مختار ثقفی کا مسودہ

{{خانہ معلومات صاحب منصب
| صورة = Mukhtar al-Thaqafi.png
}}

مختار بن ابو عبید الثقفی (عربی: ٱلْمُخْتَار ٱبْن أَبِي عُبَيْد الثَّقَفِيّ؛ تقریباً 622 – 3 اپریل 687) کوفہ میں ایک علوی حامی انقلابی تھے، جنہوں نے 685ء میں اموی خلافت کے خلاف بغاوت کی اور دوسری فتنے کے دوران اٹھارہ ماہ تک عراق کے بیشتر حصے پر حکومت کی۔

طائف میں پیدا ہونے والے مختار کم عمری میں عراق منتقل ہوگئے اور کوفہ میں پرورش پائی۔ 680ء میں کربلا کے معرکے میں اموی فوج کے ہاتھوں اسلامی نبی محمد کے نواسے حسین ابن علی کی شہادت کے بعد، انہوں نے مکہ میں حریف خلیفہ عبد اللہ ابن زبیر سے اتحاد کیا، مگر یہ اتحاد زیادہ دیر قائم نہ رہا۔ مختار واپس کوفہ آ گئے جہاں انہوں نے علی کے بیٹے اور حسین کے بھائی محمد ابن حنفیہ کو مہدی اور امام قرار دیا اور علوی خلافت کے قیام اور حسین کے قتل کا بدلہ لینے کی دعوت دی۔ اکتوبر 685ء میں انہوں نے کوفہ پر قبضہ کر لیا، زبیری گورنر کو نکال باہر کیا اور بعد میں حسین کے قتل میں ملوث افراد کو قتل کرنے کا حکم دیا۔ ابن زبیر کے ساتھ مخاصمت بالآخر مختار کی موت پر منتج ہوئی جب بصرہ کے زبیری گورنر مصعب ابن زبیر کے فوجیوں نے چار ماہ کے محاصرے کے بعد انہیں شہید کر دیا۔

اگرچہ مختار کو شکست ہوئی، لیکن اس کی تحریک کے دور رس اثرات مرتب ہوئے۔ اس کی وفات کے بعد، اس کے پیروکاروں نے ایک انتہا پسند شیعہ فرقہ تشکیل دیا، جسے بعد میں کیسانیہ کہا جانے لگا۔ انہوں نے کئی نئے عقائد وضع کیے اور بعد میں آنے والی شیعہ نظریات پر اثرات مرتب کیے۔ مختار نے موالی (اسلام میں غیر عرب نو مسلم) کے سماجی مقام کو بلند کیا اور وہ ایک اہم سیاسی قوت بن گئے۔ موالی اور کیسانیہ نے ساٹھ سال بعد عباسی انقلاب میں نمایاں کردار ادا کیا۔ مختار عرب اور غیر عرب مسلمانوں کو برابر سمجھنے کے ابتدائی حامیوں میں سے تھے۔ سنیوں میں وہ ایک متنازع شخصیت ہیں؛ انہیں جھوٹا نبی قرار دیا جاتا ہے، جب کہ اکثر شیعہ انہیں علویوں کے حمایتی کے طور پر احترام کی نظر سے دیکھتے ہیں۔ جدید مورخین کے نزدیک مختار کے بارے میں مختلف آراء ہیں، کچھ انہیں ایک مخلص انقلابی قرار دیتے ہیں تو کچھ انہیں ایک موقع پرست سمجھتے ہیں۔

== ابتدائی حالات ==

مختار ثقفی یکم ہجری میں [[طائف]] میں پیدا ہوئے مگر پرورش [[مدینہ منورہ|مدینہ]] میں ہوئی۔ نام مختار اور کنیت ابواسحاق تھی۔ تعلق بنی ہوازن کے قبیلہ ثقیف سے تھا۔ اسی لیے انھیں مختار ثقفی بھی کہا جاتا ہے۔<ref>ناسخ التواریخ</ref> ان کے والد کا نام ابو عبید ہ ثقفی تھا جنہیں [[عمر ابن الخطاب|حضرت عمر]] نے عراق کی ایک مہم میں سپہ سالار بنا کر بھیجا تھا جہاں وہ شہید ہو گئے۔ مختار ثقفی کے بچپن میں ایک بار حضرت علی کرم اللہ وجہہ نے آپ کو کھیلتے ہوئے دیکھا تو شفقت سے آپ کے سر پر ہاتھ پھیرا اور انھیں زیرک و دانا کہہ کر پیار فرمایا اور فرمایا یہ میرے حسین کے قاتلوں سے انتقام لے گا۔ <ref> مختار آل محمدؑ از نجم الحسن </ref>

== واقعات ==

آپ عبید اللہ ابنِ زیاد کی قید میں اہلبیت سے محبت کے جرم میں قید رہے جس طرح امام حسین کی شہادت کے وقت بیشتر محبانِ علی کو قید میں بند کر دیا گیا تھا- تاریخ میں قیدیوں کی یہ تعداد کئی لاکھ لکھی ہوئی ہے، یعنی کوفے کے اہلبیت سے محبت کرنے والوں کو قید کرکے عبید اللہ ابنِ زیاد نے ایسے دین فروش افراد کے سپرد کوفہ کر دیا جنھوں نے امام حسین کے بھیجے ہوئے اپنے خاص سفیر اور [[تایا زاد بھائی]] [[مسلم بن عقیل]] کو یک و تنہا کر دیا اور یوں انھیں حالتِ مظلومیت میں شہید کر دیا گیا۔ مختار باہر کے واقعات سے بے خبر اس بات کی توقع لگائے ہوئے تھے کہ ہمارے آقا حسین کی آمد کے ساتھ ہی یہ سختیاں ختم ہوجائیں گی اور امام حسین کو ان کا جائز حقِ خلافت جو معاویہ کی روایتی اُموّی مکاری اور دغا بازی کے سبب امام حسن کی حکومت سے دستبرداری کا سبب بنا امام حسین کو مل جائے گی۔ مگر جب امیر ِ مختار کو امام حسین رض کے عالمِ مظلومیت میں شھید ہونے کی خبر ملی پھر آپ کی رگوں میں خون کی طرح دوڑتی اہلیبیت سے محبت نے آپ کو مجبور کیا کے قاتلوں کے ناپاک وجود سے زمین کو پاک کر دیں۔۔ ابنِ زیاد خواہش کے باوجود ممکنہ سیاسی و دیگر وجوہ کی بنا پر انھیں قتل نہ کرا سکا۔ مختار ثقفی [[عبداللہ بن عمر]] کی بہن کے شوہر تھے اور ان کی اپنی بہن کی شادی حضرت [[عبد اللہ بن عمر]] کے ساتھ ہوئی تھی۔
قید سے رہا ہونے اور واقعاتِ کربلا سے آگاہی کے بعد امیر مختار نے قسم کھائی کہ قاتلانِ شہدائے کربلا کا بدلہ لیں گا۔
پہلے مختار ثقفی نے عبد اللہ بن زبیر کے خروج میں ان کا ساتھ دیا مگر جب عبد اللہ بن زبیر نے حجاز میں اپنی خلافت قائم کر لی تو ان سے اختلافات پیدا ہو گئے اور وہ مدینہ سے کوفہ چلے گئے۔ وہاں اپنی تحریک کو منظم کیا اور 685ء میں خروج کیا۔<ref>تاریخ طبری</ref> اس وقت ان کے ساتھ [[ابراہیم بن مالک اشتر]] بھی مل گئے جو ایک مشہور جنگجو تھے اور ان کے پاس اپنی کچھ فوج بھی تھی۔
انھوں نے [[بصرہ]] اور [[کوفہ]] میں جنگ کی اور بے شمار قاتلانِ شہدائے کربلا سے بدلہ لیا۔ جن میں [[عمر بن سعد]]، [[حرملہ]]، [[شمر]]، ابنِ زیاد، سنان بن انس وغیرہ شامل تھے۔
ابنِ زیاد کا سر کاٹ کر [[علی ابن حسین|امام زین العابدین]] کی خدمت میں بھجوایا گیا جسے دیکھ کر انھوں نے اہلِ بیت کو سوگ ختم کرنے کا کہا۔

== آپ کے فضائل ==
جناب مختار ائمہ معصومین علیھم السلام کی نظر میں
1: حضرت امام جعفر صادق علیہ السلام نے فرمایا: جب تک مختار نے امام حسین علیہ السلام کے قاتلوں کا سر نہیں بھیجا بنی ہاشم کی کسی خاتون نے سر میں کنگھی اور خضاب نہیں لگایا۔ <ref>( بحارالانوار، ج 45، ص 386؛ رجال کشى، ص 127)</ref> آیت اللہ العظمی سید ابو القاسم خوی رح نے اس روایت کو صحیح بتایا ہے۔ <ref>(خویی، ابو القاسم، معجم الرجال، ج 18، ص 94، قم، 1410ق.)</ref>
2: حضرت امام محمد باقر علیہ السلام نے فرمایا: مختار کو برا نہ کہو انھوں نے ہمارے قاتلوں کو قتل کیا اور ان سے انتقام لیا۔ سخت حالات میں ہماری مدد اور بیوا خواتین کی کفالت کی۔ <ref>( بحارالانوار، ج 45، ص343؛ رجال الکشى، ص 125.)</ref>
3: روایت میں ہے کہ جب جناب مختار نے عبید اللہ بن زیاد اور عمر سعد کا سر حضرت امام زین العابدین علیہ السلام کی خدمت میں بھیجا تو آپ نے سجدہ شکر کیا اور فرمایا "جَزىَ اللهُ المُختارَ خَیراً" خدا مختار کو جزاے خیر دے۔ <ref>(رجال الکشى، ص 127.)</ref>
وہ تمام روایتیں جو جناب مختار کے خلاف پیش کی جاتی ہیں اور ان کے ذریعہ آپ کی شخصیت کو مشکوک اور آپ کی توہین کی جاتی ہے ان کو بزرگ محقق علما نے جعلی بتایا ہے بلکہ علامہ مجلسی رح نے فرمایا : مختار فضائل اہلبیت کو بیان کرتے اور امیر المومنین امام علی علیہ السلام و حسنین کریمین علیھماالسلام کے صفات حسنہ کو نشر فرماتے، آپ کا یہ عقیدہ تھا کہ رسول اکرم صلی اللہ علیہ و آلہ کے بعد امامت و حکومت کا حق فقط اہلبیت علیھم السلام کو ہے۔ اور حکومتوں کے ذریعہ جو مصیبتیں اہلبیت علیھم السلام پر پڑی ان سے آپ رنجیدہ و غمزدہ تھے۔ <ref>(بحارالانوار، ج 45، ص 352)</ref>
علامہ باقر شریف القرشی رح نے لکھا: مختار، شیعوں کی ایک برجستہ شخصیت اور آل رسول ص کی شمشیروں میں سے تھے۔ ان کا دل اہلبیت علیھم السلام پر جو مظالم دھاے گئے ہیں اس کے لیے سب سے زیادہ بے چین رہتا، وہ اپنے جہاد میں کوشاں رہتے کہ کیسے حکومت حاصل کر لیں، لیکن یہ تمنا اپنے لیے نہیں تھی بلکہ اس کے ذریعہ اہلبیت علیھم السلام کے قاتلوں سے انتقام کے خواہاں تھے۔ <ref>(حیاہ الامام الحسین علیہ السلام، باقر شریف القرشی، ص 454)</ref>

== وفات ==
مختار ثقفی کی [[عبداللہ ابن زبیر|عبداللہ بن زبیر]] سے شدید اختلافات کے باعث جنگ ہوئی۔ ادھر بنو امیہ کا اقتدار ان کی نواسہِ رسول ﷺ سے دشمنی اور ان کے خون سے ہاتھ رنگے ہونے کے سبب ان سے چھن گیا اور مختار کی دشمنی میں بنی امیہ نے ان کے خلاف نت نئی خود ساختہ باتیں مشہور کر دیں۔<ref>http://download.uloomeislami.net/bookslibrary/1090/page/304{{مردہ ربط|date=جنوری 2021 |bot=InternetArchiveBot}}</ref> [[عبد اللہ ابن زبیر]] کے بھائی [[مصعب بن زبیر]] کے حکم پر مختار ثقفی کو 687ء میں مسجد کوفہ میں قتل کر دیا گیا۔ یہ 15 رمضان 67ھ کا واقعہ ہے۔<ref>تاریخ ابوالفداء</ref> اس کے بعد مختار ثقفی کے خاندان کو قتل کر دیا گیا۔ جس میں ان کی ایک بیوی عمرہ بنت [[نعمان بن بشیر]] انصاری (نعمان، عبید اللہ [[ابن زیاد]] سے پہلے کوفہ کے گورنر تھے) بھی شامل تھیں۔ جو مدائن میں رہتی تھیں ان کو مصعب بن زبیر کے حکم پر قتل کیا گیا۔<ref>تاریخ مسعودی</ref> تاریخ میں ہے کہ مصعب نے عمرہ سے پوچھا کہ مختار کیسا شخص تھا؟ تو عمرہ نے کہا: "خدا اس پر رحم کرے، وہ خدا کے نیک بندوں میں سے ایک بندہ تھا۔" پھر مصعب نے اسے قید کر لیا اور اپنے بھائی عبد اللہ بن الزبیر کو لکھا کہ اس نے دعویٰ کیا ہے کہ مختار نبی تھا اور عبد اللہ نے اسے جواب دیا کہ اسے نکال دو۔ تومصعب نے اسے مار ڈالا۔.<ref>ابن کثیر، البدایہ و النہایہ</ref> مگر کوفہ میں رہنے والی بیوی ناریہ بنت [[سمرہ بن جندب]] کو مصعب بن زبیر نے معاف کر دیا۔

== حوالہ جات ==
{{حوالہ جات}}
{{شیعیت میں محترم شخصیات}}

== مزید دیکھیے ==
* [[مختار نامہ (ڈراما)]]

[[زمرہ:622ء کی پیدائشیں]]
[[زمرہ:687ء کی وفیات]]
[[زمرہ:خلافت اموی میں عراق]]
[[زمرہ:دوسرے فتنے کی شخصیات]]
[[زمرہ:ساتویں صدی کی اموی شخصیات]]
[[زمرہ:ساتویں صدی کی عرب شخصیات]]
[[زمرہ:شیعہ کے محبوب صحابہ]]
[[زمرہ:عراقی شیعہ]]
[[زمرہ:تابعین]]
[[زمرہ:عراقی مسلم]]
[[زمرہ:شیعیت کے محبوب تابعین]]
[[زمرہ:ویکی ڈیٹا سے مطابقت رکھنے والی مختصر تفصیل]]
[[زمرہ:بنو ثقیف]]