اولیہ (حیاتیات)

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

اولیہ کا لفظ سالماتی حیاتیات میں DNA کے ایک چھوٹے سے ٹکڑے کیلیۓ استعمال ہوتا ہے جسکو PCR کے عمل میں DNA کی تضخیم (amplification) کی ابتداء کرنے کیلیۓ استعمال کیا جاتا ہے۔ عموما اولیہ ، 20 تا 25 نیوکلیوٹائڈ پر مشتمل ایک مکثور سالمہ (polymer) ہوتا ہے۔ اولیہ کو انگریزی میں primer کہتے ہیں۔

اوپر بیان کردہ اولیہ کی تعریف میں شامل الفاظ کی وضاحت
  1. اولیہ : یہ لفظ اول سے ماخوذ ہے۔ اور PCR کے دوران DNA تضخیم شروع کرنے والا اولین سالمہ ہونے کی وجہ سے اولیہ کہلاتا ہے۔
  2. تضخیم : یہ لفظ ضخیم سے ماخوذ ہے جو وراثیات میں DNA میں اضافہ (amplification) کیلیۓ استعمال ہوتا ہے
  3. مکثورہ : کثیر سے ماخوذ لفظ جو کہ polymer کے مفہوم کا اردو متبادل ہے

تخلیق (مراحل کے لیۓ مطلقہ شکل کے عداد)[ترمیم]

اولیہ کی تیاری کے مراحل : اعداد کیلیۓ ، تخلیق کا بیان دیکھیۓ

اولیہ کو کیمیائی طور پر تخلیق کرنے کا عمل انتہائی پیچیدہ ہے جسکا یہاں اخلاص درج کیا جا رہا ہے ۔

  • ایک '3-ہائڈروآکسی نیوکلیوسائڈ کو کنٹرولڈ پورگلاس (CPG) پر چسپاں کیا جاتا ہے ، اسکا '5-ہائڈروآکسائل ایک سالمے بنام ڈائی میتھوکسی ٹرائیٹائل (DMT) کے زریعے ڈھانک کر اسکو کیمیائی عمل سے روک دیا جاتا --- شکل مرحلہ 1 --- ہے تاکہ پرائمر کی زنجیری تخلیق کو کنٹرول میں رکھا جاسکے
  • اب اس پہلے مالیکول پر دوسری نیوکلیوٹائڈ کو جوڑنے کی خاطر DMT کو کیمیائی عمل سے ہٹادیا جاتا ہے --- شکل مرحلہ 2 --- تاکہ CPG پر پیوست شدہ پہلی نیوکلیوسائڈ کا '5-ہائڈروآکسائل، نئی داخل کی جانے والی دوسری نیوکلیوٹائڈ سے کیمیائی بند (chemical bond) بناسکے --- شکل مرحلہ 3 ---
  • اس نئی داخل کی جانیوالی نیوکلیوٹائڈ کا '5-ہائڈروآکسائل سرا بھی DMT کے زریعے ڈھانپا گیا ہوتا ہے --- شکل مرحلہ 4 --- تاکہ کوئی بے قابو ، تیسری نیوکلیوٹائڈ غیرضروری طور پر داخل نہ ہو سکے اور صرف ایک ہی (مطلوبہ) نیوکلیوٹائڈ کا اضافہ ہو --- شکل مرحلہ 5 ---
  • اسی طرح ہر نئی نیوکلیوٹائڈ کا اضافہ کرنے کیلیۓ اس عمل کو دہرایا جاتا ہے اور یوں ایک ایک کرکے پرائمر کی طے شدہ متوالیت (sequence) کے مطابق 20 تا 25 نیوکلیوٹائڈ کو کیمیائی بند کے زریعے جوڑ جوڑ کر مکمل پرائمر (اولیہ) بنایا جاتا ہے
اوپر بیان کردہ تخلیقی طریقہءکار کے سے اندازہ لگایاجاسکتا ہے کہ اولیہ دراصل ایک طرح کا مصنوعی متوالیہ ہے۔

استعمالات[ترمیم]

  1. DNA متوالیتگری (سیکونسنگ)
  2. ہائبرڈائزیشن پروب
  3. مکثورخامری زنجیری تعامل (پولیمریز چین ری ایکشن)
متوالیتگری کو DNA کی پٹی (strand) میں موجود نیوکلیوٹائڈ کی ترتیب (متوالیت) معلوم کرنے کیلیۓ استعمال کیا جاتا ہے۔ PCR کے زریعے ڈی این اے کے قلیل مقدار کو بڑھا کر اسمیں اضافہ کیا جاتا ہے۔ جبکہ ہائبردائزیشن پروب کا طریقہ بھی سالماتی حیاتیات میں RNA اور DNA کی تحقیق کیلیۓ بکثرت استعمال کیا جاتا ہے۔

طوالت[ترمیم]

جیسا کہ اوپر بھی بیان کیا گیا کہ عام طور پر اولیہ کی طوالت 20 تا 25 قاعدہ ہوتی ہے ، طویل اولیۓ بعض اوقات 50 قاعدوں تک بھی تیار کیۓ جاتے ہیں۔

تصمیم اولیہ (نموناگری / ڈیزائن)[ترمیم]

تصمیم اولیہ (Perimer designing) میں سب سے اہم عنصر اولیہ کی طوالت ہوتی ہے اور اسی پر اسکی حرارت پگھلاؤ (melting temperature) کا زیادہ انحصار ہوتا ہے۔

حرارت پگھلاؤ ---- کسی اولیہ کا وہ درجہ حرارت ہوتا ہے کہ جس پر پہنچ کر وہ ڈی این اے سے الگ ہوجاتا ہے ، جبکہ اس درجہ حرارت سے نیچے وہ ڈی این اے سے جڑ جاتا ہے۔