کریمیائی تاتاریوں کی جبری ملک بدری کا مسودہ

{{منتخب مقالہ}}
{{infobox civilian attack
| title       = کریمیائی تاتاریوں کی جبری ملک بدری<br />Deportation of the Crimean Tatars
| partof      = [[سوویت اتحاد میں آبادی کی مہاجرت|سویت یونین میں جبری نقل مکانی]] اور [[دوسری جنگ عظیم]]
| image       = Deportation of the Crimean Tatars montage.jpg
| image_size  = 
| caption     = بائیں سے دائیں، اوپر سے نیچے: [[یوپٹوریہ]] مین جبری ملک بدری کی یادگار; [[کیف]] میں یادگاری شمعیں; تاراس سوچنکو پارک میں یادگار ریلی; جلاوطنی میں استعمال کی جانے والی قسم کی طرح کیٹکلیئر; 1939ء اور 2001ء میں کریمیا کی آبادی کے موازنہ کے نقشے۔
| location    = [[جزیرہ نما کریمیا]]
| target      = [[کریمیائی تاتار]]
| date        = 18–20 مئی 1944
| fatalities  = '''متعدد تخمینے'''<br />ا) 34,000<ref name="buckley207" /><br />ب) 40,000–44,000{{Sfn|Williams|2015|p=109}} <br /> ج) 42,000{{Sfn|Rywkin|1994|p=67}} <br /> د) 45,000{{Sfn|Ukrainian Congress Committee of America|2004|pp=43–44}}<br />ہ) 109,956{{Sfn|Hall|2014|p=53}}<br />(ان کی کل آبادی کا 18 اور 46 فیصد کے درمیان{{Sfn|Human Rights Watch|1991|p=34}})
| type        = [[Population transfer|جبری نقل مکانی]]، [[نسلی صفایا]]
| perps       = [[این کے وی ڈی]]، [[سوویت خفیہ پولیس]]
}}
{{کریمیائی تاتار}}
[[فائل:18 May Monument in Sudak (Monument of Crimean Tatars Deportation).jpg|تصغیر|کریمیائی تاتاریوں کی جبری ملک بدری کی یادگار]]

'''سورگون''' (معنی "جلا وطنی" بزبان [[کریمیائی تاتاری زبان|کریمیائی تاتاری]] اور [[ترکی زبان|ترکی]]) [[1944ء]] میں [[جزیرہ نما کریمیا|کریمیا]] کے [[کریمیائی تاتار|تاتاریوں]] کی موجودہ [[ازبکستان]] کی جانب جبری ہجرت اور قتل عام کو کہا جاتا ہے۔ [[سوویت اتحاد]] میں [[جوزف استالن|جوزف استالین]] کے عہد میں [[17 مئی]]، [[1944ء]] کو تمام [[کریمیائی تاتار|کریمیائی]] باشندوں کو اُس وقت کی [[ازبک سوویت اشتراکی جمہوریہ]] میں جبراً منتقل کر دیا گیا تھا۔ استالین عہد میں ملک کے خلاف مبینہ غداری کی سزا اجتماعی طور پر پوری قوموں کو دینے کی روش اپنائی گئی جس کا نشانہ [[کریمیائی تاتار|کریمیا کے تاتاری]] باشندے بھی بنے جن پر الزام تھا کہ انھوں نے [[نازی جرمنی|نازی جرمنوں]] کا ساتھ دے کر روس کے خلاف غداری کا ثبوت دیا ہے۔ اس جبری بے دخلی میں روس کے خفیہ ادارے این کے وی ڈی کے 32 ہزار اہلکاروں نے حصہ لیا اور ایک لاکھ 93 ہزار 865 کریمیائی تاتاری باشندوں کو ازبک و قازق اور دیگر علاقوں میں جبراً بے دخل کیا گیا۔<ref>{{cite book|last1=Levene|first1=Mark|title=Annihilation: Volume II: The European Rimlands 1939–1953|date=2013|publisher=Oxford University Press|isbn=978-0-19-968304-8|page=333}}</ref><ref name=naimark104>Naimark 2002, p. 104</ref><ref>{{cite book|last1=Kohl|first1=Philip L.|last2=Kozelsky|first2=Mara|last3=Ben-Yehuda|first3=Nachman|title=Selective Remembrances: Archaeology in the Construction, Commemoration, and Consecration of National Pasts|url=https://archive.org/details/selectiveremembr00kohl|date=2008|publisher=University of Chicago Press|isbn=978-0-226-45064-3|page=[https://archive.org/details/selectiveremembr00kohl/page/n100 92]}}</ref>

اس جبری ہجرت کے دوران میں [[مئی]] سے [[نومبر]] کے مہینے میں 10 ہزار 105 تاتاری بھوک و موسم کی شدت سے جاں بحق ہوئے جو ازبک علاقوں کی جانب منتقل کیے گئے کل باشندوں کا 7 فیصد بنتا ہے۔ [[خفیہ پولیس]] کے اعداد و شمار کے مطابق ایک سال کے اندر اندر تقریباً 30 ہزار تاتاری (کل مہاجرین کا 20 فیصد) اپنی جان سے ہاتھ دھو بیٹھے جبکہ کریمیائی تاتاریوں کے اعداد و شمار بتاتے ہیں کہ یہ تعداد 46 فیصد تھی۔
استالین کے عہد میں سزا کے طور پر جبری مشقت کا نظام [[گولاگ]] قائم کیا گیا تھا اور سوویت دستاویز ثابت کرتی ہیں کہ کئی کریمیائی باشندوں کو اس نظام کے تحت جبری مشقت پر بھی لگایا گیا۔<ref>[http://www.time.com/time/printout/0٬8816٬823132٬00.html ٹائم میگزین]{{مردہ ربط|date=August 2021 |bot=InternetArchiveBot }} [[30 نومبر]] [[1953ء]]</ref> جبری مشقت کے اسی نظام کے تحت کریمیا کے تاتاری اور کئی دیگر قوموں کے باشندوں کو [[سائبیریا]] بھی بھیجا گیا۔

[[کریمیائی تاتار|کریمیا کے تاتاریوں]] کا مطالبہ ہے کہ سرگون کو منظم قتل عام ([[مرگ انبوہ]]) قرار دیا جائے۔<ref name=18VRrd>{{cite web|url=http://www.rferl.org/content/ukraine-tatar-deportation-parliament-genocide/27360343.html|title=Ukraine's Parliament Recognizes 1944 'Genocide' Of Crimean Tatars|work=RadioFreeEurope/RadioLiberty|archiveurl=https://web.archive.org/web/20190107024400/https://www.rferl.org/a/ukraine-tatar-deportation-parliament-genocide/27360343.html|archivedate=2019-01-07|access-date=2016-08-18|url-status=live}}</ref>

[[فائل:Crimean-tatar-population-comparison-1987-2001.png|تصغیر|400px|وسط|[[کریمیائی تاتار|کریمیا کے تاتاریوں]] کے منظم قتل عام کے بعد کریمیا میں نسلی آبادی]]

[[کریمیائی تاتار|کریمیا کے تاتاریوں]] کی جبری وطن بدری کی کہانی صدیوں پر محیط ہے۔ [[1944ء]] اسی جبری وطن بدری کا تسلسل ہے۔ یہ سلسلہ [[1783ء]] سے شروع ہوا جب روس نے کریمیا پر قبضہ کیا۔ اس قتل عام اور جبری وطن بدری پر پردہ پوشی کی جاتی رہی مگر موجودہ دور میں روس کے ٹوٹنے کے بعد سوویت عہد کے خفیہ ادارے [[کے جی بی]] کی دستاویزات سامنے آنے سے اس ظلم سے کچھ پردہ ہٹا خصوصاً 1944ء اور اس کے بعد کے مظالم سامنے آئے۔ [[برائن گلن ولیمز]] کے مطابق روسی استعمار کے ظلم سے جو [[1783ء]] میں شروع ہوا، تاتاری اپنے ہی وطن میں ناپید ہونے لگے۔ تاتاریوں نے دو قسم کی ہجرت کی۔ ایک ہجرت کریمیا سے ان علاقوں کی طرف تھی جو اس وقت [[سلطنت عثمانیہ]] کاحصہ تھے۔ دوسری ہجرت پچھلی صدی میں روس کی باقی ریاستوں کی طرف ہوئی یہاں تک کہ تاتاری اپنے ہی وطن میں اقلیت بن گئے اور وہ کریمیا کی آبادی کا 13 فی صد رہ گئے۔ 1944ء اور اس کے بعد کریمیا کے لوگوں کی آبادی کو ریاستی اقدامات سے کم کیا گیا۔ اول تو تاتاریوں کو جبری طور پر روس کے دیگر علاقوں کو بھیجا گیا جن کی اکثریت کو جبری مشقت کے لیے سائیبیریا لے جایا گیا۔ دوم غیر کریمیائی لوگوں کو بھاری تعداد میں کریمیا میں بسایا گیا جس کے لیے کئی طریقے استعمال کیے گئے۔ کریمیا سے نکالے جانے والے لوگ مسلمان تھے اور بسائے جانے والے لوگ تمام کے تمام غیر مسلم تھے۔<ref>Brian Glyn Williams, The Crimean Tatars: the diaspora experience and the forging of a nation, BRILL, 2001, ISBN 90-04-12122-6, 9789004121225</ref>

== کریمیا کی ابتدائی تاریخ ==

{{مکمل مضمون|کریمیا}}
“جزیرہ نما کریمیا” [[قرون وسطی]] (Middle Ages)سے [[مئی]]، [[1944ء]] تک کریمیائی تاتاری باشندوں کا وطن رہا ہے۔ کریمیائی مسلمان کا تعلق [[ترک]] اقوام کے اُس گروہ سے تھا جو 13 ویں صدی میں [[باتو خان]] کے [[اردوئے زریں]] {{دیگر نام|انگریزی= Golden Horde}} کا حصہ تھے اور پھر انھوں نے کریمیا کو اپنا وطن بنایا۔ کریمیائی تاتاری [[اہل سنت|سنی]] مسلمان ہیں اور [[ترک زبانیں|ترکی زبان]] کا ایک لہجہ “قپچاق ترک” بولتے ہیں۔

=== ریاست کا قیام ===

{{مکمل مضمون|خانان کریمیا}}
[[پندرہویں صدی]] کے وسط میں یہاں کے مسلمان ایک زبردست قوت کے طور پر ابھرے اور [[1428ء]] میں انھوں نے ایک ریاست قائم کی جو [[خانان کریمیا|ریاستِ خانانِ کریمیا]] کہلاتی تھی۔ اِسے انگریزی میں [[خانان کریمیا|خانیت کریمیا]] کہتے ہیں۔ یہ ریاست [[1478ء]] میں [[سلطنت عثمانیہ]] کے زیرِ نگیں آ گئی اور [[1772ء]] میں روسی قبضے تک عثمانیوں کی زیرِ سیادت رہی۔

=== عثمانیوں کے زیر نگیں ===

[[سلطنت عثمانیہ]] کی سیادت میں جانے کے باوجود کریمیائی تاتاریوں کی ریاست کی حیثیت باجگزار کی نہیں تھی، بلکہ [[باب عالی|بابِ عالی]] اور خانان کے درمیان میں بہت خوشگوار تعلقات قائم ہوئے، منتخب سلطان کو [[قسطنطنیہ]] سے منظوری تو لینا پڑتی تھی تاہم وہ عثمانیوں کا مقرر کردہ نہیں ہوتا تھا۔ خانان کو اپنا سکہ چلانے اور [[جمعہ]] کے خطبے میں اپنا نام شامل کرنے کی بھی مکمل اجازت تھی، جو ان کی [[خود مختاری]] کی علامت سمجھی جاتی ہے۔ عثمانی عہد خانانِ کریمیا کا زرّیں دور تھا خصوصاً عسکری طور پر کوئی قوت ان کا سامنا نہیں کر سکتی تھی۔ کریمیائی طاقت کا اندازہ اس بات سے لگایا جا سکتا ہے کہ وہ پانچ لاکھ فوجیوں کا لشکر بھی میدان میں اتارنے کی صلاحیت رکھتے تھے۔ یہ ریاست بلاشبہ [[اٹھارہویں صدی|اٹھارویں صدی]] تک [[مشرقی یورپ]] کی بڑی قوتوں میں سے ایک تھی۔

=== کریمیائی تاریخ کا کریہہ باب ===

کیونکہ اسلامی تعلیمات اِن تاتاری مسلمانوں کی زندگیوں میں اچھی طرح راسخ نہ تھیں اس لیے انھوں نے اپنی اِس قوت کا ناجائز حد تک فائدہ اٹھایا۔ وہ محض غلاموں کے حصول کے لیے [[روس]] اور [[پولستان|پولینڈ]] کے علاقوں پر حملہ کرنے میں بھی تامل نہ کرتے، پھر ان غلاموں کو فروخت کر کے دولت سمیٹتے۔ یہ تاتاری مسلمانوں کی تاریخ کا ایک کریہہ باب ہے اور اس کے نتیجے میں قائم ہونے والے تاثر کے باعث ہی اشتراکی عہد میں جب ان پر مظالم ڈھائے گئے تو ان کے حق میں کوئی آواز نہ ابھری۔ تجارت کے علاوہ غلاموں کی واپسی کے لیے روس اور پولینڈ کی ریاستوں سے تاوان بھی وصول کیا جاتا تھا۔ یعنی انھوں نے غلاموں کی تجارت اور تاوان کی وصولی کو باقاعدہ معیشت بنایا ہوا تھا۔

=== کریمیائی تاتاریوں کی خدمات ===

اس امر کے باوجود کریمیائی تاتاریوں کی اسلامی علاقوں کے لیے سب سے بڑی خدمت یہ ہے کہ انھوں نے عرصۂ دراز تک مسلم علاقوں کی جانب روس اور پولینڈ کی پیش قدمی کو روکے رکھا اور شمالی جانب سے اسلامی سرحدوں کی بھرپور حفاظت کی۔ ان کی بھرپور قوت سے علاقے میں طاقت کا توازن برقرار رہا اور جب مسلمانوں کا زوال شروع ہوا تو طاقت کا یہی توازن بگڑا اور روس بپھرے ہوئے ریچھ کی طرح دولتِ اسلامیہ پر ٹوٹ پڑا۔
اس ریاست کا ایک اور کارنامہ یہ تھا کہ اس نے [[محل وقوع]] کے اعتبار سے انتہائی اہمیت کے حامل [[بحیرہ اسود]] میں طویل عرصے تک روسی اثر و رسوخ نہ بڑھنے دیا اور روس اور بحیرہ اسود کے درمیان میں ایک بہت بڑی رکاوٹ بن گئی۔ تجارت کو پھیلانے کے مواقع اور عسکری توسیع کی اسی خواہش نے روس کو کریمیا پر قبضہ کے لیے پرکشش بنادیا تھا۔ اسی لیے [[سترہویں صدی]] کے اواخر میں روس نے یہاں دو مرتبہ قبضہ کرنے کی کوشش کی لیکن ناکام رہا البتہ [[اٹھارہویں صدی|اٹھارویں صدی]] کے بالکل اوائل میں کچھ عرصہ کے لیے انھوں نے ایک اہم [[بندرگاہ]] پر قبضہ بھی کر لیا لیکن وہ زیادہ عرصہ برقرار نہ رہ سکا۔

== روسی قبضہ ==

{{مکمل مضمون|سقوط ترکستان}}

دوسری جانب سلطنت عثمانیہ کے تیز تر زوال کے باعث روسی سلطنت کو یہ سنہری موقع ملا کہ وہ تجارتی و عسکری توسیع کے لیے موقع سے فائدہ اٹھائے اور [[خانان کریمیا]] کی ریاست کو کچل دے۔ ترکی اور روس کے درمیان میں ہونے والی جنگوں کے سلسلے [[ترک روس جنگیں|ترک-روس جنگوں]] کے دوران میں ایک معاہدہ ([[معاہدۂ کوچک کناری]]) طے پایا جس کے تحت کریمیا کی ریاست عثمانی اثر سے باہر نکل گئی البتہ اس پر روسی سیادت قائم نہیں ہوئی لیکن چند ہی سالوں بعد ملکہ [[کیتھرین اعظم]] نے سلطنت عثمانیہ سے کيے گئے معاہدے کو بالائے طاق رکھتے ہوئے فوجی لشکر کشی کے ذریعے [[1783ء]] میں کریمیا کو روس میں شامل کر لیا۔

=== مسلمان اقلیت میں ===

اس فتح کے بعد کریمیا میں کچھ اس طرح کی صورت حال پیدا ہو گئی کہ محصولات میں زبردست اضافے، مذہب کی جبری تبدیلی اور غیر مقامی باشندوں کی آبادکاری کے باعث مسلمانوں کا رہنا وہاں دوبھر ہو گیا اور پھر اُن کی اکثریت سلطنت عثمانیہ کے مختلف علاقوں کی جانب ہجرت کر گئی۔ اِس نقل مکانی کا نتیجہ یہ نکلا کہ زار کے عہد میں ہی میں کریمیا میں مسلمان اقلیت میں بدل گئے۔

=== سقوط کریمیا ===

{{مکمل مضمون|سقوط کریمیا}}
کریمیا پر روسی قبضے کے بعد آبادی کا تناسب انتہائی تیزی سے بدلنا شروع ہو گیا۔ پہلے زمینوں پر جبری قبضے اور روسی آبادی کی آبادکاری کو کامیاب بنانے کے لیے مسلمانوں کی زمینوں پر جبری قبضہ کیا گیا اور مزاحمت کرنے والے 30 ہزار افراد کو موت کے گھاٹ اتار دیا گیا جن میں عورتیں اور بچے بھی شامل تھے۔ اس صورت حال میں وہاں آباد تاتاری باشندے ہجرت پر مجبور ہو گئے اور روسی قبضے کے محض 6 سالوں میں تین لاکھ تاتاریوں کو عثمانی سلطنت کے علاقوں کی طرف ہجرت کرنا پڑی۔ آپ مزید لکھتے ہیں کہ [[1860ء]] میں حالات ایک مرتبہ پھر خراب ہونے کے بعد ڈیڑھ لاکھ مزید تاتاری مسلم علاقوں کی جانب ہجرت پر مجبور ہوئے۔ اندازے کے مطابق روسی قبضے کے بعد کریمیا اور ملحقہ علاقوں سے ہجرت کرنے والے تاتاری مسلمانوں کی تعداد 20 لاکھ تک ہے۔ ان ہجرتوں کے نتیجے میں کریمیا اور ملحقہ تمام علاقہ جہاں 18 ویں صدی تک مسلمانوں کی اکثریت تھی، زار کے عہد میں بھی وہاں مسلمان اقلیت میں آ گئے۔ باقی جو آبادی رہ گئی [[دوسری جنگ عظیم|جنگ عظیم دوم]] کے بعد [[جوزف استالن]] کے دور میں مکمل طور پر کریمیا سے بے دخل کر دی گئی۔ کریمیا اور اس سے ملحقہ علاقوں سے جس بڑے پیمانے پر مسلم آبادی کا انخلا ہوا، وہ کسی طرح [[سقوط غرناطہ]] سے کم نہیں تھا، ہاں البتہ دونوں سانحات میں فرق یہ ہے کہ کریمیا کے تاتاری مسلمانوں کے بارے میں ہم بہت کم واقف ہیں۔<ref>“ترکی اور ترک”، ثروت صولت، اسلامک پبلیکیشنز لمیٹڈ، لاہور، فروری 1989ء</ref>

=== زار کے عہد میں ===

[[1771ء]] میں روس نے [[جزیرہ نما کریمیا]] میں در اندازی کی اور عثمانیوں سے ایک معاہدے کے تحت [[1772ء]] سے [[1783ء]] کے دوران یہ علاقہ اس کے زیر تحفظ رہا۔ [[1783ء|1783]] میں ملکہ [[کیتھرین ثانی]] نے عثمانیوں سے کیے گئے تمام تر معاہدوں کو بالائے طاق رکھتے ہوئے کریمیا کو براہ راست روسی قلمرو میں شامل کر لیا تھا۔

کریمیا اور ملحقہ علاقوں پر روسی قبضے کے بعد وہاں اس طرح کے حالات پیدا کیے گئے تاکہ مسلمان از خود علاقہ چھوڑنے پر مجبور ہو جائیں۔ اس کی وجوہات داخلی سے زیادہ خارجی تھیں۔ کیونکہ بحیرہ اسود میں بحری قوت کو مضبوط بنانا اور خصوصاً قسطنطنیہ پر قبضے کے ذریعے اپنے توسیع پسندانہ عزائم کو تقویت دینا روس کا پرانا خواب تھا اس لیے اپنی ‘منزل’ کو پانے کے لیے پہلی رکاوٹ یعنی کریمیا کو ہٹانا ضروری تھا اور یہ حکمت عملی صرف زار کے عہد میں ہی اختیار نہیں کی گئی بلکہ جب [[جنگ عظیم]] دوم میں فتح کے بعد توسیع پسندانہ عزائم کو مزید تحریک ملی تو اس خواب کی تعبیر کی ایک مرتبہ پھر کوشش کی گئی اور درحقیقت کریمیائی مسلمانوں کو جبری ہجرت پر مجبور کرنا اسی حکمت عملی کا نتیجہ تھا۔

اس سلسلے میں سب سے پہلا کام زراعت پر محصولات میں زبردست اضافے کے ذریعے کیا گیا جس کے بعد مذہب کی جبری تبدیلی کے ذریعے مسلمانوں کو زیر کرنے کی کوشش کی گئی جب دونوں حربے ناکام رہے تو آخری حربے کے طور پر غیر مقامی باشندوں یعنی [[سلافی نسل]] کے [[مسیحی]]وں کو آباد کرنا شروع کر دیا گیا اور اس پر طرّہ یہ کہ مقامی زمینیں ان نو آباد کاروں کو دے دی گئیں۔ اس سہ طرفہ زیادتی کے نتیجے میں مسلمانوں کی بڑی اکثریت اپنے ہم مذہب اور ہم نسل عثمانی علاقوں کی طرف ہجرت کر گئی جو معاشی طور پر بھی ان کے لیے فائدہ مند تو تھی لیکن اس جبری ہجرت کا نتیجہ یہ نکلا کہ کچھ ہی عرصے میں کریمیا مسلم اقلیتی علاقہ بن گیا اور محض 6 سال کے عرصے میں تین لاکھ مسلمانوں کو عثمانی علاقوں کی جانب ہجرت کرنا پڑی۔<ref>ترکی اور ترک، ثروت صولت، اسلامک پبلیکیشنز، لاہور، فروری 1989ء</ref>

== انقلاب روس اور ابتدائی خوشگوار دور ==

{{مکمل مضمون|انقلاب روس}}
اس کے باوجود جو مسلمان وہاں رہ گئے وہ ملوکیت کے جبر تلے گھٹ گھٹ کر جیتے رہے حتیٰ کہ روس میں انقلاب کی صدائیں نمودار ہونے لگیں۔ کریمیا کے مسلمانوں کے لیے مساوات اور مزدور دوستی کے نعرے بہت خوشگوار تھے اس لیے انھوں نے انقلابیوں کا بھرپور ساتھ دیا۔ جس کا نتیجہ یہ نکلا کہ بعد از انقلاب مسلمانوں کو اقلیت میں ہونے کے باوجود کریمیا میں خوب مراعات ملیں حتیٰ کہ موروثیانے کے عہد (Nativization) میں انھیں [[جزیرہ نما]] کریمیا کے اصل باشندے تک قرار دے دیا گیا۔<ref name=pohl2000>{{cite conference |url=http://www.iccrimea.org/scholarly/jopohl.html |title=The Deportation and Fate of the Crimean Tatars |first=Otto J. |last=Pohl |date=اپریل 2000 |conference=5th Annual World Convention of the Association for the Study of Nationalities: "Identity and the State: Nationalism and Sovereignty in a Changing World" |conference-url= |editor= |others= |volume= |edition= |book-title= |publisher= |location=[[کولمبیا یونیورسٹی]]، New York |access-date=6 اپریل 2015 |pages= |archiveurl=https://web.archive.org/web/20190107024357/http://www.iccrimea.org/scholarly/jopohl.html%20 |archivedate=2019-01-07 |url-status=live}}</ref>
=== مسلم بالشیوک کشیدگی کا آغاز ===

لیکن [[1930ء]] کی دہائی میں زراعت کو قومیانے کے عمل نے تاتاریوں کو اشتراکی حکومت سے برگشتہ کر دیا اورحکومت سے ان کے تعلقات کشیدہ ہونا شروع ہو گئے۔ یہ مسلمانوں پر معاشی صورت میں پہلی ضرب تھی کیونکہ مسلمانوں کا تمام تر انحصار زراعت پر تھا اور اسے قومیانے کا عمل معاشی طور پر تاتاریوں کے قتل عام کے مترادف تھا اس لیے اس کی زبردست مخالفت کی گئی جس کا نتیجہ یہ نکلا کہ کشیدگی کے باعث علاقے میں زراعت تباہ ہو کر رہ گئی اور [[1932ء]] میں علاقے میں زبردست قحط آیا، جسے یوکرین کا عظیم قحط کہا جاتا ہے، جس نے حکومت اور تاتاریوں کے درمیان میں رہی سہی امیدوں کا بھی خاتمہ کر دیا۔

استالن حکومت کا اگلا ہدف تاتاری ثقافت تھی جو [[1935ء]] میں زیر قبضہ علاقوں کو روسیانے کی پالیسی کا نشانہ بنی۔ اس سلسلے میں سب سے پہلے ان کے ثقافتی مراکز کو بند کیا گیا اور [[1935ء]] سے [[1938ء]] کے دوران میں کریمیائی تاتاری زبان کے 23 میں سے 14 جرائد و رسائل کو بندش کا سامنا کرنا پڑا<ref name="ReferenceA">Alan Fisher, The Crimean Tatars Stanford, CA: Hoover Institution, 1978</ref>۔ [[1937ء]] اور [[1938ء]] کے دوران میں کئی دانشوروں کو قتل کیا گیا<ref name="ReferenceA" />۔ قتل ہونے والے مسلمان دانشوروں میں [[ولی ابراہیموف]] اور [[بکر چوبان زادہ]] بھی شامل تھے۔

== دوسری جنگ عظیم ==

دوسری جنگ عظیم سے [[کریمیائی تاتار|کریمیا کے تاتاریوں]] کی تاریخ کا ایک اہم باب شروع ہوتا ہے کیونکہ اس کے دوران میں روسی اور جرمن دونوں جانب سے تاتاریوں نے جنگ میں حصہ لیا۔ [[نازی جرمنی]] نے [[1942ء]] میں کریمیا پر قبضہ کیا لیکن روس کی خفیہ فوج اور اس کے جنگجوؤں کی گوریلا کارروائیاں [[1944ء]] تک جاری رہیں جس کا مقابلہ کرنے کے لیے جرمنی نے مقامی آبادیوں کے تحفظ کے لیے کریمیائی تاتاری جنگی قیدیوں پر مشتمل ایک مزاحمتی گروپ تشکیل دیا اور یہی وہ جرم تھا جس کی بنیاد پر [[کریمیائی تاتار|کریمیا کے تاتاریوں]] کو تاریخ کے بدترین مظالم کا سامنا کرنا پڑا۔ جنگی قیدیوں نے محض اس بنیاد پر مزاحمتی گروپ میں شمولیت پر رضامندی کا اظہار کیا کہ انھیں کیمپوں کی زندگی سے چھٹکارا ملا اور بہتر غذائی سہولیات بھی میسر آئیں۔<ref name=pohl2000 /><ref>Aleksandr Nekrich, trans. George Saunders, ''The Punished Peoples: The Deportation And Fate of Soviet Minorities at the End of the Second World War''، (New York, W.W. Norton, 1979)، p. 26.</ref><ref name=pohlc>{{cite web|last1=Pohl|first1=Otto J.|title=The False Charges of Treason Against the Crimean Tatars|url=http://www.academia.edu/4836303/The_False_Charges_of_Treason_Against_the_Crimean_Tatars|publisher=International Committee For Crimea|accessdate=6 اپریل 2015|date=2010|archiveurl=https://web.archive.org/web/20190107024336/http://www.academia.edu/4836303/The_False_Charges_of_Treason_Against_the_Crimean_Tatars|archivedate=2019-01-07|url-status=live}}</ref>

کریمیائی تاتاریوں کے حوالے سے لکھی گئی ایلن فشر کی مشہور کتاب (“The Crimean Tatars”) کے مطابق بحیثیت مجموعی ان گوریلوں کی تعداد تقریباً 20 ہزار تھی<ref name="ReferenceA" />۔ جبکہ ان کی مدمقابل روسی افواج میں شامل کریمیائی باشندوں کی تعداد اس سے کہیں زیادہ تھی۔ روسی افواج میں کریمیائی تاتاریوں کی تعداد کا ذرا سا اندازہ اس بات سے بھی لگایا جا سکتا ہے کہ جنگ کے بعد تاتاری نسل کے 8 فوجیوں کو "قہرمانِ سوویت اتحاد" (انگریزی: Hero of the Soviet Union) جیسا اعلیٰ اعزاز بھی عطا کیا گیا۔

اشتراکی روس کے لیے اپنے ہی ملک کی آبادی کا دشمن کے ساتھ مل جانا بہت بڑا صدمہ تھا اس لیے بحیثیت مجموعی پوری کریمیائی تاتاری قوم کو اس کی کڑی سزا دینے کا فیصلہ کیا گیا اوراس سے کسی کو مستثنیٰ قرار نہیں دیا گیا۔ اس سلسلے میں پہلا قدم [[1942ء]] میں اٹھایا گیا جب جرمن، رومانیوں اور یونانیوں کے علاوہ کریمیائی تاتاریوں کے بھی روس میں داخلے پر پابندی عائد کر دی گئی اور ان کی تمام آبادیوں کو خالی کرا دینے کے احکامات صادر کیے گئے۔

ویسے تو روس کے کئی علاقوں سے مسلمانوں کو جبری ہجرت کرائی گئی لیکن ان میں سے بیشتر دیہی علاقوں کے رہنے والے تھے لیکن کریمیا کے تاتاری ایک جیتی جاگتی ثقافت رکھتے تھے اور ان کی آبادی کی بڑی تعداد شہری علاقوں میں رہتی تھی <ref>Pavel Polian, Against their Will, History and Geography of Forced Migrations in USSR, Central European University Press, 2004</ref> اور [[جدیدیت]] کی جو تحریک زار روس کے آخری ایام میں روس میں اٹھی تھی اس کی جنم بھومی بھی کریمیا اور [[قازان]] تھے۔ [[اسماعیل گسپرالی]] جیسے عظیم رہنما بھی کریمیائی تاتاری تھے جو اپنے کارناموں کے باعث بلاشبہ “روس کے سرسید” کہلانے کے قابل ہیں۔

== دور ابتلا ==

[[11 مئی]]، [[1944ء]] کو جب روس کی “[[سرخ فوج|سرخ افواج]]” نے جزیرہ نما کریمیا میں آخری جرمن مقبوضہ علاقوں کو دوبارہ حاصل کیا تو اسی روز جوزف استالن کے دستخط کے ساتھ ایک پروانہ (GKO resolution N5859ss)جاری کیا گیا جس میں کریمیائی تاتاریوں کی مکمل آبادی کی جبری طور پر [[ازبکستان]] بے دخل کرنے کا حکم دیا گیا تھا۔ اس اہم کام کا بیڑا خفیہ پولیس [[داخلہ امور کی عوامی کمیساریت]] کے بدنام زمانہ سربراہ [[لیورنتی بیریا]] اور عوامی رسد رساں برائے ذرائع نقل و حمل (NKPS) کے جلاد صفت سربراہ [[لازار کاگانووِچ]] کو سونپے گئے۔ حکم نامے کے تحت [[کریمیائی تاتار]] باشندوں کے گھر، فرنیچر، پالتو جانور اور زرعی زمین و پیداوار روسی حکومت کی ملکیت قرار دی گئی اور ہجرت کرنے والے ہر خاندان کو زیادہ سے زیادہ 500 کلو سامان اٹھانے کی اجازت دی گئی۔ حالانکہ قرارداد کے تحت انھیں گھر کے بدلے میں زر تلافی ادا کیا جانا تھا لیکن حقیقت یہ ہے کہ کسی ایک باشندے کو معمولی ادائیگی بھی نہیں کی گئی۔ حتیٰ کہ [[1956ء]] میں روسی حکومت نے واضح و باقاعدہ اعلان کر دیا کہ وہ جبری ہجرت کے دوران میں جائداد سے محروم ہو جانے والے کسی بھی کریمیائی باشندے کو کوئی زر تلافی ادا نہیں کرے گی لیکن جائداد کا کھو جانا ان مسلمانوں کے لیے اتنا بڑا المیہ نہیں تھا جتنا ان کی قومی شناخت اور آبائی زمین چھین لینا تھا۔

20 ہزار کریمیائی گوریلوں کی بڑی تعداد نے تو شکست کے بعد جرمنی میں پناہ حاصل کر لی لیکن مسلمانوں کی بڑی تعداد اب بھی جزیرہ نما میں موجود تھی اور جب قرارداد کی صورت میں ہجرت کا پروانہ جاری ہوا تو بیشتر مسلم آبادی عورتوں اور بچوں پر مشتمل تھی۔<ref>Brian Glyn Williams, A Homeland Lost. Migration, the Diaspora Experience and the Forging of Crimean Tatar National Identity (Ph.D. diss.، University of Wisconsin, 1999)</ref> اشتراکیوں نے بلا تخصیص تمام مسلمانوں کو ایسی ٹرینوں میں ٹھونس دیا جن میں شاید جانوروں کو بھی سفر نہ کرایا جاتا ہو۔ جبری ہجرت کا نشانہ بننے والوں میں بچوں، عورتوں اور بزرگوں کے علاوہ کمیونسٹ پارٹی کے اراکین اور سابق فوجی بھی شامل تھے، جن کا واحد ‘قصور’ یہ تھا کہ وہ ‘باغی’ مسلمان تھے۔<ref name=pohl2000 />

== جبری ہجرت ==

جبری بے دخلی کا یہ آپریشن روس کے NKVD کے دستوں نے کیا جنھوں نے بغیر کو پیشگی نوٹس دیے قصبوں اور دیہات کو خالی کرانا شروع کر دیا اور کریمیا میں تاتاری باشندوں کو صرف پندرہ منٹ میں اپنے گھر خالی کرنے کے احکام دیے گئے۔<ref name="massviolence1">{{cite web|url=http://www.massviolence.org/Surgun-The-Crimean-Tatars-deportation-and-exile?artpage=1#outil_sommaire_0|title=Sürgün: The Crimean Tatars’ deportation and exile|work=[[Online Encyclopedia of Mass Violence]]، ISSN 1961-9898|publisher=Massviolence.org|author=Aurélie Campana|date=16 جون 2008|accessdate=2014-03-25|archiveurl=https://web.archive.org/web/20190109214520/http://www.sciencespo.fr/mass-violence-war-massacre-resistance/?artpage=1#outil_sommaire_0|archivedate=2019-01-09|url-status=live}}</ref><ref>Ayshe Seytmuratova, ‘The Elders of the New National Movement: Recollections’، in Edward A. Allworth (ed.)، The Tatars of Crimea: Return to the Homeland (Durham, N.C.، and London: Duke University Press, 1998)، pp. 155-179; 155</ref><ref>{{cite news|url=http://www.voanews.com/english/news/a-13-2009-05-18-voa21-68734727.html|title=Ukraine to Investigate Crimean Tatar Deportation|date=18 مئی، 2009|work=[[وائس آف امریکا]]|accessdate=17 مئی 2011|archiveurl=https://web.archive.org/web/20190107024340/https://www.voanews.com/a/a-13-2009-05-18-voa21-68734727/410007.html|archivedate=2019-01-07|url-status=live}}</ref>

ہر مرد بچے اور عورت کو جانوروں کے ڈھونے والی گاڑیوں میں لاد دیا گیا اور ٹرینوں کے ذریعے ازبکستان جا کر چھوڑ دیا گیا۔ دوران میں سفر غذا اور پانی کی کمی اور صفائی ستھرائی کے انتظامات نہ ہونے کے باعث 45 فیصد افراد رستے میں ہی لقمہ اجل بن گئے۔ نئے مقامات پر پہنچنے کے بعد انھیں خالی و بنجر میدانوں میں لے جا کر چھوڑ دیا گیا جہاں کسی قسم کی رہائش گاہیں نہیں تھیں یوں وہ مکمل طور پر مقامی حکومتی عہدے داروں کے رحم و کرم پر تھے اور خیراتی اداروں کے محتاج ہو گئے۔<ref name="ReferenceB">The Cambridge History of Russia, Volume III – The Twentieth Century page no. 502</ref>

وسط ایشیا کی جانب بے دخل کیے گئے ان مہاجرین کی حالت انتہائی ناگفتہ بہ تھی۔ اس ‘دہشت گردی’ کا ایک واضح پہلو “کھلی نسل پرستی” تھا۔ زیر عتاب قومیت سے تعلق رکھنے والے ہر فرد کو بلا تخصیص رویہ، ماضی و طبقہ اس “جرم” کی سزا دی گئی حتیٰ کہ کمیونسٹ پارٹی کے سیکرٹریوں کے ساتھ ساتھ فنکاروں، مزارعوں اور کارکنوں کو بھی جبراً علاقے سے بے دخل کر کے عقوبت گاہ نما کیمپوں میں مقید کر دیا گیا۔<ref>Peter Kenez, A History of the Soviet Union from the Beginning to the End, Cambridge University Press, page no. 148</ref>

روسی دستاویزات کے مطابق [[مارچ]] [[1949ء]] میں کی گئی [[مردم شماری]] میں 9 ہزار ایسے کریمیائی تاتاری نکلے جو [[سرخ فوج]] میں خدمات انجام دے چکے تھے جن میں 534 افسران، 1392 سارجنٹ اور 7079 عام فوجی تھے۔ 742 کمیونسٹ پارٹی اراکین بھی ہجرت پر مجبور کیے گئے۔<ref name=documents>[http://www.istpravda.com.ua/articles/2012/05/17/85887/ Order on deportation of Tatars and transformation of Crimea into a province. Documents]۔ [[Ukrayinska Pravda]]۔ 17 مئی، 2014</ref>

صرف یہی بات کریمیائی مسلمانوں پر تاریخ کا عظیم ترین ظلم کرنے کے لیے کافی گردانی گئی کہ ان کے ایک چھوٹے سے گروہ نے بیرونی جارحیت کا ساتھ دیا اور استالن اور این کے وی ڈی کے سربراہ لیورینتی بیریا کے ہاتھوں یہ سزا پوری قوم کا مقدر ٹھیری۔<ref>Aleksander Nekrich, The Punished Peoples: The Deportation and Fate of Soviet Minorities at the End of the Second World War (New York: Norton, 1978)</ref>

== روس بھر میں مسلمانوں کا قتل عام ==

ملک بھر میں “مادر وطن سے غداری” کے الزام میں جن افراد کو موت کا سامنا کرنا پڑا ان میں سب سے اہم 20 لاکھ روسی مسلمانوں کا قتل عام ہے جن میں چیچن، انگش، کریمیائی تاتاری، [[تاجک لوگ|تاجک]]، [[باشکر]] اور [[قازق]] شامل ہیں۔ آج [[چیچنیا]] میں آزادی کی جنگ لڑنے والے جانباز سوویت عقوبت گاہوں سے بچنے والے افراد ہی کی اولاد ہیں۔

استالن کے دور میں اپنے ہی عوام پر مسلط کی گئی اس جنگ میں خفیہ پولیس کے اسکواڈ کو جماعت مخالف عناصر کے خاتمے کا حکم دیا گیا اور اسٹالن کے مقرر کردہ جلاد لازار کاگانووِچ نے فی ہفتہ 10 ہزار افراد کے قتل کا ہدف مقرر کر رکھا تھا۔ اس عظیم قتل عام میں یوکرین سے تعلق رکھنے والے اسی فیصد دانشوروں کو قتل کیا گیا۔ [[1932ء]] اور [[1933ء]] کی سخت سردیوں میں یوکرین میں ہر روز 25 ہزار افراد روسی افواج کی گولیوں یا بھوک و سردی سے موت کا نشانہ کنتے۔ مورخ [[رابرٹ کوئسٹ]] کے مطابق یوکرین ایک بڑے مذبح خانے کا منظر پیش کر رہا تھا۔

معروف صحافی [[ایرک مارگولس]] [[1998ء]] میں یوکرین کی انہی اقوام گم گشتہ پر قلم اٹھایا۔ (“The Forgotten Genocide”) میں وہ کہتے ہیں کہ روس بھر میں 70 لاکھ افراد کے اس عظیم قتل عام اور 20 لاکھ افراد کی جلاوطنی کو سوویت پروپیگنڈے کے پردوں میں چھپایا گیا۔ ان میں 30 لاکھ مسلمان بھی شامل تھے جن میں 15 لاکھ کریمیائی اور قازق تھے۔ اس عظیم قتل عام پر بھی ان لوگوں کی یاد میں کوئی “ہولوکاسٹ یادگار” قائم نہیں کی گئی۔

مارگولس کمیونسٹ نواز مغربی دانشوروں کا بھی رونا روتے ہیں کہ انھوں نے روسیوں کے ہاتھوں اس قتل عام کا اقرار نہیں کیا بلکہ اس کے خلاف آواز اٹھانے والوں کو فاشسٹ ایجنٹ کہا۔ امریکی، برطانوی اور کینیڈا کی حکومتوں نے علم ہونے کے باوجود اپنی آنکھیں بند رکھیں حتی کہ امدادی گروپوں کو بھی یوکرین جانے سے روکا گیا۔

وہ کہتے ہیں کہ جب دوسری جنگ عظیم کا آغاز ہوا اور امریکی صدر [[فرینکلن ڈی روزویلٹ|روزویلٹ]] اور برطانوی [[وزیر اعظم]] [[ونسٹن چرچل|چرچل]] نے استالن سے قربتیں بڑھائیں، اس امر کا علم ہونے کے باوجود کہ اس کے ہاتھ کم از کم 30 لاکھ افراد کے خون سے رنگے ہیں اور یہ واقعہ اس وقت کا ہے جب ہٹلر نے یہودیوں کے قتل عام کا آغاز بھی نہ کیا تھا۔ تو پھر حیرت ہوتی ہے کہ یہودیوں کے قتل عام کا اتنا واویلا کیوں کیا گیا اور جرمنوں کو مورد الزام ٹھیرا کر اس کا خراج مسلمانوں سے کیوں وصول کیا گیا؟

اسٹالن نے ہٹلر سے تین گنا زیادہ افراد کا قتل کیا اور برطانیہ اور امریکا کا روس کے ساتھ اتحاد کرنا دراصل اس قتل عام میں شرکت کے مترادف تھا۔

== ذرائع ابلاغ کا پروپیگنڈہ ==

حیرت کی بات یہ ہے کہ سوویت مظالم پر پردہ ڈالنے کی اتنی بھونڈی کوششیں کی گئیں کہ [[ژاں پال سارتر]] اس امر تک سے منکر ہو گئے کہ [[گولاگ]] (بطور سزا جبری مشقت کا سوویت طریقہ، انگریزی: Gulag) کا وجود بھی ہے اور وہ اسے [[ذرائع ابلاغ]] کا پروپیگنڈہ قرار دیتے رہے۔ اتحادیوں کے لیے صرف [[نازی ازم]] ہی سب سے بڑا شیطان تھا اور اس کے لیے انھوں نے یہودیوں کے قتل عام “[[مرگ انبوہ|ہولوکاسٹ]]” کی ترویج کا سہارا لیا اور اس کو اتنا بڑھا چڑھا کر بیان کیا گیا کہ روسیوں کے ہاتھوں کیے گئے قتل عام کہیں چھپ گئے۔ یہودی اپنے عظیم قتل عام کو تاریخ کا منفرد ترین واقعہ سمجھتے ہیں حالانکہ ان سے چند سال قبل روسی علاقوں کے مسلمان کا ان سے کہیں زیادہ منظم قتل عام کیا گیا۔<ref name=williams401>{{cite book|last1=Williams|first1=Brian Glyn|title=The Crimean Tatars: The Diaspora Experience and the Forging of a Nation|date=2001|publisher=BRILL|isbn=9789004121225|page=401|url=https://books.google.co.uk/books?id=S8YakB12QEUC&printsec=frontcover&source=gbs_ge_summary_r&cad=0#v=onepage&q&f=false}}</ref>

ادبی و ابلاغی سطح پر حتی کہ فلموں میں بھی یہودیوں کے قتل عام کو نمایاں جگہ دی جاتی ہے۔ یوکرین میں قتل عام کی تصاویر بھی بہت کم موجود ہیں اور اس سے بچنے والے افراد بھی۔ روس نے اپنے کسی جلاد صفت قاتل پر کوئی مقدمہ نہیں چلایا جیسا کہ جرمنی نے کیا۔

اسی پروپیگنڈے سے متاثر ہو کر اب لوگوں کی بڑی تعداد نازی قاتلوں [[ایڈولف ایش مان]] اور [[ہنرخ ہیملر]] اور [[بابی یار]] کے بارے میں تو جانتی ہے لیکن اشتراکی جلادوں [[زیرزنسکی]]، [[کاگانووچ]]، [[یاگودا]]، [[یے زوف]] اور [[بیریا]] کے بارے میں کون جانتا ہے؟ [[آشوٹز]] اور دیگر قتل گاہوں کا علم رکھنے والے کتنے لوگ [[مگادان]]، [[کولیما]] اور [[وورکوتا]] کی عقوبت گاہوں کے بارے میں جانتے ہیں؟ نازی شیطانیت کے بارے میں ایک کے بعد ایک فلم جاری کی جاتی ہے لیکن روسی مظالم پر کتنی فلمیں بنائی گئیں؟

== مرے وطن تیری جنت میں۔۔۔۔! ==

[[نکیتا خروشچیف]] کو اپنی حکومت کے ابتدائی دنوں میں اسٹالن کے بد ترین جرائم سے نمٹنا تھا جو عدم استالیانے (Destalinization) کا عہد کہلاتا ہے۔ جبراً بے دخل کی جانے والی اقوام کی آبائی علاقوں کی جانب واپسی کا مطالبہ بھی زور پکڑتا جا رہا تھا اور حکومت کے لیے یہ ایک بڑا درد سر تھا کیونکہ ان افراد کی آبائی علاقوں کی جانب واپسی نسلی بنیادوں پر نئے تنازعات اور فسادات کا باعث بن سکتی تھی۔ جبراُ بے دخل کیے گئے افراد کی ملکیت اور رہائش گاہیں اب دوسرے لوگوں کے زیر تصرف تھیں۔ [[1957ء]] میں جب چیچن، انگش، کراچئی اور بلکار قوموں کے باشندوں کو [[قفقاز]] واپسی کی اجازت دی گئی تو انھیں نوآبادکار روسی باشندوں کی جانب سے مزاحمت کا سامنا کرنا پڑا اور [[1958ء]] میں [[گروزنی]] نسلی فسادات کا نشانہ بنا۔

انہی اقوامِ گم گشتہ میں سے کریمیا کے تاتاری باشندے بھی شامل تھے جن کی [[خود مختار ریاست]] کا خاتمہ کر کے ان کی رہائش گاہیں اور ملکیتیں تک روسی اور یوکرینی باشندوں تقسیم کر دی گئیں۔ [[1950ء]] کے اواخر میں بیشتر اقوام کو نام نہاد جرائم سے بری قرار دیتے ہوئے انھیں اپنے آبائی علاقوں میں رہنے کی اجازت دی گئی لیکن کریمیا کے مسلمانوں کو اس امر کی اجازت نہ دی گئی کہ وہ اپنی آبائی سرزمین پر جا کر رہائش اختیار کریں۔ حتیٰ کہ روس کا خاتمہ قریب آن پہنچا۔ جب [[1989ء]] کے اواخر میں کریمیائی مسلمانوں کے چند ابتدائی خاندان واپس جزیرہ نما پہنچے۔<ref name="ReferenceB" /> ان افراد میں معروف کریمیائی رہنما [[مصطفٰی عبد الجمیل قرم اوغلو]] ([[مصطفٰی جمیلوف]]) بھی شامل تھے۔ آج جزیرہ نما پر بسنے والے کریمیائی تاتاری باشندوں کی تعداد تقریباً 250،000 ہے۔<ref>“Repatriation of the Crimean Tatars,” Forced Migration Monitor, no. 13, ستمبر 1996</ref>

یہ تاتاریوں کی اس پرامن جدوجہد کا نتیجہ ہے جو انھوں نے دہائیوں تک جاری رکھی۔ اس دوران میں انھوں نے کریمیائی تاتاریوں کی آبائی سرزمین پر واپسی کے لیے ایک دستخطی مہم بھی چلائی جس میں 30 لاکھ افراد نے دستخط کیے۔<ref>The Cambridge History of Russia, Vol. III، page no. 229 – 230</ref>

== تحقیقات کا آغاز ==
[[فائل:Deportation of the Crimean Tatars ur.svg|تصغیر|کریمین تاتاروں کی ملک بدری کی برسی کی علامت]]

اب [[یوکرین]] کی حکومت نے سوویت جرائم کی تحقیقات کے لیے ایک خصوصی یونٹ تشکیل دیا ہے جو [[قومی سلامتی]] کے ادارے کے ماتحت ہوگا۔ گو کہ تحقیقات کے نتیجے میں کسی کو سزا ملنے کا کوئی امکان نہیں کیونکہ اس انسانی جرم کے مرتکب افراد میں سے کوئی بھی زندہ نہیں لیکن پھر بھی مصطفٰی عبد الجمیل کے مطابق اس جرم کی مکمل تصویر عوام کے سامنے لانے کے لیے تحقیقات کی اہمیت بہت زیادہ ہے۔
کریمیا کے تاتاری ہر سال [[19 مئی]] کو اِس جبری ہجرت کی یاد میں دن مناتے ہیں۔ اس موقع پر دنیا بھر میں مقیم کریمیائی تاتاریوں کی پرامن ریلیاں منعقد ہوتی ہیں۔ کریمیائی تاتاریوں کا اس قتل عام کو [[مرگ انبوہ]] قرار دینے کے علاوہ یہ بھی مطالبہ ہے کہ روس اس قتل عام و جبری ہجرت پر معافی مانگے۔<ref>[http://www.topix.com/forum/world/russia/T9U1JMDSNG2E7JDJP Russia Should Compensate Crimean Tatars for WWII Genocide]</ref>

== کتابیات ==
* [[ثروت صولت]]، ''ترکی اور ترک''، اسلامک پبلیکیشنز، لاہور
* [[آباد شاہ پوری]]، ''روس میں مسلمان قومیں''، اسلامک پبلیکیشنز، لاہور
* Alan W. Fisher: The Crimean Tatars, Hoover Press, 1978, ISBN 0-8179-6662-5, 9780817966621
* Pavel Polian, Against their Will, History and Geography of Forced Migrations in USSR, Central European University Press, 2004
* Allworth, Edward A. (ed.): The Tatars of Crimea: Return to the Homeland (Durham, N.C.، and London: Duke University Press, 1998)۔
* Aleksander Nekrich: The Punished Peoples: The Deportation and Fate of Soviet Minorities at the End of the Second World War (New York: Norton, 1978)، pp.&nbsp;13–35
* Peter Kenez: A History of the Soviet Union from the Beginning to the End, Cambridge University Press, New York, ISBN 978-0-521-68296-1
* Dominic Lieven, The Cambridge History of Russia, Vol. II – Imperial Russia, 1689–1917, Cambridge University Press, New York, ISBN 978-0-521-81529-1
* Ronald Grigor Suny, The Cambridge History of Russia, Vol. III – The Twentieth Century, Cambridge University Press, New York, ISBN 978-0-521-81144-6
* The Hidden Ethnic Cleansing of Muslims in the Soviet Union: The Exile and Repatriation… Williams Journal of Contemporary History.2002; 37: 323-347
* Ayshe Seytmuratova, ‘The Elders of the New National Movement: Recollections’، in Edward A. Allworth (ed.)، The Tatars of Crimea: Return to the Homeland (Durham, N.C.، and London: Duke University Press, 1998)
* Brian Glyn Williams, The Crimean Tatars: the diaspora experience and the forging of a nation, BRILL, 2001, ISBN 90-04-12122-6, 9789004121225

== حوالہ جات ==
{{حوالہ جات|2}}

== بیرونی روابط ==
* [http://www.loc.gov/exhibits/archives/l2tartar.html State Defense Committee Decree No. 5859ss, "On the Crimean Tatars"، 11 مئی، 1944] (retrieved ستمبر 24, 2015)
** Decree 5859ss in Russian: [http://www.memorial.krsk.ru/DOKUMENT/USSR/440511.htm ГКО № 5859-сс]{{wayback|url=http://www.memorial.krsk.ru/DOKUMENT/USSR/440511.htm |date=20180818115603 }} (retrieved ستمبر 24, 2015)
* [http://surgun.org/ surgun.org "Kırım Sürgünü"] {{tr icon}}، A Turkish website dedicated to the Crimean Tatar deportation (retrieved ستمبر 24, 2015)
* [http://www.iccrimea.org/surgun60.html Surgun: Deportation of Crimean Tatars] [[International Committee for Crimea]] (retrieved ستمبر 24, 2015)

[[زمرہ:انسانیت کے خلاف جرائم]]
[[زمرہ:تاریخ روس]]
[[زمرہ:تاریخ کریمیا]]
[[زمرہ:جبری ہجرت]]
[[زمرہ:جلاوطنی]]
[[زمرہ:سوویت اتحاد میں اسلام]]
[[زمرہ:سوویت یونین میں جبری ہجرت]]
[[زمرہ:قتل عام]]
[[زمرہ:کامنز زمرہ جس کا ربط ویکی ڈیٹا پر ہے]]
[[زمرہ:مرگ انبوہ]]
[[زمرہ:نسل کشیاں]]
[[زمرہ:یورپ میں نسل کشیاں]]
[[زمرہ:یورپ میں نسلی صفایا]]
[[زمرہ:مسلمانوں پر مظالم]]
[[زمرہ:مسلمانوں کے خلاف تشدد]]
[[زمرہ:سوویت یونین میں 1944ء]]
[[زمرہ:نسلی ایذا رسانی]]
[[زمرہ:کریمیائی تاتار قوم]]
[[زمرہ:جوزف استالن]]