کاس نائیڈو

کاس نائیڈو
معلومات شخصیت

کستوری " کاس " نائیڈو (پیدائش 1975ء یا 1976ء) ایک جنوبی افریقی کرکٹ مبصر ہیں۔ وہ جنوبی افریقہ کی پہلی خاتون کرکٹ مبصرین میں سے ایک تھیں۔کستوری نائیڈو کا ہندوستان سے تعلق سو سال پرانا ہے۔ کرکٹ کے حلقوں میں 'کاس' کے نام سے مشہور، کستوری جنوبی افریقہ کی ایک نوجوان خاتون ہیں، کرکٹ سیریز میں بطور کمنٹیٹر اپنے کردار سے لطف اندوز ہو رہی ہیں۔

تعارف

کاس نائیڈو ڈربن ، نٹال ، جنوبی افریقہ میں، بھارت کے آندھرا پردیش کے وشاکھاپٹنم سے تعلق رکھنے والے خاندان میں پیدا ہوئی، نائیڈو کو 14 سال کی عمر میں ، ڈونا سیمنڈز ، ایک ویسٹ انڈین کمنٹیٹر، کو جنوبی افریقہ میں کمنٹری کرتے ہوئے سننے کے بعد کرکٹ کمنٹری کرنے کی تحریک ملی۔ اس نے ڈربن یونیورسٹی آف ٹیکنالوجی میں تعلیم حاصل کی اور صحافت میں ڈگری حاصل کی۔ نائیڈو نے بطور صحافی اپنے کیریئر کا آغاز کیا، 1996ء میں مرکری اخبار کے رپورٹر کے طور پر اس نے اس شعبے کو اختیار کیا 2003ء میں جنوبی افریقہ کے قومی ٹیلی ویژن پر آئی سی سی عالمی کپ کی کوریج کے لیے میزبان کے طور پر اس نے ٹیلی ویژن کی طرف قدم بڑھایا ۔ اس کا بین الاقوامی کمنٹری ڈیبیو 2006ء میں ہانگ کانگ سکسز میں ہوا۔

2008ء سے 2012ء تک نائیڈو نے کرکٹ جنوبی افریقہ کے لیے کام کیا۔ 2021ء میں وہ اسکائی کی دی ہنڈریڈ کی کوریج کا حصہ تھیں۔ 2023ء میں انھیں 2023ء کرکٹ ورلڈ کپ کے کمنٹری پینل میں شامل کیا گیا۔ اپنے کیریئر کے دوران نائیڈو نے مردوں اور خواتین کی کرکٹ دونوں پر تبصرہ کیا ہے، بشمول آئی سی سی کے عالمی ٹورنامنٹس اور ٹی20 فرنچائز ٹورنامنٹس۔ وہ 2003ء سے ایس اے بی سی کھیل کے لیے چار ورلڈ کپ کی میزبانی کر چکی ہے اور بھارت-جنوبی افریقہ کے دورے کی کوریج میں شامل رہی ہے۔