خط استوا

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
دنیا کے نقشے میں خط استوا، سرخ رنگ میں بتائی گئی ہے۔

خط استوا (Equator) گلوب یا دنیا کے نقشے پر اسکے بالکل درمیان سے کھینچا گیا ایک فرضی خط یا لکیر ہے۔ یہ خط ہماری دنیا کو شمال اور جنوب کی طرف بالکل دو حصوں میں تقسیم کر دیتا ہے۔ استوا عربی زبان میں برابر کو کہتے ہیں۔ خط استوا اور اسکے آس پاس کے علاقے زمین کے بالکل وسط میں ہونے کی وجہ سے خاص طرح کے موسم میں رہتے ہیں۔

یہاں سارا سال مسلسل دھوپ پڑتی ہے اور سارا سال بارش ہوتی ہے جسکے نتیجے میں زندگی کی مختلف اقسام کی جو وسعت یہاں نظر آتی ہے وہ زمین پر کہیں اور نہیں۔

اسکے اہم علاقوں میں ایمیزن، وسطی افریقہ اور جنوب مشرقی ایشیاء کے جنگل شامل ہیں۔

خط استوا کے علاقہ میں زیادہ نمی ہونے کی وجہ آس پاس کے علاقوں کی نمی کا کھنچ کر خط استوا کے علاقوں کی طرف آ جانا ہے۔ چنانچہ خط استوا کے اوپر اور نیچے دونوں طرف کے علاقے نمی کی قلت کا شکار ہیں اور وہاں بڑے بڑے صحرا وجود میں آگۓ ہیں۔ مثلا صحراۓ اعظم، ربع الخالی، تھل، تھر، کالاہاری، صحرائے آسٹریلیا اور ایٹاکاما وغیرہ۔

مزید دیکھئے[ترمیم]