ہورسٹ کوہلر

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
ہورسٹ کوہلر


صدر جرمنی
در منصب
1 جولائی 2004 – 31 مئی 2010
چانسلر گرہارڈ اسکروڈر

اینجیلا مرکل

پیشرو جوہانس را
جانشین کرسچن وولف

چیئرمین اور مینیجنگ ڈائیرکٹر بین الاقوامی مالیاتی فنڈ
در منصب
1 مئی 2000 – 4 مارچ 2004
پیشرو مائیکل کیمڈیسس
جانشین روڈریگو راٹو

در منصب
1998 – 2000
پیشرو جیکس ڈی لاروسیئری
جانشین جین لیمیئر

پیدائش 22 فروری 1943 (1943-02-22) ‏(71)
ہائنڈسٹائن, (حالیہ اسکائربیسزو)
سیاسی جماعت کرسچن ڈیموکریٹک پارٹی
ازواج ایوا کوہلر
مادر علمی جامعہ ٹوبنجن
پیشہ ماہر اقتصادیات
مذہب لوتھرن
دستخط

ہورسٹ کوہلر (پیدائش 22 فروری 1943) جرمن سیاست دان ہیں اور ان کا تعلق جرمن ڈیموکریٹک یونیں سے ہے۔ آپ نے 2004 سے 2010 تک جرمنی کے صدر کا عہدہ سنبھالا۔ آپ کرسچن ڈیموکریٹک یونین اور کرسچن سماجی اتّحاد کے مشترکہ امیدوار تھے، اس کے علاوہ آپ کو فری ڈیموکریٹک جماعت کی بھی حمایت حاصل تھی۔ کوہلر کو وفاقی اسمبلی نے 23 مئی 2004 کو پانچ سال کے لیئے جرمنی کا صدر منتخب کیا اور اس کا افتتاح پہلی جولائی 2004 کو ہوا۔ آپ کو 23 مارچ 2009 میں اس عہدہ پر دوبارہ منتخب کیا گیا۔ ایک سال بعد 31 مئی 2010 میں آپ نے استعفٰی دے دیا۔ آپ کے استعفٰی کی وجہ افغانستان سے واپسی پر جرمن فوج بنڈیسوہر کے کردار پر دیئے گئے تبصرہ پر اٹھنے والا تنازعہ بنا۔

کوہلر ماہر اقتصادیات ہیں۔ صدر بننے سے پہلے آپ کا سیاست، سول سروسز انتظامی خدمات اور بینکنگ میں امتیازی کیریئر موجود ہے۔ آپ 1998 سے 2000 تک یورپی بینک برائے تعمیر نو اور ترقی کے صدر رہے اور 2000 سے 2004 تک بین الاقوامی مالیاتی فنڈ کے سربراہ رہے۔

ابتدائی زندگی[ترمیم]

کوہلر اسکائربیسزو (اس وقت کا ہائنڈسٹائن)، جرمن - مقبوضہ پولینڈ کے جنرل گورنمنٹ علاقہ میں پیدا ہوئے۔ ایڈورڈ کوہلر اور الیزبتھ کے بچوں میں آپ کا ساتواں نمبر تھا۔ آپ کے والدین کو جرمن اور رومینین شہری ہونے کیوجہ سے 1940 میں نازی-سویت آبادیوں کی منتقلی کے دوران بیسّارابیا چھوڑنا پڑا۔ جینرل پلان اوسٹ کے تحت 1942 میں انہیں اسکائربیسزو میں بسایا گیا جو زاموسک پولینڈ کے قریب ہے۔ وہرماکٹ (جرمن فوج 1935-1945) کو پیچھے دھکیلے جانے اور 1944 میں پولینڈ کے ابتدائی حصّوں کے انخلاء کے بعد کوہلر خاندان لیپزگ کوچ کرگیا۔ 1953 میں اس خاندان نے کمیونسٹ حکومت سے بچنے کیلیئے سوویت علاقہ کو مغربی برلن کے راستہ خیرآباد کہا۔ 1957 تک کوہلر خاندان لڈوگسبرگ سکونت اختیار کرنے سے پہلے پناہ گزین کیمپوں میں رہے۔ اسطرح چودہ سال کی عمر تک ہورسٹ کوہلر کی زندگی کا بیشتر حصّہ پناہ گزینوں کیطرح گزرا۔

ذاتی زندگی[ترمیم]

کوہلر نے ایک استانی ایوا کوہلر سے شادی کی ہوئی ہے۔ ان کے دو بچے ہیں، بیٹی الریک (پیدائش 1972) اور بیٹا جوچن (پیدائش 1977)۔