سنگی طباعت

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
میونخ میں نقشہ جات چاپنے والا ایک سنگی طبع خانہ

سنگی طباعت یا مختصراً سنگطباعت (lithography)، طباعت کا ایک طریقہ ہے جس میں چھپائی کیلئے مکمل ہموار سطح والی تال یا پتھر کا استعمال کیا جاتا ہے.


تسمیات[ترمیم]

سنگ فارسی زبان کا لفظ ہے جس کی معنی پتھر کے ہیں. سنگی سے مُراد پتھر کا، پتھر سے بنا یا پتھر کا کام کرنے والا وغیرہ. طباعت عربی زبان کا لفظ ہے جس کا مطلب ہے چھاپنا، چھپائی یا چھاپ. لہٰذا، سلیس اُردو میں سنگی طباعت کا مطلب ہے ‘‘پتھر کا چھاپ’’ [1].


تاریخ و تفصیل[ترمیم]

لیتھو گرافی طریق طباعت سن ۱۷۹۶ میں ایجاد ہوا اس نظام طباعت کا موجد ایلویس سیلیفینڈر تھا ۔ اس نظام کی خوبی یہ تھی کہ یہ انتباہی سستہ تھا ۔ لیتھو لاطینی زبان میں پتھر کو کہتے ہیں۔یہی وجہ ہے کہ طباعت کے اس طریقہ کار کا لیتھو گرافی کہا جاتا ہے کیوں کہ شروع میں اس طریق کار میں ایک ہموار پتھر کے ذریعے طباعت کا کام کیا جاتا تھا ۔

سائنسی اساس[ترمیم]

لیتھو گرافی کی بنیاد اس کیمیاوی اصول پر مبنی ہے کہ گریس اور پانی کبھی مدغم نہیں ہوتے اور ایک دوسرے کا اثر قبول نہیں کرتے ۔


لیتھو گرافی طریقہ طباعت کی تیکنیک[ترمیم]

ایک ہموار سطح کے پتھر کی بالائی سطح پر کاتب گریسی سیاہی کے ذریعے کتابت کرتے ہیں۔پھر اس کتابت یا نقش نگار یا تصویر بنائی گئی سطح کو پانی سے تر کر دیا جاتا ہے ۔گریس پانی کا اثر قبول نہیں کرتی اس لیے گریس سے کی گئی کتابت پہ پانی کا کوئی اثر نہیں ہوتا ۔ پانی کے سکھ جانے کے بعد ایک رولر کی مدد سے مطلوبہ رنگ کی چکنی سیاہی کو پتھر کی کتابت والی سطح پر پھیلا دیا جاتا ہے ۔ جسکی وجہ سے پتھر کی سطح پر صرف وہ نقوش ہی ابھر کے سامنے آجاتے ہیں جہاں گریسی سیاہی سے کتابت کی گئی تھی کیونکہ پانی گریس کا اثر قبول نہیں کرتا ۔ اس کے بعد کسی کپڑے یا کاغذ وغیرہ کو پتھر پر ابھرنے والے نقش پر داب کر پرنٹ حاصل کرلیا جاتا ہے۔


لیتھو گرافی کا استعمال[ترمیم]

لیتھو گرافی کا باقاعدہ استعمال انیسویں صد ی کے اوائل میں ہی شروع ہو گیا تھا اور وہ تمام ممالک جہاں عربی ، ترک اور اس سے ملتے جلتے رسم الخط رائج تھے وہاں یہ طریقہ کار جلد مقبول ہو گیا چنانچہ اس ممالک میں بڑی تعداد میں کتابوں کی طباعت ہوئی ۔ موجودہ دور میں بھی لیتھو گرافی طریق کار بڑے پیمانے پہ کتابوں ، پوسٹرز ، نقشوں ، اخبارات وغیرہ کی طباعت وغیرہ کے لیے استعمال کیا جار ہا ہے جسے آفسیٹ لیتھو گرافی کہا جاتا ہے ۔

آفسیٹ لیتھو گرافی[ترمیم]

آفسیٹ لیتھو گرافی ابتدائی لیتھو گرافی کی ایک جدید شکل ہے جو جسکی بنیاد فوٹو گرافی کے نظام کار پر ہے اس طریقے کار میں پتھر کے بلاک کے بجائے ، ایلومینیم ، پولسٹر یا پیپر پرنٹنگ پلیٹ استعمال کی جاتی ہیں۔ سب سے پہلا آف سیٹ پرنٹنگ پریس ۱۹۰۳امیں قائم ہوا آف سیٹ پرنٹنگ موجودہ دور میں طباعت کے لیےسب سے زیادہ رائج ہے ۔ زیادہ تر کتابیں ،اخبارات ، رسالے آف سیٹ پرنٹنگ کے ذریعے چھاپے جاتے ہیں۔ طباعت کے میدان میں آف سیٹ پرنٹنگ سب سے آزمودہ طریق کار سمجھا جاتا ہے کیونکہ کہ یہ سستہ ، تیز ، بہتر ین اور نسبتا آسان طریق طباعت ہے ۔ آف سیٹ پرنٹنگ میں آف سیٹ اس وجہ سے کہا جاتا ہے کیونکہ اس میں طباعت کے لیے استعمال ہونے والی سیاہی چھاپی جانے والی سطح پہ بلواسطہ طور پر منتقل ہوتی ہے ۔

مزید دیکھئے[ترمیم]


نگار خانہ[ترمیم]

حوالہ جات[ترمیم]

  1. ^ اُردو روئے خط لُغت پر سنگی طباعت کا سلیس اُردو مفہوم