محمد اکرم طوفانی

محمد اکرم طوفانی
معلومات شخصیت
تاریخ پیدائش	سنہ 1930ء
تاریخ وفات	26 دسمبر 2021ء (90–91 سال)
شہریت	پاکستان
عملی زندگی
پیشہ	عالم ،  خطیب
تحریک	عالمی مجلس تحفظ ختم نبوت

مولانا محمد اکرم طوفانی (پیدائش; 1930ء – 26 دسمبر 2021ء) ایک پاکستانی اسلامی اسکالر اور عالمی مجلس تحفظ ختم نبوت کے مرکزی اکابرین میں سے تھے۔ آپ نے جامعہ اشرفیہ سے تعلیم حاصل کی تھی۔ وہ سرگودھا کی ایک مقامی مسجد میں خطیب تھے۔ انھوں نے سرگودھا میں خاتم النبیین میڈیکل کمپلیکس اینڈ ہارٹ سینٹر قائم کیا۔ وہ 26 دسمبر 2021ء کو بوجہ عارضہ قلب وفات پاگئے۔

تعلیم

آپ نے جامعہ اشرفیہ لاہور سے اپنی دینی تعلیم کا آغاز کیا۔ اسی بستی میں کچھ دن بعد مولانا محمد ضیاء القاسمی سے شناسائی ہوئی۔وہ جب بھی اس علاقے میں آتے تو آپ ان کی خدمت میں جاتے۔ اسی دوران آپ نے درس نظامی میں داخلہ لیا اور 1964ء میں آپ نے دورہ حدیث کیا۔ درس نظامی سے فراغت کے بعد سرگودھا تشریف لے گیا اور ایک مقامی مسجد میں خطابت شروع کی۔ جن بزرگوں سے آپ نے فیض حاصل کیا ان میں مولانا احمد علی لاہوری، مولانا سید عطاء اللہ شاہ بخاری، مولانا شمس الحق افغانی، مولانا محمد رسول خان ہزاروی، مولانا غلام غوث ہزاروی، مولانا محمد عبداللہ بہلوی اور مولانا خواجہ خان محمد کے نام بہت نمایاں ہیں۔ آپ نے بہت سے بیرون ممالک کا دعوتی و تبلیغی سفر فرما چکے ہیں۔ اور آپ کی کئی کتابیں شائع ہو چکی ہیں۔ 1958ء میں ملتان میں آپ نے مولانا سید عطا اللہ شاہ بخاری کی خدمت کی سعادت حاصل کی۔ حضرت مولانا سید حسین احمد مدنی سے خط کتابت بھی رہی ۔

خاتم النبیین میڈیکل کمپلیکس اینڈ ہارٹ سینٹر

انھوں نے سرگودھا میں کروڑوں کی لاگت سے مکمل ہونے والا ہسپتال خاتم النبیین میڈیکل کمپلیکس اینڈ ہارٹ سینٹر جن کا شمار پاکستان میں بہترین ہسپتالوں میں ہوتا ہے۔ جن میں جدید ترین طبی سہولیات اینجو گرافی،اینجو پلاسٹی، ایکوگرافی، وینٹی لیٹر،ای سی جی، ایمبولینس اور آوٹ ڈور کی تمام سہولیات موجود ہیں۔ اور علاج کا خرچ آدھی قیمت پر کیا جاتا ہے۔۔

وفات

26 دسمبر 2021ء کو بوجہ عارضہ قلب وفات پائی۔