اسم فاعل

اسم فاعل اُس اسم کو کہتے ہیں جو فاعل یعنی کام کرنے والے کو ظاہر کرے اور کسی کا اصل نام نہ ہو۔ اردو میں عربی اور فارسی کے اسم فائل بھی استعمال ہوتے ہیں۔ اسم فائل کی درج ذیل چار اقسام ہیں۔ اسم فاعل مفرد، اسم فائل، اسم فائل مرکب، اسم فائل قیاسی، اسم فائل سماعی۔

اسم فائل

اسم فائل کا مفہوم

اسم فائل اُس اسم کو کہتے ہیں جو فاعل یعنی کام کرنے والے کو ظاہر کرے اور کسی کا اصل نام نہ ہو ۔

یا

وہ اسم جو فاعل یعنی کسی کام کرنے والے کی جگہ استعمال ہو۔

یا

اسم فاعل وہ اسم ہوتا ہے جو کسی کام کرنے والے کو ظاہر کرے اور مصدر سے بنے۔

اسم فائل کی مثالیں

دیکھنا سے دیکھنے والا، ہنسنا سے ہنسنے والا، رونا سے رونے والا، سُننا سے سُننے والا، لِکھنا سے لِکھنے والا وغیرہ

عربی کے اسم فاعل

اُردو میں عربی کے اسم فاعل بھی استعمال ہوتے ہیں یہ فاعل کے وزن پر آتے ہیں مثلاً قاتل (قتل کرنے والا)، عالم (علم دینے والا)، رازق (رزق دینے والا)، حاکم (حکم دینے والا)، عابد (عبادت کرنے والا)، صابر(صبر کرنے والا) وغیرہ

فارسی کے اسم فاعل

ہوا باز، پ رہی ز گار، کارساز، باغبان، کاریگر وغیرہ

اسم فاعل کی اقسام

اسم فاعل کی مندرجہ ذیل اقسام ہیں

1. اسم فاعل مفرد
2. اسم فاعل مرکب
3. اسم فاعل قیاسی
4. اسم فاعل سماعی

اسم فاعل مفرد

اسم فاعل مفرد کا مفہوم

اسم فاعل مفرد وہ اسم ہوتا ہے جو لفظِ واحد کی صورت میں ہو لیکن اُس کے معنی ایک سے زیادہ الفاظ پر مشتمل ہوں۔

اسم فائل مفرد کی مثالیں

ڈاکو( ڈاکا ڈالنے والا)، ظالم (ظلم کرنے والا)، چور (چوری کرنے والا)، صابر (صبر کرنے والا)۔ رازق (رزق دینے والا) وغیرہ

اسم فاعل مرکب

اسم فائل مرکب کا مفہوم

ایسا اسم جو ایک سے زیادہ الفاظ کے مجموعے پر مشتمل ہو اسے اسم فاعل مرکب کہتے ہیں۔

اسم فائل مرکب کی مثالیں

جیب کترا، بازی گر، کاریگر، وغیرہ

اسم فاعل قیاسی

اسم فائل قیاسی کا مفہوم

ایسا اسم جو مصدر سے بنے اُسے اسم فاعل قیاسی کہتے ہیں۔

اسم فائل قیاسی کی مثالیں

کھانا سے کھانے والا، سونا سے سونے والا، آنا سے آنے والا، دوڑنا سے دوڑنے والا وغیرہ

اسم فاعل سماعی

اسم فائل سماعی کا مفہوم

ایسا اسم فاعل جو مصدر سے کسی قاعدے کے مطابق نہ بنا ہو، بلکہ اہلِ زبان سے سننے میں آیا ہو، اُسے اسم فاعل سماعی کہتے ہیں۔

اسم فاعل سماعی کی مثالیں

شتربان، فیل بان، گویا، بھکاری، جادو گر، گھسیارا، پیغامبر، وغیرہ

فاعل اور اسم فاعل میں فرق

فاعل

فاعل ہمیشہ جامد اور کسی کام کرنے والے کا نام ہوتا ہے مثلا حامد نے اخبار پڑھا، عرفان نے خط لکھا امجد نے کھانا کھایا، اِن جملوں میں حامد، عرفان اورامجد فاعل ہیں۔

اسم فاعل

اسم فاعل ہمیشہ یا تو مصدر سے بنا ہوتا ہے۔ جیسا کہ لکھنا سے لکھنے والا، پڑھنا سے پڑھنے والا، کھانا سے کھانے والا، سونا سے سونے والا یا پھر اس کے ساتھ کوئی فاعلی علامت پائی جاتی ہے۔ مثلا پہرا دار،باغبان، کارساز، وغیرہ