مرض

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
اگر یہ مطلوبہ صفحہ نہیں تو دیکھیۓ ، مرض (ضدابہام)

مرض کا لفظ طب میں ایک ایسی کیفیت کیلیۓ اختیار کیا جاتا ہے کہ جب کوئی جاندار کسی ایسی حالت میں مبتلا ہو جاۓ کہ جو معمول (normal) کی نوعیت پر نا ہو بلکہ غیرمعمولہ یا شاذی (abnormal) ہو، یعنی یہ کیفیت یا حالت معمول کی حالت سے انحراف کی صورت ہوتی ہے۔ اس مرض کی حالت میں اس جاندار کا جسم بھی مبتلا ہوسکتا ہے اور یا پھر اسکے جسم کا کوئی خاص عضو یا کوئی خاص نظام جسم (جیسے نظام ہاضمہ وغیرہ) بھی۔ یہ لازمی نہیں کہ ہمیشہ کسی مرض میں متعلقہ حصے کا ساختی بگاڑ نظر آتا ہو، بلکہ یہ مرض کی کیفیت (ظاہری مشاہدے پر) ساختی (anatomical) کے بجاۓ خالص افعالی (physiological) بھی ہوسکتی ہے۔ مزید یہ کہ کسی بھی متعلقہ مرض کی حیثیت اسکی سببیات (aetiology) ، امراضیات (pathology) اور توقعات (prognosis) کے اعتبار سے معلوم بھی ہوسکتی ہے اور نامعلوم بھی۔ عام طور پر لفظ بیماری بھی مرض کے مفہوم میں ادا کیا جاتا ہے اور بعض اوقات لفظ علت (illness) بھی مرض یا بیماری کے معنوں میں اختیار کیا جاتا ہے، چند مقامات ایسے بھی ہیں کہ جہاں علت نسبتاً مختلف مفہوم میں بھی آتا ہے اسی لیۓ اسے اس دائرہ المعارف پر ایک علیحدہ مضمون کی حیثیت دی گئی ہے۔

‘‘http://ur.wikipedia.org/w/index.php?title=مرض&oldid=722762’’ مستعادہ منجانب