حادثہ سڑک
| سڑک حادثہ | |
|---|---|
| مترادفات | Traffic accident, motor vehicle accident, car accident, automobile accident, road traffic collision, road accident, road traffic accident, wreck, car crash, car wreck, carsmash, knockdown, plowthrough, fender bender, pileup, T-bone |
 | |
| A سامنے کا تصادم involving two vehicles | |
| اختصاص | Emergency medicine |
حادثہ سڑک ، سڑک تصادم، گاڑیوں کا حادثہ، گاڑیوں کا تصادم یا کبھی عام گفتگو میں صرف حادثہ(انگریزی: Traffic collision)، اس وقت ہوتا ہے جب ایک گاڑی کسی دوسری گاڑی، راستہ چلنے والے، جانور، سڑک پر رکھے تودے یا کوئی ٹھہری ہوئی رکاوٹ، جیسے کہ درخت، برقی کے کھمبے یا عمارت سے ٹکرا جاتی ہے۔ سڑک حادثوں کی وجہ سے اکثر زخم، اموات اور جائداد کو نقصانات ہوتے ہیں۔
ایسے کئی عوامل ہیں جو سڑک حادثوں میں معاون ہوتے ہیں، ان میں گاڑیوں کا ڈیزائن، چلانے کی رفتار، سڑک کا ڈیزائن، سڑک کا ماحول، چلانے کی صلاحیتیں، شراب یا منشیات کے زیر اثر چلانا، برتاؤ، جس میں غیر متوجہ چلانا، تیز رفتاری اور سڑک پر مقابلہ شامل ہیں۔ عالمی سطح پر گاڑیوں کے تصادم سے کئی اموات اور لوگوں کا اپاہج پونا اور زبر دست مالی خرچ سماج اور متعلقہ افراد کو جھیلنا پڑتا ہے۔
سڑک حادثے اور سماج کی منظر کشی[ترمیم]
بہت سے ملکوں میں ما بعد حادثہ فراری پر پابندی ہے۔ حادثہ میں ملوث شخص پر لازم ہے کہ وہ صورت حال کی اطلاع اور مثاثرہ شخص کی مدد کرے۔ سماجی ذمے داری کے تصور کے ایک تحت عام شہریوں پر بھی لازم ہے کہ وہ ایک دوسرے کی مدد کریں، چاہیے ابتدائی طبی امداد ہو یا مثاثرہ شخص کو ہسپتال لے جانا ہو۔
تاہم جدید موبائل فو ن کے دور میں ایک شرمناک بات یہ دیکھی گئی ہے کہ جہاں سڑک حادثے میں زخمی ہونے والا شضص سڑک پر تڑپتا رہتا ہے، وہاں کوئی اس کی مدد کو آگے نہیں آتا۔ اس کے بر عکس وہاں موجود افراد اپنے موبائل فون پر اس متاثرہ شخص کی ویڈیو بنانے میں مصروف رہتے ہیں۔[1] ایک علاوہ قانونی دفعات کے باوجود اکثر گاڑی بان ما بعد حادثہ فراری ہی میں عافیت محسوس کرتے ہیں۔
ایسے میں زخمی شخص کی صحت یابی کا دار و مدار سڑک پر چلنے والے اور لوگوں اور ٹریفک پولیس کی فعالیت پر ہے۔ یہ لوگ جس قدر ذمے داری اور انسانی ہم دردی کا مظاہرہ کرتے ہیں، ویسے انداز میں متاثرہ افراد تک راحت اور علاج و معالجہ کے ذریعہ مدد پہنچ سکتی ہے۔