مارین مورس

مارین مورس
(انگریزی میں: Maren Morris)
معلومات شخصیت
پیدائشی نام	(انگریزی میں: Maren Larae Morris)
پیدائش	10 اپریل 1990ء (35 سال)  آرلنگٹن
شہریت	ریاستہائے متحدہ امریکا
تعداد اولاد	1
عملی زندگی
پیشہ	گلوکارہ ،  ریکارڈنگ آرٹسٹ ،  موسیقار ،  گلوکارہ - گیت نگارہ ،  نغمہ نگار ،  میوزک پروڈیوسر
پیشہ ورانہ زبان	انگریزی
شعبۂ عمل	موسیقی ،  کانٹری موسیقی
نامزدگیاں
میگھن اسٹیلین (2017)
ویب سائٹ
ویب سائٹ	باضابطہ ویب سائٹ
	IMDB پر صفحہ

مارین مورس (پیدائش 10 اپریل 1990) ایک امریکی گلوکارہ، نغمہ نگار ہیں۔ وہ آرلنگٹن، ٹیکساس، امریکا میں پیدا ہوئیں۔ مورس کو بچپن سے ہی گانے کا شوق تھا۔ انھوں نے اپنے ابتدائی سالوں میں عوامی طور پر اپنے فن کا مظاہرہ کرنا شروع کیا اور پورے ٹیکساس کا دورہ کیا۔ اوائل جوانی کے آخری دنوں اور عمر کی دوسری دہائی کے اوائل میں انھوں نے آزاد ریکارڈ لیبلز کے توسط سے تین اسٹوڈیو البم جاری کیے۔ اسی عرصے کے دوران وہ ملکی موسیقی میں اپنا کیریئر بنانے کے لیے نیش وِل، ٹینیسی  منتقل ہو گئیں۔

مارین مورس کا تیسرا اسٹوڈیو البم ہیرو(2016) کولمبیا نیش وِل پر ریلیز ہوا جس میں ملکی موسیقی اسلوب کو آر اینڈ بی کے ساتھ ملایا گیا۔ اس کا گانا "مائی چرچ" ملکی ریڈیو پر 2018 میں ریکارڈ گانا بن گیا۔ مورس نے "دی مڈل" گانے پر گرے اور زیڈ کے ساتھ تعاون کیا، یہ گانا مختلف ممالک میں بہت  کامیاب رہا۔ انھوں نے 2019 میں اپنی پانچویں البم گرل ریلیز کی۔ اس البم میں ملک کے مختلف میوزک اسلوب اور مختلف فنکاروں کے تعاون کے ساتھ پیش کیا گیا۔ اس البم میں شامل گانے "گرل" اور "دی بونز" ایک عرصے تک نمبر ایک کی پوزیشن پر رہے۔مارین مورس کا چھٹا اسٹوڈیو البم 25 مارچ 2022 کو جاری ہوا اور اس کا عنوان ہمبل کویسٹ(البم) ہے۔

مارین مورس نے متعدد اعزازات جیتے ہیں جن میں ایک گریمی ایوارڈ، پانچ اکیڈمی آف کنٹری میوزک ایوارڈ، ایک امریکن میوزک ایوارڈ اور پانچ کنٹری میوزک ایسوسی ایشن ایوارڈ شامل ہیں۔

ابتدائی زندگی

مورس آرلنگٹن، ٹیکساس میں گریگ اور کیلی مورس کے گھر پیدا ہوئیں۔ان کے والدین مارین کارسن ایوڈا ہیئر سیلون کے مالک تھے، جو 2022 تک آرلنگٹن میں چل رہا ہے۔ مورس اور ان کی بہن کارسن نے اپنے بچپن کا بیشتر حصہ سیلون میں گزارا۔ بہن بھائیوں نے بعد میں وہاں  کلرک اور  کوآرڈینیٹر کے طور پر کام کیا۔ اپنے ابتدائی سالوں میں، انھوں نے اسکول مقابلوں میں حصہ لیا، تھیٹر کیا اور فٹ بال بھی  کھیلا۔ ان کی فطری گلوکاری کی صلاحیت سے متاثر ہو کریگ مورس نے اپنی بیٹی کو باقاعدگی سے گانے  کی ترغیب دینا شروع کی۔

ذاتی زندگی

دسمبر 2015 میں مارین مورس نے ساتھی گلوکار ریان ہرڈ سے ملاقاتیں شروع کیں جو جلد رشتے میں ڈھل گئیں۔ ان کی جولائی 2017 میں منگنی ہوئی۔ دونوں کی شادی 24 مارچ 2018 کو نیش وِل، ٹینیسی میں ہوئی۔  ان کا پہلا بچہ ہیز، 23 مارچ 2020 کو پیدا ہوا۔