے
ہوااسی کی مکاں مکاں ہے، صدااسی کی گلی گلی ہے		اسی سے دم دم کاواسطہ ہے، اسی سے دلڑی لگی ہوئی ہے

ایک دوسری نعت میں ہے

ہمارے ہمارے محمد محمد		کہو مل کے سارے محمد محمد
کسی کا سہارا گوارا کہاں ہے		ہمارے سہارے محمد محمد
ارادوں کے حاصل، مرادوں کے ساحل		دعاؤں کے دھارے، محمد محمد