کرم سکول فائرنگ 2023ء

کرم اسکول فائرنگ 2023ء
مقام	ضلع کرم، خیبر پختونخوا، پاکستان
تاریخ	4 مئی 2023
حملے کی قسم	بڑے پیمانے پر فائرنگ
ہلاکتیں	8
مقصد	نامعلوم

4 مئی 2023ء کو خیبر پختونخواہ، پاکستان کے ضلع کرم کے ایک ہائی اسکول میں فائرنگ کا واقعہ پیش آیا، جس میں سات افراد ہلاک ہوئے۔ اس سے پہلے دن میں اسی اسکول کے ایک استاد کو ایک الگ حملے میں گولی مار کر ہلاک کر دیا گیا تھا۔

فائرنگ

تری منگل کے گورنمنٹ ہائی اسکول کو ایک گروپ نے گھیر لیا، جہاں اسکول کے اساتذہ امتحانی فرائض سر انجام دے رہے تھے اور طلبہ امتحان دے رہے تھے۔ اس کے بعد گروپ نے ہائی اسکول کے اسٹاف روم میں فائرنگ کی جس میں آٹھ افراد مارے گئے، جن میں پانچ اساتذہ اور تین حاضرین اور اسکول کا معاون عملہ شامل تھا۔ ہلاک ہونے والوں میں سے کئی کا تعلق پاکستان کی اقلیتی شیعہ برادری سے تھا، جنہیں اکثر عسکریت پسندوں نے نشانہ بنایا۔ واقعے کی جوابی کارروائی کے دوران قانون نافذ کرنے والے اداروں پر بھی حملہ کیا گیا، جہاں تین پولیس اہلکار زخمی ہوئے۔