ویب سائٹ

آزاد دائرۃ المعارف، ویکیپیڈیا سے
(موقعِ حبالہ سے رجوع مکرر)
:چھلانگ بطرف رہنمائی، تلاش

ویب سائٹ (انگریزی: website یا web site) بنیادی طور پر ایک ویب سائٹ دراصل معلومات کا ایک ایسا مجموعہ ہوتا ہے کہ جس کو انٹرنیٹ پر رکھنے کے لیے صفحات کی شکل میں تشکیل دیا جاتا ہے جنکو ویب پیج کہتے ہیں اور ایسے صفحات عموما کسی ایک نام کے تحت ترتیب دیے جاتے ہیں جسے ڈومین نیم کہتے ہیں ، اکثر اوقات اس ڈومین نیم میں پھر مزید سب ڈومین بھی پائے جاتے ہیں۔

ویب سائٹ پر موجود صفحات کو مثالی طور پر ایک خاص قسم کی ترمیز میں لکھا جاتا ہے جسکو ایچ ٹی ایم ایل کا اختصار دیا جاتا ہے، اور HTTP کے دستور استعمال کرتے ہوئے ان صفحات کو، نیٹ پر موجود سرور سے کسی صارف کے ویب براؤزر تک باآسانی منتقل کرا جاسکتا ہے۔

کسی ایک ویب سائٹ پر موجود، صفحات کو اسی ویب سائٹ کا ایک مشترکہ قاعدہ یعنی یو آر ایل استعمال کرتے ہوئے شناخت کیا جاتا ہے، اس مشترکہ قاعدے (URL) پر موجود صفحہ کو صفحہ اولیں بھی کہتے ہیں۔ یہ یو آر ایل اس موقع پر موجود تمام صفحات کو ایک ترتیب وار شکل میں رکھتے ہیں۔ اسکے علاوہ ہائپرلنک کے ذریعے ان مختلف صفحات کو آپس میں مربوط بھی کیا جاتا ہے اور ان ہی کی مدد سے وہ ڈھانچہ تیار ہوتا ہے کہ جو کسی صارف کو اس موقع کا دورہ کرنے پر نظر آتا ہے۔

کچھ ویب سائٹ، ایسے بھی ہوتی ہیں کہ جن کے اجزاء (جزوی یا کلی) دیکھنے کے لیے کوئی قسط بھی مقرر ہوتی ہے ایسی ویب سائٹ عام طور پر تجارتی بنیادوں پر خدمات فراہم کرتی ہیں انکی چند مثالوں میں بعض خبروں ، تازہ ترین منڈی کے نرخ ، اور یا پھر جدید ترین تحقیقی مواد شائع کرنے والے جریدے شامل ہیں۔

ویب سائٹ کو سمجھنے کیلئے ایک آسان اور صحیح مثال آپ کے مکان اور دوکان اور عوامی خدمت کیلئے وقف کی ہوی جگہ کی طرح ہے جب آپ مکان یا دوکان تعمیر کرتے ہیں تو پہلے ہی طے کرلیتے ہیں کہ ہمیں اس عمارت سے کرنا کیا ہے ایسا ہی ویب سائٹ بنانے (کرئیٹ) کرنے میں ہوتا ہے

اگر آپ نے مکان صرف اپنے ذاتی استعمال کیلئے بنایا ہے تو وہ اس ویب سائٹ کی طرح ہے جسے آپ نے بناکر چھوڑ دیا ہو یا کبھی کبھی جب دل میں آیا کچھ ڈاٹا ایم پی تھری ایم پی فور یا فوٹوز وغیرہ اپلوڈ کر دیے جب چاہا کوئ مضمون یا بلاگ لکھ دیا یا کھالی چھوڑ دیا کیوں کہ آپ کا ذاتی مکان بھی اسی طرح ہوتا ہے جب چاہے جس طرح چاہے استعمال کرتے ہیں

اور اگر آپ دوکان بناتے ہیں تو وہ اس ویب سائٹ کی طرح ہے جس میں آپ ڈاٹا اپلوڈ کر کے پھر اسے بیچ کر رقم حاصل کرتے ہیں

اور ویب سائٹ کی ایک قسم آپ کی اس جگہ کی طرح ہے جسے آپ نے عوام کی خدمت کیلئے وقف کردیا ہو مثلا مسافروں راہ گیروں کیلئے مفت میں پانی پینے کا انتظام یا کچھ کھانے اور لے جانے کیلئے فراہم کیا ہو عوام اس ویب سائٹ سے کچھ ڈاؤن لوڈ کرتی ہے اور اپنی ضرورت میں لاتی ہے

اور ویب سائٹ پر اشتہار باہری دنیا کی طرح ہوتے ہیں کہیں راستے میں، شاہراہ پر اور کبھی کسی کے گھر یا دیوار پر لگاۓ جاتے ہیں لیکن ویب سائٹ پر اشتہار بڑی آمدنی کا ذریعہ ہوتے ہیں جو اپنی ویب سائٹ پر اشتہار لگواتا ہے وہ لگانے والے سے رقم وصول کرتا ہے اور ویب سائٹ پر اشتہار کی بڑی خوبی یہ ہے کہ آپ اشتہار پر طق (ٹچ) کرکے فورا اس ویب سائٹ میں پہونچ سکتے ہیں جب کہ باہر کی دنیا میں آپ کو پتہ پڑھ اور لکھ کر اور معلوم کرکے وہاں تک پہونچتے ہیں

حوالہ جات[ترمیم]