طب نفسی

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں

طب نفسی جس کو انگریزی میں psychiatry کہا جاتا ہے شعبہ طب سے تعلق رکھنے والا ایک اختصاص (speciality) ہے جو نفسیاتی امراض کے مطالعے، انسے بچاؤ، انکے تعین و تشخیص اور علاج و نوسازی (rehabilitation) سے متعلق ہوا کرتا ہے۔ تاریخی حوالے سے تو نفسیاتی امراض کی اصطلاح ایسی کسی حالت کا تصور اجاگر کرتی ہے کہ جسمیں متاثرہ شخصیت کو معمول کے مطابق بھی نہ کہا جاسکتا ہو اور اسکی کوئی وجہ یا نقص (جسمانی) بھی نہ ہو، اور ایسی صورت میں اس میں شخص کے نفس کو مریض سمجھا جاۓ۔ لیکن آج کی سائنسی ترقی نے اس بات کی افادیت کو خاصی حد تک معدوم کردیا ہے کہ آج کے جدید آلات اور اختبارات (tests) کی بہترین سہولیات کی مدد سے اکثر نفسیاتی کیفیت میں مبتلا شخصیت کے دماغ میں کسی ایسے قابل شناخت فعل کو معلوم کیا جاسکتا ہے کہ جو اپنے معمول سے منحرف ہو۔

یعنی پرانے رجحان یا تصور کے مطابق عقلی بیماری کو نفسیاتی اور دیگر بیماریوں کو طب سے تعلق رکھنے والی جسمانی بیماریاں کہنا علمی اور سائنسی لحاظ سے درست نہیں رہا، مگر اسکے باوجود ابھی تک غالب رجحان ہے۔ جیسا کہ اوپر ذکر آیا کہ نفسیاتی اور دیگر تمام طبی امراض میں بنیادی طور پر کوئی فرق اسکی امراضیات کے لحاظ سے نہیں یعنی ایسا نہیں کہ نفسیاتی مرض کی کوئی وجہ ایسی نہ ہو کہ جو جسم میں پائی جاۓ یا یوں بھی کہ سکتے ہیں کہ ایسا نہیں کہ ہوتا کہ جسم بشمول دماغ میں کوئی فعلیاتی انحراف یا کوئی بیماری کی وجہ نہ ہو اور کوئی شخص مرض (نفسیاتی یا کوئی دیگر) کا حامل بھی ہو۔