چھلانگ

آزاد دائرۃ المعارف، ویکیپیڈیا سے
Jump to navigation Jump to search
جرمنی میں ایک شخص سائیکل پر کرتب بازی کے طور کافی اونچائی سے چھلانگ لگاتے ہوئے اس تصویر میں دیکھا جا سکتا ہے۔

چھلانگ لگانا (انگریزی: Jumping) یا اچھلنا ایک متحرک جسمانی کوشش ہے جس میں کوئی ذی حیات جیسے کہ انسان یا جانور اور غیر ذی حیات جیسے کہ روبوٹ خود کو ہوا میں اوپر ہوتے ہوئے اپنے مقام سے ایک طریقے سے آگے بڑھ جاتے ہیں۔ چھلانگ دوڑ سے اس طرح سے مختلف ہے کہ اس میں عمومًا کوئی شخص ہوا میں نسبتًا اونچائی سے ہو کر گزرتا ہے۔ اس کے علاوہ چھلانگ میں یہ اونچائی کا اچھلنا زیادہ عرصے تک جاری رہتا ہے۔ چھلانگ میں اونچائی سے ہو کر گزرنے کا پہلو کسی شخص کے متحرک ہونے کے شروع ہی سے منسلک رہتا ہے۔

چھلانگ لوگ عام طور سے کھیل کود میں لگاتے ہیں۔ مثلًا اولمپک کھیلوں میں لمبے فاصلے کی چھلانگ میں ایک مقابلہ ہوتا ہے۔ بھالا پھینکنے کے مقابلے میں بھی لوگ چھلانگ لگاتے ہیں۔ لوگ شوقیہ ہوائی جہاز یا ہیلی کاپٹر اور پہاڑ کی اونچائی سے چھلانگ لگاتے ہیں۔ ان میں سے اول الذکر اسکائی ڈائونگ کے نام سے موسوم ہے جب کہ ثانی الذکر بنگی جمپنگ کہلاتا ہے۔

کرکٹ کے کھیل میں بھی لوگ چھلانگ لگاکر حریف ٹیم کے بلے باز کی گیند کا کیچ پکڑ لیتے ہیں۔[1]

ناگہانی صورت حال میں جان بچانے کے لیے[2] یا پھر خود کشی کرنے کے لیے بھی لوگ اونچی عمارتوں سے چھلانگ لگاتے ہیں۔[3]

چھلانگ لگانا کئی بار کسی اچھی یا بری بات کے پہت زیادہ یا اس کے عام اور ہمہ گیر ہو جانے کے لیے بھی مستعمل ہے۔[4]


مزید دیکھیے[ترمیم]

حوالہ جات[ترمیم]