اللہ ڈنوساند

اللہ ڈنوساند يا الھڈنو ساند ( سندھی : الھڏنو ساند) تعلقہ اور ضلع مٹیاری، سندھ، پاکستان کا ایک گاؤں ہے۔ یہ گاؤں کراچی - پشاور ریلوے لائن کے ساتھ واقع ہے۔ اس گاؤں میں ریلوے اسٹیشن ہے لیکن فی الحال یہاں کوئی ٹرین نہیں رکتی۔ یہ گاؤں مٹیاری، ٹنڈو جام، نصر پور ٹاؤن، شاہ پور درپور، مسو بھرگڑی اور گاؤں واحد ڈنو انڑ (جسے گاؤں حکیم پیر حاجن شاہ راشدی بھی کہا جاتا ہے) سے سڑک کے ذریعے منسلک ہے۔ اس گاؤں سے مٹیاری تک سڑک کو 2017ء میں بہتر کیا گیا ہے یہ گاؤں مٹیاری کے جنوب مشرق میں 13 کلومیٹر اور ٹنڈو جام کے شمال مغرب میں 11 کلومیٹر فاصلے پر واقع ہے۔ یہاں ایک پرائمری اسکول، ہائی اسکول، میڈیکل ڈسپنسری اور ڈاکخانہ قائم کیا گیا ہے۔ اس گاؤں کا نام گاؤں کے ایک معزز شخص کے نام پر رکھا گیا ہے۔ جس کا نام اللہ ڈنو ساند تھا۔ ساند ( سندھی : ساند) سندھی مسلم کمیونٹی کی ایک کنیت ہے۔ یہ گاؤں سندھ کے انتہائی زرخیز علاقے میں واقع ہے۔ کپاس، گندم، کیلا اور گنا اس علاقے کی اہم فصلیں ہیں۔