تاج محل پیلیس ہوٹلبھارت کے شہر ممبئی کے خطۂ کولابا میں واقع ایک پنچ ستارہ ہوٹل ہے۔ "گیٹ وے آف انڈیا" اس کے قریب ہے۔ اس ہوٹل میں 35 باورچی سمیت 1500 ملازم کام کرتے ہیں۔ تاریخی اور تعمیری لحاظ سے اس ہوٹل کی دو عمارات ہیں؛ یعنی تاج محل پیلس اور تاج محل ٹاور۔ یہ دونوں مختلف اوقات اور مختلف طرزِ تعمیر میں بنائی گئی ہیں۔
ہوٹل کی پہلی عمارت کو ٹاٹا گروپ نے 16 دسمبر 1903ء میں عوام کے لیے کھول دیا تھا۔ اِس ہوٹل کے بارے میں یہ کہا جاتا ہے کہ اُس زمانے کے اہم ہوٹل واٹسن میں صرف انگریزوں کے لیے داخلے کی اجازت تھی، اس لیے جمشید جی ٹاٹا نے ایسے ہوٹل کی تعمیر کا فیصلہ لیا جہاں عوام کا داخلہ بھی ممکن ہو۔ حالانکہ بعض اس کہانی کو قبول نہیں کرتے، بلکہ ان کا کہنا ہے کہ ٹاٹا کبھی انگریزوں سے انتقامی رویہ اختیار نہیں کریں گے۔ نیز ٹائمس آف انڈیا کے مدیر کے اصرار پر بمبئی کے حالات سے مطابقت رکھنے والا ایک ہوٹل کی ضرورت کے پیشِ نظر تاج محل ہوٹل بنایا ہے۔[1]
