کوہ کینیا

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
کوہ کینیا
Pt Thomson Batian Nelion Mt Kenya.JPG
بلندی 5199 میٹر (17057 فٹ)
مقام Flag of Kenya.svg کینیا
قسم مردہ آتش فشاں
آخری آتشفشانی 2.6 - 3.1 ملین سال قبل

کوہ کینیا 5199 میٹر (17057 فٹ) بلند ایک مردہ آتش فشاں پہاڑ ہے جو وسطی کینیا میں واقع ہے۔ خط استوا کے انتہائی قریب واقع کوہ کینیا کلیمنجارو کے بعد افریقہ کا دوسرا سب سے بڑا پہاڑ ہے۔ یہ 25 سے 30 لاکھ سال قبل بڑے پیمانے پر آتش فشانی سرگرمیوں کے نتیجے میں تشکیل پایا۔

حکومت کینیا نے کوہ کینیا اور اس کے ارد گرد کے علاقے کو قومی چراگاہ کا درجہ دیا ہے جبکہ اقوام متحدہ نے اسے عالمی ثقافتی ورثہ قرار دیا ہے۔ یہ کینیا کے مشہور ترین سیاحتی مقامات میں سے ایک ہے۔ پہاڑ کے ارد گرد پائے جانے والے گینڈوں، ہاتھیوں اور جنگلی بھینسوں کو دیکھنے کے لیے بڑی تعداد میں سیاح آتے ہیں۔

اس پہاڑ کو سب سے پہلے 1899ء میں برطانوی جغرافیہ دان ہالفورڈ جان میکنڈر نے سر کیا۔ پہاڑ چڑھنے میں آسان ہے لیکن پھر بھی کم ماہر کوہ پیما اس کی سب سے بلند چوٹیوں باتیان اور نیلیون کو سر کرنے کی کوشش نہیں کرتے لیکن بیشتر اس کی تیسری سب سے بلند چوٹی پوائنٹ لینانا تک پہنچنے میں کامیاب ہو جاتے ہیں۔

نگار خانہ[ترمیم]