عریض الشریط

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
یہ مضمون عریض الشریط کی عمومی اصطلاح کے بارے میں ہے، شبکہ کے صارف الاخیر تک اسکی رسائی اور استعمال کے بارے میں دیکھیۓ شبکہ عریض الشریط ۔

عریض الشریط (broadband) کی اصطلاح علم برقیات اور بعید ابلاغیات میں ایک ایسے اشارہ (signal) یا دارہ (circuit) کے لیۓ استعمال کی جاتی ہے کہ جو تعدد کی نسبتا وسیع حدود کا حامل ہو۔

  • اصل الکلمہ: broadband کو عریض الخط بھی کہا جاسکتا ہے جو کہ نسبتا عام فہم بھی ہے مگر band کا لفظ صرف علم شمارندہ یا برقیات ہی میں نہیں بلکہ یہ مفہوم طب اور کیمیاء سمیت دیگر کئی شعبہ ہاۓ علم میں استعمال ہوتا ہے۔ جبکہ اسی قسم کا ملتا جلتا ایک اور مفہوم strip یا striated کے الفاظ سے بھی ادا کیا جاتا ہے۔ لہذا اگر بینڈ کی جگہ خط استعمال کیا جاۓ تو اسکو ہر جگہ استعمال نہیں کیا جاسکتا کیوں کہ بعض جگہوں پر strip کے لیۓ خط کا لفظ درست مفہوم ادا کرتا ہے۔ یہ ، اور اسی قسم کی چند دیگر پیچیدگیوں سے دامن چراتے ہوئے band کے لیۓ شریط کا لفظ استعمال کیا جاتا ہے جو کہ تمام جگہوں پر بینڈ کے لیۓ بلا کسی پیچیدگی کے لاگو کیا جاسکتا ہے۔ بنیادی طور پر band کا لفظ strip کا مطلب ادا کرتا ہے اور اسی وجہ سے طیف (spectrum) کی دھاریوں کے لیۓ اسکو استعمال کیا گیا، پھر وہا‎ں سے اس نے وسیع ہوکر تعدد (frequency) کے مفہوم کو اپنی لپیٹ میں لے لیا جو کہ عموما موجوں کے ساتھ سروکار رکھتا ہے۔ پھر اس نے مزید پھیل کر علم کے دیگر شعبوں مثلا برقیات، علم شمارندہ اور طبیعیات وغیرہ میں بھی اپنے قدم جما لیۓ۔