نیمو کی تلاش

نیمو کی تلاش
(انگریزی میں: Finding Nemo)
ہدایت کار	لی انکرچ
صنف	مہم جویانہ فلم ،  خاندانی فلم ،  مزاحیہ فلم ،  بچوں کی فلم
سلسلہ	پکسر فلموں کی فہرست (الترتيب: 5)
موضوع	مچھلی
دورانیہ	100 منٹ
زبان	انگریزی
ملک	ریاستہائے متحدہ امریکا
اسٹوڈیو	پکسر والٹ ڈزنی پکچرز
تقسیم کنندہ	انٹرکوم ،  ڈزنی+ ،  والٹ ڈزنی اسٹوڈیوز موشن پکچرز
میزانیہ	94000000 امریکی ڈالر
باکس آفس	969023261 امریکی ڈالر 380843261 امریکی ڈالر
تاریخ نمائش	30 مئی 2003 (ریاستہائے متحدہ امریکا اور کینیڈا ) 14 نومبر 2003 (سویڈن ) 20 نومبر 2003 (جرمنی ) 26 نومبر 2003 (فرانس ) 20 مئی 2003 2003
دیگر فلمیں
ڈورے کی تلاش
مزید معلومات۔۔۔
باضابطہ ویب سائٹ	باضابطہ ویب سائٹ
آل مووی	v278866
	tt0266543

نیمو کی تلاش (Finding Nemo) ایک مشہور کارٹون فلم ہے۔ اسے ڈزنی اور پکسرسٹوڑیوز نے بنایا ہے۔ اسے مایا (Maya) سافٹ ویر میں بنایا گيا ہے۔ یہ 30 مئی 2003 کو بازار میں آئی۔ یہ فلم 2 کروڑ اسی لاکھ کی تعداد میں بک چکی ہے۔

کہانی

نیمو کی تلاش میں دو کلون مچھلیاں ہوتی ہیں۔ ان کے ایک سو انڈے ہوتے ہیں۔ ایک خونخوار مچھلی ننانوے انڈے اور ان میں سے ایک مچھلی کو کھا جاتی ہے۔ باقی ایک انڈے میں سے جو مچھلی نکلتی ہے اس کا باپ (مارلن) اس کا نام اس کی ماں کی یاد میں نیمو رکھتا ہے۔ یہی نیمو کہانی کا مرکزی کردار ہوتا ہے۔ نیمو اور اس طرح کی دوسری مچھلیاں ایک ریف میں رہ رہی ہوتی ہیں۔

نیمو جب پہلے دن اسکول جاتا ہے تو اس کا استاد اسے اور اس کی کلاس کو کھلے سمندر میں لے جاتا ہے۔ اس کا باپ اس کے پیچھے پیچھے جاتا ہے اور اسے روکتا ہے کے کھلے سمندر میں مت جاؤ لیکن نیمو اس کی نافرمانی کرتے ہوئے کھلے سمندر میں کھڑی ایک کشتی کو ہاتھ لگا دیتا ہے اس کی واپسی پر کئی انسان پانی میں آکر اسے لے جاتے ہیں اور اس کا باپ اس کشتی کے۔ پیچے پیچھے تیرنا شروع کر دیتا ہے اسے راستے میں ایک اور مچھلی (ڈوری) بھی ملتی ہے جو نیمو کی تلاش میں اس کی مدد کرتی ہے۔ اسے تین شارک مچھلیاں بھی پکڑ لیتی ہیں اور وہ ان سے بڑی مشکل سے بچ نکلتا ہے۔ اس کے بعد وہ جیلی مچھلیوں سے بچتا ہے۔ اس کو کئی کچھوے باہر نکالتے ہیں اور وہ ان کی مدد سے سڈنی آسٹریلیا پہنچ جاتا ہے۔ نیمو وہاں پر ایک مچھلی گھر میں ہوتا ہے۔ نیمو بھی وہاں پر مچھلی گھر سے نکلنے کی کوششیں کر رہا ہوتا ہے اس کی ایک کوشش کامیاب ہو جاتی ہے اور وہ باہر نکل جاتا ہے اور اس کا باپ اسے پا لیتا ہے اور اسے اپنے ساتھ گھر لے چلتا ہے۔ واپس پہنچ کر وہ پھر سے اسے اسکول داخل کرا دیتا ہے۔