مدیہ العجروش

مدیہ العجروش
معلومات شخصیت
پیدائش	سنہ 1955ء (عمر 68–69 سال)  سعودی عرب
رہائش	ریاض
شہریت	سعودی عرب
عملی زندگی
پیشہ	ماہر نفسیات ،  فوٹوگرافر ،  حقوق نسوان کی کارکن ،  ماہر تحلیل نفسی
مادری زبان	عربی
پیشہ ورانہ زبان	عربی

مدیحہ العروش سعودی عرب میں خواتین کے حقوق کی کارکن، ماہر نفسیات اور فوٹوگرافر ہیں۔ انھیں مئی 2018ء میں سعودی حکام نے لجین الهذلول اور پانچ دیگر افراد کے ساتھ حراست میں لیا تھا۔

خواتین کے حقوق کی سرگرمی

1990ء میں، العروش نے خواتین کی ڈرائیونگ پر پابندی کے خلاف سعودی خواتین کے پہلے احتجاج میں حصہ لیا۔ ان کارروائیوں کے نتیجے میں، العروش کو حراست میں لیا گیا اور وہ اپنی ملازمت اور پاسپورٹ سے محروم ہوگئیں۔ پڑوسی ملک کویت میں ہونے والی پہلی خلیجی جنگ کے ساتھ، "سعودی عرب میں تعینات خواتین امریکی فوجیوں کو گاڑی چلاتے ہوئے دیکھ کر خواتین کو وہ تحریک ملی جو انھیں کرنے کی ضرورت تھی"۔ اس کارروائی کی اضافی سزا کے طور پر، سعودی حکام نے 15 سال سے زائد عرصے میں العروش کی بنائی ہوئی فوٹو گرافی کے نیگٹیو کو جلا دیا تھا۔

2013ء میں، العروش نے ٹیلی گراف کو بتایا، ''1990ء میں میں بالکل خوفزدہ تھی،'' انھوں نے کہا؛ "اور ہم جو کچھ کر رہے تھے اسے اجاگر کرنے اور ہماری حفاظت کے لیے کوئی سوشل میڈیا نہیں تھا۔"

15-18 مئی 2018ء کے قریب، انھیں سعودی حکام نے لجین الهذلول، ایمان النفجان، عزیزہ الیوسف، عائشہ المنا اور خواتین کے حقوق کی مہم میں شامل دو مردوں کے ساتھ حراست میں لے لیا۔ ہیومن رائٹس واچ نے گرفتاریوں کے مقصد کو خوفزدہ کرنے سے تعبیر کیا کہ "کوئی بھی شخص جو ولی عہد کے حقوق کے ایجنڈے کے بارے میں شکوک کا اظہار کرتا ہے" اسے گرفتار کر لیا جاتا ہے۔ سعودی حکام نے گرفتار کارکنوں پر "غیر ملکی جماعتوں کے ساتھ مشکوک روابط"، "بیرون ملک دشمن عناصر" کو مالی مدد فراہم کرنے اور سرکاری کارکنوں کو بھرتی کرنے کا الزام لگایا۔

دی انڈیپنڈنٹ کے مطابق، یہ گرفتاریاں "سعودی عرب کی جانب سے خواتین کی ڈرائیونگ پر عائد دنیا کی واحد پابندی کو ختم کرنے سے صرف چھ ہفتے قبل عمل میں آئی ہیں۔"

مدیحہ العروش اور عائشہ المنا کو چند دنوں کے بعد رہا کر دیا گیا، جب کہ دیگر افراد زیر حراست رہے۔