نومولود دوست ہسپتالی پہل

نومولود دوست ہسپتالی پہل (انگریزی: Baby Friendly Hospital Initiative) عالمی ادارۂ صحت اور یونیسیف کا عالمی سطح کا پروگرام ہے، جس کا افتتاح 1991ء میں ہوا۔ اس کے پس پردہ 1990ء میں انوسینٹی قرارداد کا منظور کیا جانا ہے۔ یہ پہل ایک عالمی پیمانے کی کوشش ہے جس کا مقصد یہ ہے کہ دنیا میں زچگی کی سہولتوں کو بہتر اور ماؤں کو دودھ پلانے کا موقع فراہم کیا جا سکے تاکہ ان نو نہالوں کی خوش حال زندگی کی شروعات ممکن ہو۔ اس کے تحت حاملہ خواتین کی بہتر نگہداشت، ماؤں اور نوزائیدوں کی صحت کی سہولتوں کو بہتر بنانا تاکہ ماں کے دودھ کے متبادلات کی بازارکاری کا بین الاقوامی کوڈ کے تحت رضاعت کا تحفظ، اس کا فروغ اور اس کی حمایت ہو سکے۔

یونیسیف، عالمی ادارۂ صحت اور کئی قومی سرکاری ایجنسیوں نے سفارش کی ہے کہ صرف رضاعت ہی پہلے چھ مہینوں تک بچوں کی خوراک ہونا چاہیے۔ مطالعات سے پتہ چلا ہے کہ وہ بچے جو ماں کا دودھ پی چکے ہیں ان کے یہاں تبخیر، دمہ اور جلدی سوجن، سانس اور کان کے انفیکشن سے متاثر ہونے کے امکانات کم ہیں۔

وہ بالغان جو اپنے بچپن میں ماں کا دودھ پی چکے ہیں، ان میں قلبی امراض، موٹاپا اور بلند فشار خون کا امکان کم ہے۔ یہ فوائد ماں کے لیے بھی ہیں: وہ خواتین جو بچوں کو دودھ نہیں پلاتیں وہ آگے کی زندگی میں قلب کے امراض، بڑھتے تناؤ، ذیابیطس، بڑھی ہوئی کولیسٹرول، پستان کے سرطان، رحم کے سرطان اور کولہے کے ٹوٹنے جیسی معذوریوں سے متاثر ہو سکتی ہیں۔ نومولود دوست ہسپتالی پہل کا یہ مقصد بھی ہے کہ صرف ماں کا دودھ پینے والے بچوں کی تعداد میں اضافہ کیا جائے۔ یہ وہ مقصد ہے جس پر عالمی ادارہ صحت بھی تعاون کرتا ہے تاکہ سالانہ ایک ملین سے زیادہ اموات کو روکا جا سکے۔ اسی کے ساتھ قبل از زچگی زچہ کی موت پر بھی قابو پایا جا سکتا ہے۔