قیصر نذیر خاورؔ

آزاد دائرۃ المعارف، ویکیپیڈیا سے
Jump to navigation Jump to search

قیصر نذیر خاورؔ پاکستان کے ممتاز افسانہ نگار ، انشاءپرداز اورترجمہ نگار ہیں ۔

مختصر تعارف[ترمیم]

قیصر نذیر خاورؔ یکم اگست 1953 ء کو لاہور ، پاکستان میں پیدا ہوئے ۔[1] تعلیمی سلسلہ لاہور سے مکمل کیا اور 1976ء میں علمِ ارضیات اور  1983ء میں انتظامی سائنسز میں پنجاب یونیورسٹی سے ماسٹرز کی ڈگریاں حاصل کی ۔ قیصر نذیر خاور سرکاری ملازمت پانے کے بعد مختلف سرکاری اداروں سے وابستگی کے بعد بطور ڈائریکٹر جنرل(ایجوکیشن) ، او پی ایف ، وزارت ِ ہیومن ریسورس ، حکومت پاکستان ، ریٹائر ہوئے ۔ وہ بطور پرنسپل او پی ایف کالج ، ایچ ایٹ فور ، اسلام آباد میں 2009 سے 2010 تک خدمات انجام دیتے تھے ۔

تخلیقات و تراجم[ترمیم]

قیصر نذیر خاورؔ ایک منجھے ہوئے افسانہ نگار ، انشاءپرداز اور مترجم ہیں ۔ان کے کئی مضامین ، ریویوز اور افسانے ہند و پاک کے مختلف جرائد، رسائل اور اخبارات میں اور سوشل میڈیا کے ادبی فورمز پرشائع ہوچکے ہیں ۔[2]وہ اب تک کمپیوٹر سائنس پر آٹھ نصابی کتب (برائے جماعت اول تا آٹھ) انگریزی میں لکھ چکے ہیں ۔ مزید تفصیل حسبِ ذیل ہے ۔

  1. انگولا سے زائر تک (عالمی سیاست کے حوالے سے ایک کتاب)
  2. یک سِنگھے ' ( بارہ افسانے )، چاپان کے مشہور ادیب "  ہاروکی موراکامی" کے منتخب افسانوں کے اردو تراجم ،  (پہلا ایڈیشن: نومبر 2017ء)
  3. حکایات ِ عالم‘ ( 101 حکایات کا انتخاب اور اردو ترجمہ)، پہلا ایڈیشن: جنوری 2018ء
  4. جولیٹ اور دیگر کہانیاں، (نوبل انعام یافتہ ادیبہ ایلس منرو کے دس منتخب افسانوں کا ترجمہ ) ، پہلا ایڈیشن : مارچ 2018ء
  5. عالمی ادب سے ایک انتخاب ، ( دنیا بھر سے 25 منتخب ادیبوں کے تعارف کے ساتھ  اور ان کے منتخب افسانوں کا اردو ترجمہ )، پہلا ایڈیشن:   اپریل 2018ء
  6. عالمی ادب اور افسانچہ، (196 افسانچے،  جن میں شامل ہیں عالمی ادب سےاردو تراجم، اردو  ادب سے انتخاب اور طبع زاد افسانچے)، پہلا ایڈیشن : جون 2018ء
  7. وار فکشن کے حوالے سے افسانوں کا ایک مجموعہ(زیر اشاعت)[3]
  8. فینش افسانوں کا مجموعہ(زیر اشاعت)
  9. برناڈ شیلنک (Bernhard Schlink) کے جرمن ناول The Reader) Der Vorleser) کا اردو ترجمہ (زیر اشاعت)
  10. Bernhard Schlink  کے ناول پرمبنی فلم The Reader  کا اردو اسکرپٹ (زیرِ اشاعت)

حوالہ جات[ترمیم]