ہوڈی

ہوڈی ایک قسم کا کپڑا ہے، جس میں سر کو ڈھانپنے کے لیے ایک قسم کا کپڑا جڑا ہوا ہوتا ہے، جسے ہوڈ کہا جاتا ہے۔ اس ہوڈ میں ایک ڈوری لگی ہوتی ہے جو اس ہوڈ کو حسب ضرورت ایڈ جسٹ اور فٹ کرنے کے لیے استعمال کی جاتی ہے۔

تاریخ

لفظ ہوڈ اینگلو سیکسن لفظ ہڈ سے ماخوذ ہے، جیسے انگریزی کا ایک لفظ ہیٹ ہے۔  لباس کا یہ انداز اور شکل قرون وسطی کے یورپ میں اس وقت پائی جاتی تھی  جب راہبوں کے لیے ترجیحی لباس میں ایک کاؤل نامی ہوڈ شامل ہوتا تھا جو ٹیونک یا پھر چوغے سے جڑا ہوتا تھا۔ اور اسی طرح سے باہر کام کرنے والے مزدور چیپرون یا ہوڈ نما کیپ عام طور پر پہنتے تھے۔ اس کی ظاہری شکل انگلینڈ میں کم از کم 12 ویں صدی کے اوائل میں ہی مشہور تھی ، ممکنہ طور پر انگلینڈ پر نارمن فتح کے ساتھ درآمد کیا گیا تھا ، کیونکہ یہ کیپ "ایک چھوٹا سا ہوڈ لگا ہوا چوغہ جو نارمنڈی میں عام تھی۔"

''ہوڈڈ پل اوور'' ایک مفید لباس ہے، جو 1930 میں امریکا میں نیو یارک کے سرد گوداموں میں مزدوروں کے لیے بنایا گیا تھا۔ قدیم ترین لباس کا انداز پہلی مرتبہ چیمپیئن نے 1930 کی دہائی میں تیار کیا تھا اور نیو یارک کے زیادہ درجہ حرارت میں کام کرنے والے مزدوروں کو فروخت کیا تھا۔ 1990 کی دہائی میں ہوڈی کی اصطلاح عام ہوئی۔

ہوڈی نامی کپڑا 1970 کی دہائی میں مقبول ہوا ، اس کی کامیابی کے پیچھے متعدد عوامل رہے ہیں۔ اسی زمانہ میں نیو یارک شہر میں ہپ ہاپ کی ثقافت پروان چڑھی اور اسی عرصہ کے دوران ہائی فیشن کا بھی آغاز ہوا ، کیونکہ نورما کمالی اور دیگر ہائی پروفائل ڈیزائنرز نے نئے لباس کو اپنایا اور اس کو بہترین انداز میں پیش کیا۔

کینیڈا

پورے کینیڈا میں ، ہوڈی ایک مقبول لباس ہے۔ جو کبھی کبھی موسم سرما میں کپڑوں کی ایک اضافی پرت مہیا کرنے کے لیے کوٹ یا جیکٹ کے نیچے پہنی جاتی ہے۔  سسکاچیوان صوبے میں، بغیر زپ والی ہوڈی کو " بنی ہگس کہا جاتا ہے۔

برطانیہ

برطانیہ میں ، ہوڈی بہت تنقید کا نشانہ بنا ہے۔ کیونکہ کچھ شاپ لفٹرز تجارتی مراکز میں موجود سی سی ٹی وی کیمروں سے اپنی شناخت چھپانے کے لیے ہڈ کا استعمال کرتے ہیں۔ ہوڈی 1990 کی دہائی تک لباس کا ایک مشہور حصہ بن گیا تھا۔ اکیسویں صدی تک، اس نے ایک منفی شبیہہ حاصل کرلی تھی ، جو پریشانی پیدا کرنے ، نوعمروں کو ڈرانے اور سماج مخالف سلوک سے وابستہ تھی۔

امریکا

پورے امریکا میں ، نوعمروں اور نوجوانوں کا سویٹ شرٹ زیب تن کرنا عام سی بات ہے، چاہے اس میں ہوڈ جڑا ہو یا نہ ہو۔ اس میں سینے والے حصہ پر ان کے متعلقہ اسکولوں کے نام یا پھر کوئی علامت لگا ہوا ہوتا ہے۔ یہ ان کے لباس کا یا تو لازمی حصہ ہوتا ہے یا پھر ان کی اپنی پسند۔ جینس کی طرح ہوڈی بھی اصل مفید مقاصد کو عبور کرتے ہوئے، امریکا میں مرکزی دھارے میں شامل فیشن کا حصہ بن گئے۔ یہ لباس مختلف انداز اور اسٹائل میں اب منظر عام پر آنے لگے ہیں۔ یہاں تک کہ سوٹ جیکٹ کے نیچے بھی اس کو پہنا جانے لگا ہے۔