انجن

انجن (انگریزی: Engine) یا محرکیہ ایک ایسی مشین ہے جو حرارتی توانائی کو حرکی توانائی میں تبدیل کرتی ہے۔ انجن انسانی تہذیب کی ترقی میں ایک بنیادی کردار ادا کرتے ہیں، کیونکہ یہی مشینیں صنعتی انقلاب کی بنیاد بنیں اور آج بھی نقل و حمل، توانائی کی پیداوار اور جدید ٹیکنالوجی کے بیشتر شعبوں میں استعمال ہو رہی ہیں۔

تعارف

توانائی کے دستیاب ذرائع میں ممکنہ توانائی، حرارت کی توانائی، کیمیائی توانائی، برقی توانائی اور جوہری توانائی شامل ہیں۔ زیادہ تر انجن حرارتی عمل کے ذریعے توانائی کو استعمالی شکل میں تبدیل کرتے ہیں، جیسے کہ حرارت کا انجن جو ایندھن کے جلنے سے پیدا ہونے والی حرارت کو حرکت میں بدلتا ہے۔ قدرتی مظاہر میں بھی اس اصول کی جھلک ملتی ہے جیسے کہ ہوا کا دباؤ، سمندری لہریں اور شمسی توانائی۔

اقسام

انجن کئی اقسام کے ہوتے ہیں، تاہم بنیادی طور پر انھیں دو بڑی اقسام میں تقسیم کیا جاتا ہے:

• اندرونی احتراقی انجن وہ انجن جن میں ایندھن کا احتراق اندرونی طور پر ہوتا ہے، مثلاً گاڑیوں کے انجن۔
• بیرونی احتراقی انجن وہ انجن جن میں ایندھن کا احتراق انجن کے باہر ہوتا ہے، مثلاً بھاپ کا انجن۔

اندرونی احتراقی انجن

یہ وہ انجن ہوتے ہیں جن میں ایندھن کا جلنا (احتراق) انجن کے اندر ہی ہوتا ہے۔ اس عمل سے پیدا ہونے والی حرارت گیسوں کو پھیلاتی ہے جو پسٹن یا نوزل کو حرکت دیتی ہیں۔ اس کی اقسام:

چنگاری سے جلنے والے انجن

(انگریزی: Spark Ignition Engines)ان انجنوں میں ایندھن اور ہوا کا آمیزہ چنگاری (سپارک پلگ) کے ذریعے جلایا جاتا ہے۔ یہ عام طور پر پٹرول پر چلنے والی گاڑیوں اور موٹر سائیکلوں میں استعمال ہوتے ہیں۔ اہم اقسام: دو سٹروک، چار سٹروک اور چھ سٹروک انجن۔

دو سٹروک انجن

(انگریزی: Two Stroke Engien)پسٹن دو حرکتوں (اوپر اور نیچے) میں ایک مکمل چکر مکمل کرتا ہے، طاقت ور لیکن کم مؤثر۔

چار سٹروک انجن

(انگریزی: Four Stroke Engien)چار الگ مراحل میں کام کرتا ہے؛ انٹیک، کمپریشن، پاور، ایگزاسٹ سب سے عام قسم۔

چھ سٹروک انجن

(انگریزی: Six Stroke Engine)جدید ڈیزائن، جو دو اضافی مراحل شامل کر کے زیادہ توانائی حاصل کرتا ہے۔

غیر روایتی انجن

گیس ٹربائن انجن

اندرونی احتراقی انجن کی چند معروف اقسام درج ذیل ہیں: ٹو سٹروک انجن، فور سٹروک انجن، سکس اسٹروک انجن، وینکل انجن اور جیٹ انجن۔

اندرونی احتراقی انجن کا عمل

اندرونی احتراقی انجن عام طور پر چار سٹروک پر مشتمل ہوتا ہے:

1. انٹیک سٹروک پسٹن نیچے کی طرف حرکت کرتا ہے، انلیٹ والو کھلتا ہے اور ایندھن و ہوا کا آمیزہ خانہ احتراق میں داخل ہوتا ہے۔
2. کمپریشن سٹروک پسٹن اوپر کی طرف حرکت کرتا ہے اور آمیزے کو دباتا ہے، جس سے دباؤ اور درجہ حرارت بڑھتا ہے۔
3. پاور سٹروک سپارک پلگ آگ جلاتا ہے، ایندھن پھٹتا ہے اور حرارتی توانائی سے پسٹن نیچے کی طرف دھکیلا جاتا ہے۔
4. ایگزاسٹ سٹروک جلی ہوئی گیسیں ایگزاسٹ والو سے باہر نکل جاتی ہیں۔

یہ چار عمل تسلسل کے ساتھ ہوتے ہیں، جس سے مسلسل گھومنے والی حرکت پیدا ہوتی ہے جو کرینک شافٹ کے ذریعے گاڑی یا مشین کے دیگر حصوں کو منتقل کی جاتی ہے۔

دیگر اقسام

حرارت کے انجنوں کے علاوہ، دیگر قسم کے انجن بھی موجود ہیں جیسے کہ:

• برقی موٹر جو برقی توانائی کو حرکت میں بدلتی ہے۔
• نیو میٹک انجن جو ہوا کا دباؤ استعمال کرتے ہیں۔
• کلاک ورک انجن جو لچکدار توانائی سے کام کرتے ہیں۔
• حیاتیاتی انجن جیسے مایوسین جو پٹھوں میں کیمیائی توانائی کو حرکت میں بدلتا ہے۔

ہوا میں سانس لینے والے انجن

وہ انجن جو ایندھن کے رد عمل کے لیے فضا میں موجود آکسیجن استعمال کرتے ہیں، انھیں ’’ہوا میں سانس لینے والے‘‘ انجن کہا جاتا ہے۔ ان کے برعکس، راکٹ انجن اپنا آکسیڈائزر ساتھ رکھتے ہیں تاکہ وہ خلا یا پانی کے نیچے بھی کام کر سکیں۔

جدید ترقی

حالیہ دہائیوں میں انجنوں میں نمایاں بہتری آئی ہے، مثلاً ہائیبرڈ انجن، الیکٹرک گاڑیاں اور ہائیڈروجن فیول سیل جیسے نظام متعارف ہوئے ہیں جو ماحول دوست اور توانائی کی بچت والے ہیں۔

مزید دیکھیے

• انٹرنل کمبسچن انجن
• بھاپ کا انجن
• الیکٹرک موٹر
• حرارت کا انجن
• توانائی کی تبدیلی