زیب النساء اسٹریٹ

آزاد دائرۃ المعارف، ویکیپیڈیا سے
Jump to navigation Jump to search
زیب النساء اسٹریٹ کراچی کا ایک منظر

زیب النسا اسٹریٹ پاکستان کے سب سے بڑے شہر کراچی کے اہم کاروباری مرکز صدر کی ایک مصروف اور پُر ہجوم شاہراہ ہے۔ اس شاہراہ پر کراچی کی مہگی ترین دکانیں اور شورومز موجود ہیں۔ یہ سڑک مغل شہنشاہ اورنگزیب عالمگیر کی دختر شہزادی زیب النساء کے نام سے موسوم ہے۔ اس سڑک کا پرانا نام ایلفسٹن اسڑیٹ تھا جو 1970ء میں تبدیل کر دیا گیا۔ یہ یکطرفہ سڑک شہر کے اولین کاروباری علاقوں میں سے ایک ہے۔ یہ سڑک صدر میں سنگر شوروم سے شروع ہوکر صدر میں ہی ریو سینٹر کے سگنل پر ختم ہوتی ہے۔ اس سڑک پر زیادہ تر دکانیں جیولرزکی ہیں۔ اس کے علاوہ ملبوسات اور جوتوں کی بھی لاتعداد دکانیں یہاں موجود ہیں۔