مقامیابی نظام
مقامیابی نظام ایک قسم کا آلیہ (mechanism) ہے جو کہ فضاء میں کسی جسم کے مقام کا پتہ لگانے کیلئے استعمال کیا جاتا ہے۔ اِس مقصد کیلئے کئی قسم کے نظام دستیاب ہیں جن میں ایک میٹر کی دَرُستی کے ساتھ عالمی سطح پر اِحاطہ سے لے کر میٹر سے کم دَرُستی کے ساتھ فضائے کار (workspace) کا اِحاطہ کرنے والے نظامات شامل ہیں۔
بین سیّاروی نظامات
بین سیاروی مشعی ابلاغیاتی نظام (interplanetary-radio communication systems) نا صرف خلائی جہاز کے ساتھ رابطہ رکھتے ہیں بلکہ اُن کے مقام کا پتہ بھی لگاتے ہیں۔
عالمگیر نظامات
عالمی جہازرانی سیارچی نظامات (global navigation satellite systems) خصوصی مشعی وصولوں کو ۲ سے ۲۰ میٹر کی دَرُستی کے ساتھ فضاء میں اپنے مقام اور وقت کا تعیّن کرنے کے قابل بناتے ہیں۔
آجکل کے ترتیب شدہ نظامات خردموجی اشارات استعمال کرتے ہیں جو کہ بیرونِ خانہ (outdoor) اچھے طریقے سے وصول کئے جاسکتے ہیں اور یہ زمین کے سطح کے ساتھ ساتھ زمین کے قریبی فضاء کا اِحاطہ بھی کرتے ہیں۔
موجودہ سرگرم اور زیرِمنصوبہ نظام :
- عالمی مقامیابی نظام - امریکی فوج کا ایک مقامیابی نظام جو کہ 1995ء سے سرگرم ہے
- گلوناس - روسی فوج کا نظام جو اکتوبر 2011ء سے کام کررہا ہے
- گلیلیو - 2011ء سے ترکیب جاری ہے اور اس کی تکمیل 2019ء میں متوقّع ہے
- بی ایدو مقامیابی نظام (Beidou) - چین کا ایک منصوبہ
- بھارتی خطی جہازرانی سیارچی نظام - بھارت کا ایک منصوبہ
خطّی نظامات
زمینی مقامیابی ترسیلوں (land-based positioning transmitters) کے جالِکارات (networks) جو خصوصی مشعی وصولوں (radio receivers) کو زمین کے سطح پر اپنے مقام کا تعیّن کرنے کے قابل بناتے ہیں۔ یہ نظام عالمی جہازرانی سیارچی نظاموں سے کم دَرُست ہوتے ہیں۔ تاہم، یہ خصوصی مقاصد کیلئے اور اُن جگہوں پر بطورِ پشتبان (backup) مفید ہوتے ہیں جہاں ان کے اشارے اچھے طریقے سے وصول ہوتے ہوں مثلاً زیرِزمین اور عمارات کے اندر۔ اِس کے علاوہ اِن نظاموں کیلئے ایسے وصولے بنائے جاسکتے ہیں جو بہت کم بجلی استعمال کرتے ہیں۔ لوران (LORAN) ایسا ہی ایک نظام ہے۔
موقع گیر نظامات
اندرونِ خانہ مقامیابی نظامات کو کمروں، عمارتوں یا تعمیراتی جگہوں میں استعمال کیلئے ترتیب دیا جاتا ہے۔ یہ نظامات سنٹی میٹر تک کی دَرُستی (accuracy) مہیّا کرتے ہیں۔ ان میں سے کچھ چھ-جہتی (6D) مقام اور رُخ بندی (orientation) بارے معلومات دیتے ہیں۔ ایسے نظام کی ایک مثال ایکٹیو بیٹ (Active Bat) ہے۔
فضائے کار نظامات
ان نظامات کو صرف ایک محدود جائے کار (workspace) کی سرپوشی کیلئے ترتیب دیا جاتا ہے، عموماً چند مکعب میٹر تک، لیکن یہ ملّیمیٹر یا اس سے بہتر دَرُستی دے سکتے ہیں۔ یہ ۶-جہتی مقام اور رُخ بندی بتاتے ہیں۔ مثال کے اطلاقات میں مجازی حقیقی ماحولات (virtual reality environements)، تراز بندی اَوزار (alignment tools) برائے شمارندی معاونت شدہ جراحت (computer-assisted surgery) یا مشعیات اور عکسبندی (cinematography) شامل ہیں۔
مزید دیکھئے
- مقامیابی طرزیات (positioning technology)
- جہازرانی (navigation)
- حرکیہ مقامیابی (dynamic positioning)
- مقامی مقامیابی نظام (local positioning system)